^اشصار لكم بالطياره من مواقف^

[opera]

السلام عليكم

الرجاء ربط الاحزمه للانطلااااق


من منطلق موضوعي القديم شتسون بالطياره

http://www.q8yat.com/t476131.html

خطر ببالي احط موضوع للسوالف عن المواقف اللي تصير بالطياره

ادري الكل مر بموقف سواء يضحك :krkrkr:
يبجي :eh_s(16):

يخررررع :eh_s(11):

موقف رومانسي :eh_s(22):

موقف عجيب استغربتي منه :eh_s(10):



ببدي انا بأول موقف

بسنة 2009 سافرت تايلند عالتايلنديه قبل مايمنعونها تطب الكويت

المهم بطريج الرده

تونا بسم الله ماطارت الطياره والا اللي وراي قاعد بروحه ويتحلطم !!

يتحلطم بصوت واطي على منو !! عالكويت حبيبتي والريال كويتي

انا شكيت بالضوع بس سكت


طارت الطياره بسلااام

بدو يوزعون المرطبات والمشروبات الروحيه


شوي الحبيب الظاهر زاد الجرعه وقام يغني

وزعو الاكل وطبعا مع الاكل همن مشروبات روحيه

والحبيب الظاهر كل شوي ياخذله كاس وفصل

شوي ولا يتكلم بصوت عالي : حبيبتي هديتها وييت خليتها بتايلند ابيها و احبها ومن هالحجي

الهدوء عم الطياره الكل يسمعه

بعدين قام يسب المضيفه والمضيفه مو فاهمه عليه ويقولها ييبيلي كاس !!

وهذيج ترطن بالانجليزي واهو يقولها انا ماعرف بس يس و نو !!


فشلنا حسبي الله على بليسه


والمضيفين التمو موراضين يعطونه كاس واهو يصرخ ويهدد ويقول ابي كااااس

قام واحد ظريف خفيف الدم من جدام قاله تبي كاس
رد السكران اي
قال حق المضيفه روحي يبيله كاس ماي (بالانجليزي)

هذا السكران اشتط وقام يصرخ و يصرخ ومحد قادر يسيطر عليه

وانا ميته خوف قاعد وراي :eh_s(16):

لين يابوله اخر كاس واظن حطوله منوم فيه لانه عقبها ماسمعت الا شخيره


والله يقطع ريحته ويييييييييع صج بالمسلسلات لمن يشمون ريحه السكران

انا شميته ويييع نايم وفاتح حلجه ونفسه كله صوبي يع

ريحه شي معطب :cxxxp:




بس قلعتهم محد قالهم يوزعون هالاشياء




يالله دوركم نبي مواقف

​

 

[dalo0o3a_707]

وآآآآي موقفچ لايحسد علييه ههههههههه

انآ والله ماصآرتلي موآقف الحمدلله و وياآآرب ماتصيير لي للأبد

يسلموو​

 

[جروح ودموع]

انا بشهر 6 اللي طاف كنت بدبي واحنا رادين الكويت وبمطار دبي شفت وحده لابسه نقلب كويتيه ولابسه عدسات زرق وخاطه الكحل وكاشخه بس نازله خز فيني بنظرات كلها غضب لووول ما ادري وليش ولما ركبنا الطياره وبطياره قمت بروح تكرمون الحماام واشوفها لحقتني ولما طلعت من الحمام واشوفها قاعده عند باب الحمام متخصره وتطالعني من فوق لي تحت جني ماكله حلال ابوها وطنشتها ومشيت واشوفها وراي وراحت قعدت مكانهاا وليومكم ما عرفت سررر المنقبه واش سالفتها وبمطار الكويت زوجها غصب يسحبها واهيه كل شوي تلتفت تطالعني الحمدلله والشكرر

 

[جاي الضحى]

وعليكم السلام ​

الموضوع حلو عجبني. ​

ما تلامين ابوبرا قاعد وراج و فاقد السيطره كملت :eh_s(1):​

جروح ودموع صج موقفج يخليج تفكرين شالسالفه :eh_s(10):​

من ومواقفي؛​

رحله قصيره كانت والطياره كانت نتيفه من أصغر الطيايير إلي ركبتهم ,
كرسي على اليمين وكرسي على اليسار بس.
المهم واحنا طايرين وأنا قاعده أطل من الدريشه وحاسه جني في هليكوبتر
شفت الجناح يشب شرار بققت عيوني إلي أشوفه صج؟ :080402ask_prv:
خفت وسكت قلت يمكن إحتراق وقود من الانجن ولأن الجناح صغير فينشاف >> بسكت روحي بأي شي
قعدت أراقب شفت لأ نار قلت لا هذا خلاص يومي :eh_s(2): وأقعد أتذكر أهلي وشريط حياتي مر جدامي
عقب قمت أفكر ليش خامرين ليش الكابتن ما تكلم أخاف ما يدرون أروح أقولهم؟!!! :eh_s(4):
وهالفكره قاعده تخطر بالي ولا صوت الكابتن يقول هبوط إضطراري ....يالله سترك .
والله طبينا والرسكيو تيمز (فرق إنقاذ) ينطرونا وينطرون الطياره
وخذونا في باص إلى المكان المفروض ننزل منا.
في هاليوم صبت إعظامي صج الله الحافظ . ​

موقف ثاني،​

هالرحله لازم تنزلين دري من المطار وتروحين طيارتج
والمفروض اكو قايد واقف ويشوف الركاب يركبون.
كنت متأخره وأخر وحده تركب والقايد ما كان واقف دخل الطياره بجيك منو ناقص
المهم أنا طلعت من داخل المطار وركبت السلم دخلت الطياره ولا الطياره تصفر ها شالسالفه؟!!!!!!!
ماكو ركاب ماكو مضيفين ماكو كابتن @@ أنا متأخره يعني بس أدخل يصكون الباب وراي ليش ما اكو أحد؟!!!!! :eh_s(10):
شعور غريب تركبين طياره تصفر
قلت بلييه الحين بيي أحد بقول هذي ارهابيه بس وين الطاقم? وين طيارتي؟
طلعت ولا ما أشوف إلا إلي يأشرولي تعالي واهم يايني ملوت المطار.
أثاري شنو طيارتنا مو أول وحده جدام الباب لأ الثانيه.
يعني صافينهم وأنا ركبت أول وحده جدامي.
أنلام؟ لوول​

 

[q8dvd2000]

مووووضوع حلوووو ,, شفت كلمة طياره جاااان ادش على طوووول

الحمدللله مافي مواقف تخرع وايد

لان فيني فوووبيا الطياااارات :eh_s(22):
وما تتصورون شكثر ضيعت سفرات بسبب الخوووف المرضي من الطيران :eh_s(16):

مادري شالحل :eh_s(16): :eh_s(16): :eh_s(16): :eh_s(16):

 

[ألايانفس......]

آذكر مرة أخوي الصغير يططق برجوله ع المقعد اللي جدامه

واللي جدامه واحد نآآيم .. وكل شوي ضررب ضرب بالكرسي

شوي الا يفز من نومه ويقعد يتحلطم :eh_s(4):

الآ آخوي يصآآآآآآآآررررخ عليه : جــــــــــــــــــب يابوآآق الكراسي :krkrkr:

اللي جدامه مبدل كرسيه وياا اخوي .. وحقد أخينا بالله

عاد صارخ وكان اغلب اللي بالطيارة نايمين كنا راجعين من مصر ع الساعة 10 يالليل ,,, قوم نص اللي بالطيارة من الصراخ

 

[القلب الخالي]

هههههههههه

اجل انا سالفتي سالفة مره كان بطيارتنا ارهابي
والشرطة المفروض يسفرونه تميت اتراجف لين وصلنا

 

[miss_whitemocha]

انا موقفي ما يضحك كلش..كان فلم هندي..
كنت وقتها أدرس في بريطانيا و كانت حزة كرسمس و رادة الكويت..وكانت هالسنة هاذي أول سنة يمر على أوروبا صقيع و ثلوج هالكثر..
منطقتي كانت تبعد عن المطار بالسيارة تقريبا 3 أو 4 ساعات.. وكنت يومها مصخنة حرارتي 40..وكحة و نشلة وعوار ضرس و كل بلاوي الدنيا فيني.. و كملتها وانا طالعة من شقتي جان أتزحلق على الثلج و طحت ذيييييج الطيحة اللي حسيت روحي طلعت من مكانها..طحت على عصعصي حييييل بالقاع..
المهم ركبت التاكسي بروح المطار و مو قادرة أقعد على مؤخرتي و لا قادرة أنبطح جدام الريال.. وأتحمل بالسيارة طول الدرب بس مغطية ويهي و أبجي من التعب و الصخونة و العوار..
المهم وصلت المطار..وخلصت و ركبت الطيارة..طبعا الطيارة فل طلبة كويتين رادين الديرة..وقاعدين ننطر الطيارة تطير وانا طبعا الله العالم شنو كانت حالتي..متيبسة مو قادرة أتحرك يمين ولا يسار و الصخونة هدت حيلي.. شوي جان يقولولنا ماراح نقدر نطير لأن وايد ثلج قاعد ينزل و مغطي الجناح ولازم يذوبونه و هالشي يطول.. ولا يصير ينزلونا المطار مرة ثانية..
تخيلوا وضعي..مصخنة و مو قادرة أقعد على عصعصي و ظهري متيبس مو قادرة أتحرك و قاعدة بهالكرسي الضيق و يمي إثنين شباب الله يسامحهم من ركبنا الطيارة و هم يسولفون و يسولفون و يسولفون..مابقى سالفة ما سولفوا فيها وانا على أعصابي لأني كنت أحس بأصواتهم مثل المطرقة براسي..مسكت نفسي وااااااااااايد واااااااااايد مو شوي..
فجأة..جان أبجي..والله بجيييييييييييييت من قلب..جان الشباب يسكتون فجأة و يخزوني..استحيت والمشكلة مو قاردة أتحرك أروح الحمام ولا شي..خلاص حسيت إني إنشليت..بجيت بجية قهر والله لين دخت و نمت..
كل ما أتذكر قلبي يعورني والله..صج والله حسيت إني كنت بروحي وحيدة وما عندي أحد..​

 

[opera]

وآآآآي موقفچ لايحسد علييه ههههههههه

انآ والله ماصآرتلي موآقف الحمدلله و وياآآرب ماتصيير لي للأبد ​

يسلموو​

​

الله يسلمج

انا بشهر 6 اللي طاف كنت بدبي واحنا رادين الكويت وبمطار دبي شفت وحده لابسه نقلب كويتيه ولابسه عدسات زرق وخاطه الكحل وكاشخه بس نازله خز فيني بنظرات كلها غضب لووول ما ادري وليش ولما ركبنا الطياره وبطياره قمت بروح تكرمون الحماام واشوفها لحقتني ولما طلعت من الحمام واشوفها قاعده عند باب الحمام متخصره وتطالعني من فوق لي تحت جني ماكله حلال ابوها وطنشتها ومشيت واشوفها وراي وراحت قعدت مكانهاا وليومكم ما عرفت سررر المنقبه واش سالفتها وبمطار الكويت زوجها غصب يسحبها واهيه كل شوي تلتفت تطالعني الحمدلله والشكرر

امممم اتوقع صار موقف انتي ماتدرين ولا منتبهه وعبالها تغازلين ريلها واحقدت عليج لوووووول

وعليكم السلام ​

الموضوع حلو عجبني. ​

ما تلامين ابوبرا قاعد وراج و فاقد السيطره كملت :eh_s(1):​

جروح ودموع صج موقفج يخليج تفكرين شالسالفه :eh_s(10):​

من ومواقفي؛​

رحله قصيره كانت والطياره كانت نتيفه من أصغر الطيايير إلي ركبتهم ,
كرسي على اليمين وكرسي على اليسار بس.
المهم واحنا طايرين وأنا قاعده أطل من الدريشه وحاسه جني في هليكوبتر
شفت الجناح يشب شرار بققت عيوني إلي أشوفه صج؟ :080402ask_prv:
خفت وسكت قلت يمكن إحتراق وقود من الانجن ولأن الجناح صغير فينشاف >> بسكت روحي بأي شي
قعدت أراقب شفت لأ نار قلت لا هذا خلاص يومي :eh_s(2): وأقعد أتذكر أهلي وشريط حياتي مر جدامي
عقب قمت أفكر ليش خامرين ليش الكابتن ما تكلم أخاف ما يدرون أروح أقولهم؟!!! :eh_s(4):
وهالفكره قاعده تخطر بالي ولا صوت الكابتن يقول هبوط إضطراري ....يالله سترك .
والله طبينا والرسكيو تيمز (فرق إنقاذ) ينطرونا وينطرون الطياره
وخذونا في باص إلى المكان المفروض ننزل منا.
في هاليوم صبت إعظامي صج الله الحافظ . ​

موقف ثاني،​

هالرحله لازم تنزلين دري من المطار وتروحين طيارتج
والمفروض اكو قايد واقف ويشوف الركاب يركبون.
كنت متأخره وأخر وحده تركب والقايد ما كان واقف دخل الطياره بجيك منو ناقص
المهم أنا طلعت من داخل المطار وركبت السلم دخلت الطياره ولا الطياره تصفر ها شالسالفه؟!!!!!!!
ماكو ركاب ماكو مضيفين ماكو كابتن @@ أنا متأخره يعني بس أدخل يصكون الباب وراي ليش ما اكو أحد؟!!!!! :eh_s(10):
شعور غريب تركبين طياره تصفر
قلت بلييه الحين بيي أحد بقول هذي ارهابيه بس وين الطاقم? وين طيارتي؟
طلعت ولا ما أشوف إلا إلي يأشرولي تعالي واهم يايني ملوت المطار.
أثاري شنو طيارتنا مو أول وحده جدام الباب لأ الثانيه.
يعني صافينهم وأنا ركبت أول وحده جدامي.

أنلام؟ لوول​

ههههههه ضحكتيني بتروحين تقولين للكابتن

بس صج موقف يخرع

اما الثاني يضحك اتوقع ملوت الطياره واهم يأشرون لج يقولون هم متأخره وهمن مضيعه !! عصبو عليييج :rgewrg:

 

[opera]

مووووضوع حلوووو ,, شفت كلمة طياره جاااان ادش على طوووول

الحمدللله مافي مواقف تخرع وايد

لان فيني فوووبيا الطياااارات :eh_s(22):
وما تتصورون شكثر ضيعت سفرات بسبب الخوووف المرضي من الطيران :eh_s(16):

مادري شالحل :eh_s(16): :eh_s(16): :eh_s(16): :eh_s(16):

انا بعد اخاف بس اتحدى خوفي ويقولون مواجهه الخوف اهو الحل

ولاني امووووت بالسفر فمستعده اتحدى الخوووووف

سوي مثلي

آذكر مرة أخوي الصغير يططق برجوله ع المقعد اللي جدامه

واللي جدامه واحد نآآيم .. وكل شوي ضررب ضرب بالكرسي

شوي الا يفز من نومه ويقعد يتحلطم :eh_s(4):

الآ آخوي يصآآآآآآآآررررخ عليه : جــــــــــــــــــب يابوآآق الكراسي :krkrkr:

اللي جدامه مبدل كرسيه وياا اخوي .. وحقد أخينا بالله

عاد صارخ وكان اغلب اللي بالطيارة نايمين كنا راجعين من مصر ع الساعة 10 يالليل ,,, قوم نص اللي بالطيارة من الصراخ

لووووووووووووووول :krkrkr:

صارلي تقريبا موقف مشابهه بعد شوي اذكره

هههههههههه

اجل انا سالفتي سالفة مره كان بطيارتنا ارهابي
والشرطة المفروض يسفرونه تميت اتراجف لين وصلنا

امبيييي من صجج !!

وقالولكم عنه ارهابي ولا بس عشان شفتو عاه شرطه

يممممه زين ماخطف الطياره :eh_s(1):

انا موقفي ما يضحك كلش..كان فلم هندي..

كنت وقتها أدرس في بريطانيا و كانت حزة كرسمس و رادة الكويت..وكانت هالسنة هاذي أول سنة يمر على أوروبا صقيع و ثلوج هالكثر..
منطقتي كانت تبعد عن المطار بالسيارة تقريبا 3 أو 4 ساعات.. وكنت يومها مصخنة حرارتي 40..وكحة و نشلة وعوار ضرس و كل بلاوي الدنيا فيني.. و كملتها وانا طالعة من شقتي جان أتزحلق على الثلج و طحت ذيييييج الطيحة اللي حسيت روحي طلعت من مكانها..طحت على عصعصي حييييل بالقاع..
المهم ركبت التاكسي بروح المطار و مو قادرة أقعد على مؤخرتي و لا قادرة أنبطح جدام الريال.. وأتحمل بالسيارة طول الدرب بس مغطية ويهي و أبجي من التعب و الصخونة و العوار..
المهم وصلت المطار..وخلصت و ركبت الطيارة..طبعا الطيارة فل طلبة كويتين رادين الديرة..وقاعدين ننطر الطيارة تطير وانا طبعا الله العالم شنو كانت حالتي..متيبسة مو قادرة أتحرك يمين ولا يسار و الصخونة هدت حيلي.. شوي جان يقولولنا ماراح نقدر نطير لأن وايد ثلج قاعد ينزل و مغطي الجناح ولازم يذوبونه و هالشي يطول.. ولا يصير ينزلونا المطار مرة ثانية..
تخيلوا وضعي..مصخنة و مو قادرة أقعد على عصعصي و ظهري متيبس مو قادرة أتحرك و قاعدة بهالكرسي الضيق و يمي إثنين شباب الله يسامحهم من ركبنا الطيارة و هم يسولفون و يسولفون و يسولفون..مابقى سالفة ما سولفوا فيها وانا على أعصابي لأني كنت أحس بأصواتهم مثل المطرقة براسي..مسكت نفسي وااااااااااايد واااااااااايد مو شوي..
فجأة..جان أبجي..والله بجيييييييييييييت من قلب..جان الشباب يسكتون فجأة و يخزوني..استحيت والمشكلة مو قاردة أتحرك أروح الحمام ولا شي..خلاص حسيت إني إنشليت..بجيت بجية قهر والله لين دخت و نمت..

كل ما أتذكر قلبي يعورني والله..صج والله حسيت إني كنت بروحي وحيدة وما عندي أحد..​

اي والله فلم هندي :krkrkr:

ضحكتيني لمن بجيتي والشباب اسكتووو :krkrkr:

 

[opera]

تذكرت هالموقف

الله يسلمكم كنت رايحه لندن على البريطانيه

ومعاي ولدي عمره سنتين

المهم نومته بس ركبا الطياره ونام

قعد بنص الرحله وكلته وكل شي واهو عنده كرسي بروحه يمي رابطتله الحزام


طبعا ياهل ويبي يحوووس مايبي حزام

وانا بالغصب ماسكته ماقدرت

وكل شوي يطق بالكرسي اللي جدامه

واللي جدامي واحد اسمر غامج حيييل وكل شوي يلف يعطيني ذيييج الخزه عيونه تخرع طالع منها شرر

ويتحلطم مع اللي يمه (واللي يمه همن وحده سمره)

وهذا يبي ينام وولدي يحوس وتعرفون شلون لمن احد يحوس ورا ضهرج شيصير

جان يخزني ويقولي نبي ننام

عصبت جان اصرخ عليه وارطن بالانجليزي اقوله يعني شسوي فيه ياهل شلون اربطه عشان ترتاح احذفه من الدريشه !!

ولا ايي واحد من افراد الطاقم بحريني كان

بط جدي يقولي مسكي ولدج !!!!

جان اعصب عليه واقوله ياهل شلون بمسكه اربطه بالحزام مو راضي

ولا تيي وحده انجليزيه من افراد الطاقم وتحل الموضوع تكلم هالاسمراني ومرته وتقولهم يعني مايصير تحملو هذا ياهل صغير وانتو لازم تكونون متعاونين معاها

والله انها اسنع من المضيف العربي



المهم جان انوم ولدي غصب لين وصلنا بالسلامه

 

[الأميرة جوري]

اناصار لي موقفين ...الاول: ليمن بغينا نشوف وين مكانى انا وريلي الا انا قاطيني ورا وريلي حاطينه يم وحده مت من القهر بس البنت محترمه لاحظت علينا الاستغراب وقامت وبدلت بيني وبينها...تعرفون غيره الحريم هههه

ثانى موقف: انا وريلي رادين من مصر الا الشباب الله يهداهم يطلبون قبل لا نوصل للمطار بنص ساعه من المظيفه ويسكى ولا تمر علي انا وريلي وتاشر اذا تبون وانا ميته من الخرعه وادعي ربي نوصل بالسلامه ولايغضب علينا بسبب هالشباب لان الشر يعم والخير يخصصصصصص

 

[جروح ودموع]

اووبرا انا كنت مع ريلي وولدي ههههههههه

 

[هنـــد]

انا موقفي الاول ما احسد عليه

كانت السفره بالصيف طويله نوعا ما طلبت من المضيفه ماي ( قلت له واتر ) جان اتصب لي من بطل شكله غريب لونه شفاف وفيه خطوط حمره انصدمت جان اقولها واهيا تصب واتر واتر قالت يس ذس واتر جان اشر بيدي عالماي جان تقول سوري وتعطيني ماي

يعني تشوفني متحجبه بطت جبدي الحمدالله ابوي نايم

الموقف الثاني

هم سفرتي الثانيه بالصيف والسفره هم طويله وكان ترانزيت تايلند وكانت قاعده بالكراسي الوسط ولفتت عالكراسي الي يمي عشان اشوف من الدريشه ولا اشوف كويتي يمه كويتي جنس قاعد يقرص فيه تو قاعد من النوم ويسوي له حركات انا من الصدمه قعدت اطالع جدام ما التفت الله يأخذهم ان شاء الله

 

[الأماكن]

مرة كنت مسافرة دبي

و لابسة عباتي و طبعا من تحتها لابسة بنطلون جديد ... بس كان واسع .. و نيتي اني البس حزام ... و من الحوسة نسيته ع السرير

و رحنا المطار ... و طبعا كل شوي أجر و أجر و اعدل جدام الناس يعني اللي يشوفني يقول شفيها هذه كل شوي تعدل سروالها

و الصصصصصصدددددددددددمـــــــــــــــة لما رحنا بنصعد الطيارة

كنت انا و زوجي اول من صعدنا ع سلم الطيارة ... و شككككككللللللي واناااا اسحب بنطلوني

المهم قلت لااااا بخليه وان شاء الله ما يطيح ... قال لي زوجي صعدي و انا وراج اغطيج .. طبعا معصب و يقول انتي غبية و نسااية

يا ربي شسوي !!!!!!!

كان يوم يبط الجبد لووووووووووول

و موقف ثاني كنت رايحة لندن ... بس قلبت جبدي من ريحة الاجانب وصخة ...

قلبت جبدي ... و قعدت ابجي ... يعني 8 ساعات و انا بنص الريحة

و قبل ما تهبط طيارتنا بنص ساعة ... الناس تتزهب بيطبووون و انا بالحمام ... تكرمووون "اررررجع"

....

و اخر مرة

قعدت جدام ولدي بنت و شعرها مفلول ... والبنت قاااااعدة وانا اقرا مجلة ... ما دريت جان تلتفت علينا و تقول:

منو اللي يجر شعري!!!!!؟؟؟

امبيه فششششششلللللللللة ... تأسفت لها مسكينة ولدي اول مرة يركب طيارة لووووووووول

 

[هدوء العالم]

مرة كنت راجعة من دبي في 2009

وتأخرت كالعادة الكويتية 4 ساعات

وصارلنا موقف لا يحسد عليه وصلنا الكويت الحبيبة وقعدنا بالجو نحوس وندور من عند أبراج الكويت قعدنا 5 ،، 10 دقائق كأنها ساعات وكلنا روسنا طقت الكراسي إلي قدامنا وتعورنا وقمنا نسمي ونتشهد لين الحمدالله أنزلت بالمطار بس مو عند البوابات إلا بوسط المطار والسيارات الأمنية والمطافي حول الطيارة ونركب بسرعة الباصات ( لين ألحين ماني مصدقة )

بس إلي نساني هالمواقف ( تأخر الطيارة ،، والخلل ) كم عرس صار بالمطار
عرس مصري امعرس ينطر عروسته مع المستقبلين ويلوح بوردته ويقول ( ياحياتي ،، ياعمري ،، ههههههههههه والكلمات الرومانسية الثانية ) وفرقته الصعيدية تطق الطبول وترقص المسافرين والمستقبلين والشرطة يضحكون ويصورون
والعروس لابسة النفنوف الأبيض والتسريحة وماسكة الوردة

ونفس اللحظة عروس ثانية وبعد مصرية أو سورية أتوقع مصرية بس كانت لابسة العباية البيضة حقت العرائس والمعرس يطلعها بسرعة علشان محد يصور (غيور)

هذي مواقفي

 

[لمن اكون]

انا موقفي نكته شوي
كاانت ترانزيت من فرانكفورت الي ميونخ
المهم طياااره صغييره رحله كانت نص ساعه بس
كناا تعاابه ونمت انا واختي لي يمي
ما قعدت لي طيااره تتهزز تخرق
قمت وعقدت اختي اقولهاا تشهدي
اخر شي طلع بس هبووط وصلناا خخخخخخخخخخ

 

[الخفاشه]

لا يوووو قف كلمووو مواقفكم هههههههههههههه

 

[شندوخه]

جاي الضحى موقفج يخررع
انا ينطبق علي المثل اللي يقول اللي يخاف من العفريت يطلعله !!
من كثر ماخاف من الطياره اللي يقردني بمواقف وكل مره اقول والله ماصعد طياره بس من تصير سفره انا اول وحده مرتزه خخخخخخخ

هذا اول موقف خايس مر علي واللي عقدني
كنا رادين من جده وظربت علينا سرايه بالجو والطياره صارت قطار الموت والله اذكر اني حطيت راسي بحضن امي وقعدت أبجي
شالوا الوجبات بسرعه والمضيف يركض وفتحوا ليتات الطوارئ والتفت بالدريشه واشوف برق ورعد والطياره اتخضخض وتنزل وتصعد وبنت خالي التفت علينا تقولنا صلوا العشا ماتدرون نوصل ولا مانوصل تحطمت من كلمتها اكثر خخخخخخخ

والموقف الثاني
كانت الرحله من ابدع مايمكن سهاله واتينن واساسا قصيره ماكملنا الساعه لان رادين من البحرين
بس عن مدرج الهبوط مادري شصار الكابتن يبي ينزل والهوى يكفخ بالطياره لي وراااااااااا مره مرتين ثلاث اربع !!
اللي والله الناس قامت يصرخون ويتشهدون واسمع صرخه واحد يقول اللهم اجعلني في العلييين وانا ارد عليه آمييييييين من الخرعه .. تالي الحمدالله هبطنا بسلام بس بعد شلعه القلب والناس لم تطلع يقولون للمضيف خرعتونا الله يهداكم



وغير الطيران الداخلي قطع قطع قطع قطع يخرع جني راكبه باص نقل مو طياره

 

[موضي-]

هههههههههههههههههههههههه مواقفكم مووووصج اب