اشكره جدام الناس عاد....

[عاشقه رويشد]

السلام عليكم


صباح الخير عليكم كلكم عساكم بخير


انا بدش بالموضوع علي طول


قبل امس كنت رايحه مكاااان امووووت عليه سوق المباركيه صج صج هل مكان شي كبير حقي ارتاح فيه


المهم رحنا السوق اللي تحت صوب اللي ايكم ممر طويل ويصير يمين ويسار محلات وفوق فيه الجميع اذا تعرفونه


لاني مااعرف اسمه بس يم الدري في مال السمبوسه ويبيع سوالف رياييل دشاديش وجذي


المهم طبعا كان شوي زحمه رايحين انا وامي واخوي واختي اخوي كان جدامي ياربي كان يمشي عادي


اشوفه تنح وقف ونزل راسه ومشي


ولا شنو اشوووف تخيلووو بنات والله العظيم وحده من جنسيه عربيه مع احترامي حق كل الجنسيات


لابسه عبات لف وشكلها مستور جذي وشايله بيدها ولدها يمكن عمري 10 شهور وشايلته رافعته يعني تكرمون واصل


لي اباطها يوم اقرب ولا شنو




























تخيلو قاعده ترضعه جدام خلق الله وتحسب محد يشوفها ومغطيه ولدها باللفه والهنادوه والعالم كلها اطالعها



ماادري هل اهوا غباء منها ولا شنو الموضوع يعني صج صج صج كرهت عمري يومها وللحين الصوره اللي شفتها فيها



ابالي ولي الحين منصدمه اوكي بترضعينه روحي حمام اي مكان يضفج مو جذي جدام خلق الله



شرايكم بالموقف وما مر عليكم موقف جذي انصدمتوووو منه حيل حيل


تقبلو تحياتي ​

 

[دنيتى زوجي M]

استغفرالله ياربي

مولهدرجه عاد

الناس استخفو واقعدووا ..!!!

 

[تمنيته]

لحووول ناقصين احنا .. بس يمكن على نيتها ترى في بعض ناس طبعهم عادي حسبالهم الناس بريئه

 

[فزالخفوق]

لا لا مو لهدرجه انعدم الحيااااااااااااء

 

[Arabian Beauty]

@@

جان نبهتيها يمكن مو داريه

 

[*girly-pink*]

يقولج في مثل تعرفه قال نعم ، قال جاورته قال لا يعني حبوبه انتي ماعرفتي المره شنو اهي طبيعتها موصاحيه مرة عاقله ترى وايد ناس جذي مومتربين على الحيا ولا طبيعتهم عفويه جذي ولا يمكن ناقصه ربيتها موصاحيه وقالوها الطبع اللي بالبدن ما يوخره الا الكفن
وأهل السماح ملاح لاتتضايقين من فعلتها على طول والمفروض انج تروحين لها وتقولين لها والله لو انا منج اروح لها واقولها بكسب اجر بالحالتين بحاله انها ماتقبلت هالكلمه مني او اذا اهي كانت مستعيله او متدوده وماحست ونبهتها وانتي بعدين استري على ماواجهتي علشان الله يستر علينا ولا يبلينا بزله وانتي انسي خلاص لاتذكرين اللي سوته ماراح تفيدج

 

[هواجيس الفجر]

اي الحين توقعي كلللللللل شي

 

[brettey]

امبيه قويه صج فشله فشله لاعاد مو ليهدرجه

 

[sara81]

قلة عقل ودين

 

[Maryomah_q8]

صج قله دين وتربيه ..

 

[من حقي أغير]

استغفرالله العظيم

 

[اميره1980]

عادي انا شفت مره وحدة كويتية بعد قاعده ترضع ولدها جدام السايق و تقول عادي هندي
جنه الحين الهندي مو ريال استغفر الله
ان لم تستحي فافعل ما شأت

 

[توته وااااااااو]

شنو عبايه لف ؟؟

 

[$ بنت علمي $]

ناس قليلين ادب معقولة مايستحون وين الحياء ------خالت امي تقول ان قبل في حريم من جنسية عربية كانوا يقعدون عند< المدارس <ويرضعون اعيالهم !

 

[بنت جنيف]

انا شفت هالمظر بعد بجمعيه الزهراء بس وين قاعده الباب الرئيسي الي يم مذركير وقاعده الهنديه على الكرسي وترضع ولدها جدام الي طالع وداش ,,,, والله احنا لما نطلع نسوي مميات حق عيالنا وصدرنا ايبس من الحليب متى ماردينا البيت رضعنا عيالنا

 

[Čut!e Quèéи]

استغفر الله

شنو هذا شنو الي قاعد يصير

بس الشرهه مو عليها

اذا الديره سايبه لا قوانين ولا رجال امن تارسين الاسوقه و الشوارع

اشلون ماتبونهم يسوون الي يبونه باجر بنشوف مناظر جنسيه بحته ويجيكم العلم

مشكوره عاشقة السفير الغالي بوخالد

 

[بنت شيخ]

استغفر الله ربي

نفس الموقف صار معاي بس بمجمع كنت انا وامي

طبعا انا ما سكتت لاني ما احب اشوف هالمناااظر وبديرتنا

رحتلها وهزئتها شوي

لانه صج صج شي ينرفز لا حيا ولا مستحا

 

[$حبيبة عبودي$]

لاعت جبدي..

 

[عاشقه رويشد]

استغفرالله ياربي

مولهدرجه عاد

الناس استخفو واقعدووا ..!!!

انا لي الحين منصدمه صج لما شفتها انا استحيت علي نفسي

 

[عاشقه رويشد]

لاعت جبدي..

اسمله علي جبدج علي انا شنو اقول