اشرطه الرياضه اللى بمركز سلطان

[طير الحب]

فى احد جربها شفت موضوع الخنساء عن موقع للرياضه بس قلت خل اشترى شريط واسوى بالبيت

فما ادرى اذا الاشرطه هذه زينه

اذا احد مجربها يقولى

 

[oni]

مشاركة: اشرطه الرياضه اللى بمركز سلطان

هلا أختي ,,, والله أختي شرت شريط رياضة من مركز سلطان حق سندي كروفرد

والصراحة تمارينها حلوة خصوصا للمعدة والأفخاذ والأرداف ,, واهما شريطين عند أختي

 

[أحلى الجياكر]

مشاركة: اشرطه الرياضه اللى بمركز سلطان

بطة ..أشرطة سندى وايد حلوة ..و سهلة ..

 

[كويتية أمورة]

مشاركة: اشرطه الرياضه اللى بمركز سلطان

اي صوب بمركز سلطان ماشفت اشرطه!!
انزين التمارين عادي بدون اجهزة ولا تحتاج اجهزة؟؟ وتنفع للمبتدئات؟

 

[oni]

مشاركة: اشرطه الرياضه اللى بمركز سلطان

انزين التمارين عادي بدون اجهزة ولا تحتاج اجهزة؟؟ وتنفع للمبتدئات؟

اللي عند أختي مال سندي كروفرد عادي بدون أجهزة بس تستخدم مثلا كرسي ,,,

أوراق جنجفه ,,, شغلات بسيطة والتمارين عادي تقدرين اتسوينها موصعبة ,,,

 

[mrmr mrmora]

مشاركة: اشرطه الرياضه اللى بمركز سلطان

ان عندي شريط سيندي كروفرد وايد حلو واستفدت منه

تمارينها بسيطه واتشد الجسم وتستخدم كرسي وحق الأثقال إذا ما عندج أستعملي بطل ماي صيغر نفس الشي

 

[شدن76]

مشاركة: اشرطه الرياضه اللى بمركز سلطان

انا خذيت شريط التمارين السويدية يساعدج بحركات واجد

اذا عندج ستبس اشتريه مفيد حيل

كويتية امورة انا ماخذتها من مركز سلطان الى بالمنقف تلقينهم بستاند صوب قسم الالعاب

 

[طير الحب]

مشاركة: اشرطه الرياضه اللى بمركز سلطان

يعطيكم العافيه ... خبركم بسوى رياضه ولازم اصير رشيقه غصب

فلازم اشترى الشريط واطامر معاه

ان شاء اللله اليوم بشتريه

 

[سحيله_الحلوه]

مشاركة: اشرطه الرياضه اللى بمركز سلطان

والله خوش شي !
اول مره اسمع فيهم!
اهمه اشرطه والا سي دي ؟
وبجم ؟
ومشكورين

 

[طير الحب]

مشاركة: اشرطه الرياضه اللى بمركز سلطان

والله ما ادرى بجم بس كل ما اروح اشوفهم بس ما افكر اشترى حد الثقه

 

[كويتية أمورة]

مشاركة: اشرطه الرياضه اللى بمركز سلطان

مشكورين بنات على الردود ويبيله مركز سلطان هههههه

 

[فروتى]

مشاركة: اشرطه الرياضه اللى بمركز سلطان

بجم بنات واهيه اشرطة او سيديهات

 

[طير الحب]

مشاركة: اشرطه الرياضه اللى بمركز سلطان

شريت الشريط بدينارين وهو فيديو

 

[مستقبلي احلى]

مشاركة: اشرطه الرياضه اللى بمركز سلطان

في شريط لسندي لما بعد الولادة فضييييييييييييييييييع
تعلمج كيف توخرين الكرشة وحتى على تمارين كيجل حق الشسمة

 

[cat women]

مشاركة: اشرطه الرياضه اللى بمركز سلطان

عندي يااااه من لاندمارك شاريته مو طبيعي وايد حلو

 

[توته وسوسو]

مشاركة: اشرطه الرياضه اللى بمركز سلطان

مرحبا
بصراحه مشكووووووووووووورين بنات عجبتني الفكره
بس الاشرطه هذي جم جزء
اقصد سندي جم شريط لها
اخاف اشتري شي غير اللي تتكلمون عنه

 

[ضي الغروب]

مشاركة: اشرطه الرياضه اللى بمركز سلطان

عاد اتصدقون انا كل مره احوس عند لشرطه واخذلي جم واحد اخاف يطلعولي بنات بمايوهات وانا مالي خلق استاثم وردهم بليز بنات يالبيت الي شافتهم تقولي اشلون الوضه وايهو احسن واحد وقولولي شكله عشان اروح اشتريه ماليكم امر وتاخذون اجر فيني يالغالين

 

[طير الحب]

مشاركة: اشرطه الرياضه اللى بمركز سلطان

هى صح فى جم شريط

ومو لابسه مايوه لابسه بدى واسترش وما فى الا وحده معاها لابسع بنطلون

 

[مستقبلي احلى]

مشاركة: اشرطه الرياضه اللى بمركز سلطان

في شريط اسمة ماي بدي
عجييييييييييييييييييييييييييييييييييب يعلمك طرق سهله للرشاقة وكيف تستغلين وقتك وبحركتك في البيت وانتي رايحة وانتي جاية من المطبخ وانتي بتنامي وانتي بسيارتك
كيف تحرقي سعرات حرارية وكيف تتنشطي وتغيري من مزاجك وبسهوله
تلقينة في مركز سلطان انا اشتريتة منهم من زماااان لكن ماني عارفة اذا في منة ولا لا الحين

 

[الحــــــلا كله]

مشاركة: اشرطه الرياضه اللى بمركز سلطان

وناسه بصراحه شوقتوني

عاااد مترجم ولا لا
يا خوفي خدامتي تضحك علي ونا اتنطط