اشلون اعرف ان الدجاج استوى

[منيره آل ثاني]

بسم الله الرحمن الرحيم

السلام عليكم ورحمة الله وبركاته

بنات انا اعتبر مبتدئه في المطبخ ودي اطبخ واسوي شغلات
احنا في البيت نحب الأكل الهندي
فا ودي اسوي كاري دجاج
بس ياريت تقولون لي شلون اعرف ان صدر الدجاج الي قطعته استوى معاي زين
يعني لما أحط الزيت بعدين البصل والثوم والزنجبيل وأخليت لين ما البصل شوي يتغير لونه
وبعدين أحط الدياي هنئ كم دقيقه اخليه عشان يستوي واقلب عدل ولا بس اخليه يستوي
وإذا بسوي لحم كم دقيقه اخليه عشان يستوي
وبعد ابي اعرف شلون اسوي عيش ابيض وشلون اعرف انه استوى معاي
وشلون اسوي عيش بالزبدة

أرجو أني ما كثرت عليكم بالأسئلة :eh_s(17):

 

[M!ss CoLoRz]

وعليكم السلام والرحمة

بالنسبة للدياي إذا كانت كاملة او مقطعة تلاحظين الريل .. مجرد ما ينفصل اللحم عن العظم شوي يعني شغلج مضبوط.

إذا كان مقطع مكعبات مثل ما قلتي مثلا حق كاري فأمره أسهل ... بتحطين الدياي على الحمسة ( البصل والزنجبيل .. الخ) فيعني الجدر / المقلاة اولردي حارة تضيفين الدياي وتخلينه شوي دقيقة دقيقتين وبعدين قلبيه خمس دقايق بالكثير وكل القطع بتكون مستوية وانتي بعد خلي بعض القطع حجمها كبير عشان تقدرين تقطعينها من النص وتجوفينها استوت او لا .

اللحم .. إذا كان حق الكاري والله ما قط جربت هالطبخة مع لحم بس انتي اتبعي الطريقة اكيد مذكور فيها .. واغلب طبخات اللحم تاخذ وقت بحكم انج لازم تفوحينه مع بهارات ساعتين / ساعتين ونص إذا كان استرالي او نيوزلندي أما إذا كان اللحم عربي ياخذ أكثر تقريبا ثلاث ساعات طبعا انا اتكلم عن لحم الغنم. إلا إذا بتسوين ستيك هاي ما يحتاج تفوحينه.

انيي حق سؤالج للعيش ... اليس الابيض ولا اسهل ... تاخذين المقدار اللي تبينه وتغسلينه كذا مرة .. ناس يغسلونه خمس مرات وناس عشر على تعودكم وبعد الين ما تجوفين الماي صار نظيف

تترسين الجدر اول بالأحرى نص الجدر ماي وتخلينه يفوح ( ويصير مباشرة تضيفين العيش المغسول للجدر وتخلينه يفوح 9 تضيفين العيش المغسول وتحطين ملح وإذا تحبون دارسين عدل ومسمار وهيل وتخلينه يفوح تقريبا سبع دقايق والدقة في التوقيت مو ضرورية إذا بتكونين موجودة في المطبخ وعلى راس الجدر مثل ما يقولون .. كل شوي تجيكين العيش تاخذين وحدة وتقصينها الين ما تنضج ثلاثة ارباع استواء بمعنى آخر الحبة تصير لينة شوي هني تشخلين العيش وتقللين الحرارة وتردين العيش مكانه وتخلينه يتسكر (يطلع دخانه)الن ان ينضج كامل في هالخطة تقدرين ترشين فوقه زعفران ويصير خنين او تضيفين زبدة شوي عشان يصير عيش بالزبدة مثل ما تبين .

عن نفسي مو كل مرة اجيد العيش إذا خليته ينضج ثلاثة أرباع استواء فأفوحه فوح كامل ويلين إذا سويتي نفسي ما يحتاج تخلينه يتسكر ثواني ويجهز .. هالطريقة تفيدني لأني موظفة واطبخ حق يومين فيعني العيش يدش الثلاجة ويبرد ما يمديه ياخذ راحته نفس طريقة امهاتنا .. وفي الأخير النتيجة وحدة .

وسلامتج

 

[M!ss CoLoRz]

راح انصحج ببعض الكتب / كتب طباخات خليجيات اسلوبهم واضح ودقيق :

كتب عبير الراشد من الكويت / عندها مجموعة كتب تحت اسم الذواقة.

كتب أفنان الزياني من البحرين مثل السفرة الخليجية / خليجيات / أفنانيات.

كتب دلال الشروقي من البحرين مجموعة كتبها اسمها الوليمة اول واحد او ثاني واحد مو ذاكرة بس المهم انه الوردي هاي ما شالله موسوعة.

كتب عايشة بهلول الطاهي

مجموعة كتب مطاحن الدقيق الكويتي القديمة تلقين اسم مطاحن الدقيق وعلامتهم واضحة على الكتب والحديثة تلقينها تحت اسم senses

وطبعا احين عندج الانستغرام سريع والطباخات كل وحدة تقول الزود عندي ... منهم:

أفنانيتو من الكويت

الشايع من الكويت

فروحة الامارات من الامارات وهاي تحط لج كل خطوة مصورة على موقعها.

وغيرهم واايد ما شالله

 

[أحلى همبه كويتية]

شكرا مس كلورز على التوضيح

عساك على القوة

 

[F.Strawberry]

حبيبتي الصدر بسرعه يبين معاج اذا استوى ولا لأ
راح تلاحظينه يبس و هم على حسب الحراره يعني ماكو وقت معين و اللحم ينظى اسرع اذا كان شرايح

 

[منيره آل ثاني]

مشكورات على نصايحكم
ومشكورات على مروركم العسل