اشلون اتعرفين انج حامل

[درابيل وحليب]

من الطرق اللي قريتها و اللي تعتبر مضمونة في كشف الحمل انج تحطين ايدج و انتي منسدحة على مكان المبيض اليمين او اليسار واذا لقيتي مثل الكرة او كتلة فانت حامل وانا كل شهر اجرب هذي الطريقة و ما القى شي ف اعرف ان الدورة بتنزل و الي حامل تجرب و تقلنا رايها .
و الطريقة الثانية اهي الافرازات اذا شفتي ان افرازات التبويض مستمرة معاج لين موعد الدورة و تكون مطاطة يعني مو اي افرازات لازم تكون مطاطة حيل ( جربيها بين الابهام و السبابة يعني تمط جم سانتي ) وتقولين حق روحج وي ليلحين ما خلص التبويض فانتي 100% حامل .
و اذا كان عندج افرازات في موعد الدورة و كنت شاكة شوفي الافرازات اذا طفت بالماي فانت حامل و هي من علامات الخصوبة اما اذا انزلت تحت بالقعر فانت مو حامل وهذا عن تجربة.

 

[ام عفاف الكويت]

امبيه انا صار لي 5 ايام شاكه وطافت الدوره والافرازات الحين صح امبيه لاتقولين

لاتصدميني انا ممنوعه من الحمل لمده سنه

انا البلوى طنشت جم حبه وخربطت الشريط كله

بقعد 3 ايام وبعدها بروح الصيدلية اجيب الحمل المنزلي

شنو بعد اعرف ان كنت حامل في بنتي كان بطني كل ساعه بروح الحمام عزج الله

وصدري يعورني حيل

 

[البيداء_77]

اممم بس هالطريقة ما تصلح للمتان لانة الشحم يضيعهم

علعموم مشكورة على المعلومة

 

[Hello_kitty]

والله انه كل شهر تطلع معاي كل العراااااااض وبالخير تنزل الدوووووووووورة كعادتها!!!


الله كريم ما راح افكر باي عارض ولا اشك اني حامل الا لما اشووف التحليل بعيني وتقولي السستر

مدام مبروك حااااااااااامل


يارب ييب ذااااااااك اليووووووووووووووم

 

[الفنانه79]

امممممممممممممممممممم

خوش معلومات

بس انا تكرمين افرازات التبويض كانت معاي وقت التبويض جم يوم يمكن يومين او ثلاث وشفاااااافه ومطاطيه

بس الحين اوقفت وتكرمين تنزل علي افرازات بيضا عاديه

يعني شنو موحامل ؟؟؟؟

مشكووووووووووره على المعلومات الحلوه

 

[++The DuchesS++]

مشكوووره على المعلومات
انا اذكر ام ريلي قالت لي هالمعلومه
تقول قبل كنت انسدح على الارض واشد بطني
وامسك مكان المابايض تقول احس بكره عنونه
تقول اعرف اني حامل تقول خصوصا اذا كنت محصووره وانتو بكرامه

 

[bnt_kwt]

مشكوره على المعلومات
ومالت الكره اللي بالبطن هذي انا بعد سامعتها

 

[عيوووزه كووول]

مشكوره على المعلومات حبوبه

 

[hmama]

مشكوره عالموضوع

والله انا صدري يعورني

في الام صوب الحلمه اكثر شي

وصارلي عشرين يوم من الدوره

مادري هالشي طبيعي والا لا؟؟

 

[Swan]

اول مره اسمع بهالمعلومة
مشكورة

 

[MsMoonlight]

يا رب اكون حامل ..

ادعولي

 

[أحلى^حياه]

مشكووورة حبيبتي
انا سمعت انه في بنات حتى واهم حمل تنزل الدورة عليهم بس خفيفة !
صج ولا لأ ؟؟؟

 

[أزينكم]

كلش ما افهم بهالاشياء

 

[سندريللا بطه]

مشكوره على المعلومه عاد انا صار لي اربع ايام احس بنفس الورم على المبيض اليسار قلت يمكن كيس على المبيض بس والله زين ان شاء الله اكون حامل آمين وكل محرومه الله يرزقها.

 

[درابيل وحليب]

المشكلة انه في اعراض مشتركة مابين الدورة و الحمل ما تقدرين تعتمدين عليها ابدا و اهي :

- الام و انتفاخ الصدر.
- الام اسفل الظهر و اسفل البطن .
- الوحم ( اشتهاء انواع معينة من الطعام )
- المزاجية و العصبية الزائدة .
- زيادة بالنوم .
- الشعور بالتعب عند بذل أقل مجهود.



و الي اسألت عن الدورة اللي تكن خفيفة وقت الحمل هذي الدكاترة ما يسمونها دورة يسمونها نزيف التعشيش يعني شنو يعنى البويضة الملقحة لمن اتيي تنغرس في بطانة الرحم تزيح بعض من خلايا الدم سبحان الله ربي ما خلقت هذا باطلا علشان تثبت نفسها و التعشيش ممكن انه يصير من سادس يوم بعد التبويض لين موعد الدورة و اهي بعد من علامات الحمل بس لازم يكون الدم خفيف يعني مو نفس دورتج .

 

[درابيل وحليب]

صورة تبين طريقة اختبار الخصوبة
الثانية تعتبر فيها احسن وقت للجماع

 

[hmama]

مشكوره حبيبتي درابيل وحليب

والله صدري ذابحني

متورم شوي بعد...مادري دوره والا حمل؟؟

 

[كويتيه مذهله 87]

معلومات مفييده

مشكوووووووووره

 

[Cacawa]

انا الحين باقي 4 ايام على موعد الدورة
ومن امس حايشني عوار في بطني مثل عوار الدورة واليوم الصبح بزيادة
ومن امس احس ان في شي ينزل علي وتكرمون كل ما اروح الحمام ماكو شي

 

[أحلى شمريه]

كاكو انا تقريبا مثلج

يارب ارزقنا وارزق كل محرومه