اشعة الصبغه عند ماجده اليتامى ((( بسويها و خايفه ))) الله يخليكم ردوا طمنوني

[# غنوجة بيبي #]

​❤☺•• آڵسَـِْ♡̨̐ـِْڵٱمَ ؏ـلـِْ♡̨̐ـِْيّيّگمَ ••☺❤
بنات آنــــ į ąɱ ــآ توني بديت اراجع عند ماجده اليتامى و لقيت مساعدتها شيرين

تقول لازم تسوين اشعة الصبغة يوم السبت عشان تتاكد من الانابيب لاني كنت مسويه تنظيفات قبل فتره

و تقول بعد الاجهاض لازم تسوينه عشان نتاكد و نتطمن و نبتدي علاج


و بنفسها الدكتوره تقول ما راح تحسين فيها لان معاها بنج


بنات الله يخليكم حدي خايفه و ابجي من الخرعه و قَـلُبي دقاته سريعه من الخرعه

طمنوني عنها*

آنــــ į ąɱ ــآ راح اسويها مع بنج !!*


واللي ماعندها فكره ترفعلي الموضوع جزاكم الله خير

 

[ام دليار]

لاتخافي مابتوجع وجعها محتمل
ساويتها بدون بنج

ان شاء الله بيطلع كلو تمام

الله يرزقك

 

[# غنوجة بيبي #]

مشكوره ام دليار و جزاج الله الف خير


ناطره ردود البقيه

 

[الأميرة جوري]

سوئها مادام طمنتج وقالت ماراح تحسين فيها ومعاها بنج أنا سويتها مرتين وحده بدون بنج اسنخفيت من الألم وحده مع بنج ما حسيا بولا شئ وحملت بعدها لان ممكن تفتح عندج الانابيب وتصير جاهزه للحمل بإذن الله

 

[عسل حدي]

توكلي على الله انا سويتها بالسلام كلفتني ١٠٠ عوارها محتمل وسهالات ولاتبجين ولا شي توملي علي ماتنام عينه

 

[# غنوجة بيبي #]

الاميره الجوري و عسل حدي


جزاكم الله خير طمنتوني

بديت اتقبل الموضوع و بديت ارتاح

 

[عسل حدي]

موفقه يارب

 

[EL-bawarah]

السلام عليكم
حبيبتي آنه سويتها شهر يناير عند دكتوره شيرين
بس آنه بدون بنج ٦٠دينار و آنه من النوع اللي اتحمل الألم بس ما اقص عليچ قمت ابچي بس كلها دقايق وچني چذابه ��
الدكتوره شيرين زينه بس مشكلاتها وايد تستعجل إذا عندها زحمه ماتعطيچ مجال تكلمينها
مره وحده كنت عندها وناطره على السرير بتسويلي سونار و ما كان في غيري بالعياده تقريباً نطرتني عشر دقايق اذا مو اكثر و اهيا تسولف مع وحده من الموظفات عن طلعتها مع زوجها امس صج حقدت عليها وكنت بقوم من على السرير و بطلع
و الله يعينچ على الفلوس اللي بتقطينها أدويتهم وااااااايد غاليه
سويت عندها التلقيح هالشهر مع الادويه و المراجعات تقريباً طلع علي ٥٠٠ دينار
و آسفه اذا طولت عليچ بس حبيت أفيدچ

 

[# غنوجة بيبي #]

السلام عليكم
حبيبتي آنه سويتها شهر يناير عند دكتوره شيرين
بس آنه بدون بنج 60دينار و آنه من النوع اللي اتحمل الألم بس ما اقص عليچ قمت ابچي بس كلها دقايق وچني چذابه ��
الدكتوره شيرين زينه بس مشكلاتها وايد تستعجل إذا عندها زحمه ماتعطيچ مجال تكلمينها
مره وحده كنت عندها وناطره على السرير بتسويلي سونار و ما كان في غيري بالعياده تقريباً نطرتني عشر دقايق اذا مو اكثر و اهيا تسولف مع وحده من الموظفات عن طلعتها مع زوجها امس صج حقدت عليها وكنت بقوم من على السرير و بطلع
و الله يعينچ على الفلوس اللي بتقطينها أدويتهم وااااااايد غاليه
سويت عندها التلقيح هالشهر مع الادويه و المراجعات تقريباً طلع علي 500 دينار
و آسفه اذا طولت عليچ بس حبيت أفيدچ

يعني تعور الاشعه ولا لاء؟؟

 

[عسل حدي]

تعور غنوجه انا بجيا بس عوارها دقايق ويروح جنج جذابه
اذا تتحملين عوار الدوره مل شهر هذي شوي اقوا من عوار الدوره

 

[# غنوجة بيبي #]

يالله سترك


عسوله انتي بنج ولا بدون بنج ؟

 

[عسل حدي]

لا بدون بنج وسويتها عند سوسن بالسلام
بجيت قمت اتعصر والهنديه السستر علي راسي تقولي دقيقه ويروح وفعلا اول ماهلصت قمت من الفراش راح مل العوار تقولين ماسويت شي

 

[# غنوجة بيبي #]

عسوله شلون طريقتها من تحت ؟؟؟


نفس السونار الداخلي ؟ ولا شيسوون ؟

و يخلوني اشوف انابيبي بالشاشه ولا لا ؟

 

[عسل حدي]

نفس جهاز التلقيح
البطه الي تفتح الرحم
ويدخلون قسطره يرشون الصبغه تحسين عواااااار وعقب دقايق يقولولج تقلبي وعقب ماتقلبين تمشي الصبغه ويصورون الرحم ويقولولج قومي لبسي وطلعي

 

[# غنوجة بيبي #]

واي الله يستر حدي خايفه

 

[gmar al-kuwait]

انا سويتها قبل اربع سنين مع بنج بطيبه كلينك عند د هشام


مانصحج تسوينها بدون بنج لانها تعور

والدكتوره ماجده شاطره ودام قالت لج في بنج عندها حلو

الخساره مو بالفلوس اهم شي قلبج احنا مانتحمل العوار الله يعينا

 

[# غنوجة بيبي #]

^^^^


ان شاء الله بسويها مع بنج



اختي لما سويتيها حملتي بسرعه بعدها ؟


انا غريبه ما بدت معاي علاج كلش

تقول نسوي الاشعه و نبتدي علاج بالدوره الجايه


الحين بس حبوب كلوميد

 

[gmar al-kuwait]

لا والله ياقلبي ماحملت بعد الصبغه

واشعة الصبغه مثل التحليل تتاكد مافيج التصاق بالانابيب علشان تبتدي معاج علاج


وانا ماحملت الا بفضل الله سبحانه عن طريق طفل الانابيب

 

[# غنوجة بيبي #]

الله يثبته لج يا رب



تعور ولا لا ؟ تكفين طمنيني ؟

 

[al_kadee]

لا تحاتين حبيبتي انا سويتها مثلج عند عيادة ماجده اليتامى عند مساعدتها الدكتوره سمر وخذيتها مع بنج خفيف قلت لهم لايكثرون لي وماحسيت ب شي نمت وقعدوني والحمدلله سهالات ولي شهرين من سويتها ماحملت يارب ترزقني عن قريب وكل من تنتظر الحمل