اشلون اتخلص من الكتب والدفاتر؟؟!!

[المرام]

اشلونكم بنات ,,,بغيت حل حق الفاتر والكتب القديمه اشلون اتخلص وخاصه ان في بعضها آيات وأحاديث ؟؟!!

عطوني افكاركم للتخلص منها

 

[واثقه خطاي]

ليش ماتلمي كل الكتب بكيس اؤ اي شغلة راح تحتاجي الكتب لما تطلب المذرسة لزق صؤر

 

[الدلال]

انا اخشهم يمكن احتاج لهم بعدين

او حتى اعطيهم حق رفيجاتي اللي عندهم عيال السنه اليايه راح يروحون نفس مرحلة ولدي الحاليه

 

[شيومة العوضي]

انا امس جاردة كل الكتب ملوت السنة اللي طافت اول شي اقط اللي مابيهم بجيس كبير مال التبرعات و اللي احس ان فيهم واايد صور ينفعوني اخليهم يعني كتاب كتابين مو اكثر و الاشياء الاسلامية اخليهم بدرج عندى درج مخليته كله اشياء اسلامية او اذا توهقتي عطيهم حق ناس اصغر منج يحتاجونه حق بعدين ..

 

[السنعة2]

في شخص اسمه
الشيخ جاسم العيناتي

مخصص سائق وسياره لجمع الاوراق

تتصلين يوصل لي عندج يستلم
انا صراحه سمعت عنه بس ما تعاملت معاهم للامانه
انتي خل واحد من اخوانج او ابوج يتصل فيه
ويتفق معاه

اسم السائق شفيق رقم موبايله 97814973

وبميزان حسناتج ان شاء الله

 

[المرام]

مشكورين للي اقترحوا على ,,,بس انا من عرفت للنت وانا ما اقص صور من الكتب ,,اسوي سيرج بالقوقل واطبع بالطابعه <<اسرع واسهل


السنعه 2 ,,,راح اخلي زوجي يتصل وبشوف واعطيكم خبر,,,<<<مشكوره يافلبي على الرقم

 

[البيداء_77]

ما شاء الله كنت بعطيج رقم السايق شفيق بس سبقتني السنعه صج انها سنعه

 

[المرام]

البيداء _77
يعني انتي تعاملتي معها؟,,,ياليت تقوليلي

 

[أم عبووووود]

انا دقيت من قبل على جاسم العيناتي وقال الحين ماناخذ لكن بس نيمع الملابس المستعملة لان هما بالاساس كانوا ياخذونهم ويبيعونهم وفلوسهم صدقة حق افريقيا وماااادري عنهم الحين اللي تسأل تفيدنا

انا عن نفسي ايمع الجرايد والكتب واقطهم مدرسة بنتي لانهم من اول السنة قالوا لنا جذيه وهما يتصرفون فيهم

 

[أم الغاليين]

آنه توني دقيت على السايق شفيق وقال لي انهم هونوا عن التجميع بالبيوت لكنهم باللجنه يستقبلون الكتب والأوراق في الروضة ق 5 مقابل حديقة جمال عبدالناصر ( لجنة القارة الأفريقية)

 

[السنعة2]

مشكورين على المعلومات اليديده

ومشكوره ام الغاليين

 

[أم عبووووود]

آنه توني دقيت على السايق شفيق وقال لي انهم هونوا عن التجميع بالبيوت لكنهم باللجنه يستقبلون الكتب والأوراق في الروضة ق 5 مقابل حديقة جمال عبدالناصر ( لجنة القارة الأفريقية)

يزاج الله خير حبيبتي

 

[Creative]

اختي في مجموعة شباب كويتيين ياخذون الجرايد والكراتين يسوون لهم ريسايكل
أنا وأهلي كله ندق عليهم وهذي أرقامهم :
22974384
97033563

 

[رفرف]

في حاويات اوراق بس مادري وين تكون اذكر قبل كان في بمواقف جمعية مشرف جنه قبل لا يسنعونهم امي كانت تودي الكتب ..

وفي بالاحمدي حاويات اوراق عند كل بيت وسامعة في اماكن او مصانع الورق مادري وين بالضبط يشترون الجرايد والمجلات ويردون يصنعونهم

 

[اي اسم]

منكم نستفيد

 

[الحراير]

دقي علي اي لجنه ياخذونهم لاني من شهر دقيت علي لجنة الرقه وخذوا الكتب اللي عندي مع ملابس