اشلون اعدل نوم ولدي حق الحضانه

[جلكسيه اس 3]

السلام عليكم و رحمة الله و بركاته
اشلونكم خواتي

شخباركم خواتي

اشلونكم مع رمضان


امهات انا سجلت ولدي حضانه حق السنه اليديده
و الحين نومه اخترب كله سهر
3 يالله ينام و ما يقوم الا بالظهر وحده و شيء
عفيه تكفون قولولي اشلون اعدل نومه
عشان ما اتوهق وقت الحضانه

 

[n-h-m]

Up up up

 

[jawaa]

قعدي الصبح حبي ولعبي معاه لهيه لي الظهر انشالله يضبط معاج

 

[جلكسيه اس 3]

مشكورين بنات بعد بعد

بنات بسالكم بليل الساعه جم لازم انومه ؟

 

[رتبه دبلوماسيه]

اب اب

 

[miss mama]

نوميه من 8 بليل عشان مايتعسر عليج بقعدة الصبح

 

[جلكسيه اس 3]

مشكورين

 

[alhnan]

من اذان المغرب عشيه بس ياذن العشا نوميه

 

[جلكسيه اس 3]

مشكورين. اهوا المشكله اذا نام من الساعه ثمان يقعد الساعه اهدعش

 

[*ماي الورد*]

اول اسبوع راح ينام بالحضانة الصبح و بعدين شوي شوي راح تتعدل نومته و تلقينه بيقط روحه من التعب الساعة سبع

 

[جلكسيه اس 3]

اليوم قعدته الساعه عشر الصبح غسلت ويهه قعد اشوي و رد نام

 

[جلكسيه اس 3]

تستمر المعاناة

 

[jawaa]

لوووووووول الله يعين انتم السابقون ونحن اللاحقون

 

[PuPa^^SWeeT]

نفس حالتج بناتي ماينامون الا الساعة 1
بالليل

والكبيرة صعبة بالنوم


ماني عارفة

وحدة وراها روضة والثانية حضانة

الله يعين

 

[ريجو]

حاولي تصحينه الساعه11 الضهر ولا ينام فترة الضهر خليه يلعب والساع 9 او 10 نوميه
شوي شوي ويتعدل نومه
اما فترة الحضانه هو يتعود وماراح تصير الساعه 8 الا الولد طافي يبي ينام او نايم
نفس ولدي حبيبي

 

[اطياب طيبه.أم عبدالله]

لووووول صصصصج معانااااه هالسالفه عندي كل سنه

خلي الامور طبيعيه وكل يوم قعديه قبل وقته بساعه يعني اليوم ١ الظهر باجر ١٢ عقبه ١١ عقبه ١٠ عقبه ٩ عقبه ٨ عقبه ٧

وصدقيني راح يبجر بنومته يوميا ساعه الين يوصل انه ينام الساعه ٩ او ٨ باليل من نفسه

جربي حبيبتي انا كل سنه اسويها مع هالمشاغبين ويمشي الحال

 

[مواصله]

خخخ بناتي توهم هالحين ينامون

ان شاءالله قبل العيد بيومين اعدل نومتهم ،،اقعدهم مبجر يكونون مو شبعانين نومه

ونطلع عشان ماينامون ..

اول مانرجع البيت بيكونون طفو خلاص ينامون واقعدهم مبجر

السالفه تحتاج يومين ثلاثه بالكثير اهم شئ التوقيت وتالي بيتعود من نفسه

 

[جلكسيه اس 3]

مشكورين بنات و ان شاء الله يتعدل نومه

 

[um 3amor]

نفس المشكله
اقعده الصبح تصير الساعه 9 يدوخ ينام يقعد الساعه 12 شبعان نوم
ماكو فايده جني مو مسويه شي

 

[ʍ!ʂʂ ɑӀƙɑժվ~❁]

نفس المعناة تعبت مع بنتي مو راضي يتعدل نومها 

شسوي وراها حضانه