* اشلونكم يالحلوين بليز ساعدوني *

[قطاوي]

:001:


أنــــــــــا قـــــــــــطــــــــــــاوي أنــــــــــا


هـــــايــــــووو أشـــلـــونـــكـــم وشخباااااركــــــم
مـــيـــاووو مـــيــاووو







بنات انا اموت بالاكل الايطالي
وخاصةً الباستا

الحين طريقة الباستا اول اسلق المعكرونا وبعدها احط الكريمه مالت الباستا سح ؟
بس انا ابي الباستا حمره
وابي الكريمه اشلون يسونها يعني طريقتها ؟
والمقادير شنو ياريت تذكرون لي المقادير عشان اروح الجمعيه اشتريها



ومشكورين







:001:

 

[كتكوته ورديه]

تلقين خلطة كنور مالت الباستا فقط تحطين بصل وكزبره وخلطة الكنور ومعجون طماط

 

[f6oooma]

هلا قطاوي شوفي حبيبتي

هذي طريقة (باستا بيني ارابياتا)
شوفي حبيبتي تحتاجين

1 معجون طماط كي دي دي
فصين ثوم او اكثر اذا تحبين نكهة الثوم
بصلة صغير مفرومة فرم نااعم او مبشورة احسن
2 م.ط زيت زيتون
م.ش اوريغانو
ريحان مفروم بس مو وايد يعني نص شدة اذا شدة صغيرة
و مثله بقدونس
و اذا عندج فلف احمر حار "جيلي"
مكرونة بيني "اللي تصير طويلة شوي و مقظوظة من الصوبين"
ملح وفلفل حسب الرغبة
ا ماجي دياي
جبن بارميزان للتزيين

ألحين الطريقة :
حمسي البصل و الثوم بزيت الزيتون لما يصير البصل شفاف
بعدين حطي الماجي
ضيفي معجون الطماط و الأعشاب و البهارات و قلبيه شوي شوي و خليه نص ساعة و كل شوي طلي عليه و قلبيه

طبعا تكونين فايحة المعكرونية بماي و ملح و زيت و مصفيتها

بس ضيفي المعكرنوية بالجدر و قلبيه قلبيه شوي شوي و قدميه بطبق و زينيه ببارميزان .

ان شاء الله شرحي يكون وافي اذا ما عرفتي شي قوليلي

 

[قطاوي]

:001:



بسراحه مال ابوسكم على خدودكم حبايبي مشكورين انا ناويه باجر اسويها اهي سهله بس الكريمه اخاف مااضبطها
بشتري من كنور وبعد بسوي طريقة فطوما فديتج مشكوره عالشرح ياقلبي :*
بجرب الثنتين

بسراحه ماقصرتو




:001:

 

[سمبتيكا ~]

آنا غرااااامي الآكل الإيطالي ،، حتى صرت آتحلم آني مسافره إيطاليا
وقاعده آكل باستا وبيتزا ورفايلو خخخخخخخ

بقولج الطريقه المثاليه للباستا الإيطاليه إللي آعتبرها صحيحه [ من بعد محاولات عديده ]

آول شي الباستا كلش كلششش ماينحط فيها بصــل ..
مقاديرها سهله وبسسسسيطه جربيها بتحسينها مثل الباستا المطاعم : )

المقادير :
- معكرونه 500 غرام [ آنا آحط نص الجيس ]
- زبده 100 غرام
- فص ثوم
- شوية خضرا [ كرفس آو بقدونس آو كزبره ] الموجود ..
- مشروم مقطع [ آنا آستخدم المعلب آسرع ]
- كريمه حمرا
- نص قلاص جبن بارميزان
- ملح وفلفل آسود


الطريقه:

- تفوحين المعكرونيه مع قفشه كبيره زيت زيتون + ملح
- بعد ماتفوحينها وتخلصين جيبي جدر حطي فيه الآتي: <-- حلوه الآتي
- الزبده لما تسيح عقب حطي الثوم والخضرا والمشروم وحمسيهم لمدة 5 دقايق
- حطي الكريمه وحركيهم دقيقتين بعدين حطي جبن بارميزان والملح والفلفل الآسود وحركيهم دقيقتين
- ضيفي عليهم المعكرونيه حركيهم عدل وبعدين سكري الجوله ..
وبالعافيه

​

 

[سمبتيكا ~]

وإذا تحبين تضيفين لها الدجاج ترى عــــــادي
آنصحج بـ دجاج ساديا [ صدور بدون عظم ]
قطعيهم كبار وحطيهم مع حمسة الثوم والمشروم ..
​

 

[جارة القمر]

رد : * اشلونكم يالحلوين بليز ساعدوني *

مشكوووريييييييييييييين
http://q8yat.net/showthread.php?t=151882

http://www.q8yat.net/showthread.php?t=138753
http://www.q8yat.net/showthread.php?t=214332
http://www.q8yat.net/showthread.php?t=415294
http://www.q8yat.net/showthread.php?t=385852

 

[قطاوي]

:001:


فديتكم ماقصرتو






:001:

 

[جارة القمر]

رد : * اشلونكم يالحلوين بليز ساعدوني *

بالعافيييييييييييييييية