اشرايكم بمستشفى الدهماء البيطرى ؟؟؟

[ســكــّر]

^^^

لووول سكارف معصبه



تصدقون من اسمه احسه مشكله والحمدالله احساسي طلع بمحله وقريت رد رد


والحمدالله اكثر الردود من صوب دكتوري :eh_s(6): الي بالوفره والله يستاهل ماشاء الله عليه


ودايما اعطيه اكراميه لانه تخصصه القطاوه وفي مصاروه حق الحلال والطيور اظن



وحتى مره بجربه اذا اهوا خبير ولالا

قلت له عادي قطوتي الحين تحمل قال لا لازم شهرين شهر تحمل لانه الحين صغيره انا قلت ابيها تحمل الحين

بس كلام بس قال لا مايصير مو زين حقها لانها صغيره وقالي شهرين تعالي ويشوفها اذا تقدر ولالا علشان صحتها

وماشاء الله عليه

وبالعكس سعرهم وايد رخيص بس الادويه الي حق الجرعات غاليه بـ 4


والتطعيمات بـ 5 اما في عضوه تقول بـ 17 ؟ :gr4uu: واايد غالي ونصب



ونصيحه الي تحب قطوتها تروح لطبيب له سمعته طيبه لاتجربونهم وتروح من بين ايدكم


والله يعينا اذا الاطباء البيطريين جذي عيل حق البشر شنو


الله يعين

 

[سكارف.فوشي]

اهلين سكر حبيبتي اشلون ما اعصب اي قطوه تدخل هالمستشفى تطلع ميته وااااااااااااي سكتي حدي محتره ومعصبه شالبشر الي موظفينهم اهناك حشا مسلخ مو مستشفى
اخييييه نهايته عن قريب صدقيني ماراح يطول هالمستشفى

 

[ســكــّر]

كلامكم بصراحه يخوف
يعني كل من دشت ماتت قطوتها ؟

انزين المفروض تبلغون عن هالمستشفى يايسكرونه او يبدلون هالاطباء الي مادري منو قالو اطباء بالاسم فقط لااكثر ولا اقل

؟ ولا والمصيبه الكبرى وحده تقول الي يم سيتي سنتر

ولا وانا حاطه امل كبير انه بيطلع مستشفى ممتاز بالاخير طلع الدكتور يخاف من القطاوه ... !!!!

..


وشغله مهمه لكل بنت تقرا ردي


احنا المفروض قبل مانظلم اي دكتور نسال انفسنا سؤال واحد ؟ اذا فعلا دكتور اي كلام او الغلط منا احنا


على فكره وايد اشوف حالات تطرح بالمنتديات قططهم مريضه وتكوون حالتها جدا متقدمه يعني منتهيه ؟

فـ لما توديها للطبيب ويعديها مثلا جرعه او حبوب اووصفه لها ؟

وتموت ؟


قالت الدكتور اهو ذبحها ؟ لا الانه لما تكون الحاله جدا متقدمه نسبه الشفاء فيها 35 %


فـ القطط معروفه وانا تناقش ويا دكتور مصري من القاهره وطبيب بيطري وماشاء الله فعلا طبيب ممتاز


يقول القطط بطبيعتها مناعته جدا جدا جدا جدا ضعيفه ولا تتحمل اي شي وقليل منها يطلع بالعافيه



فـ دايما ينصحونا كل شهرين نراجع الطبيب او اي شي نلاحظ في القطوه نسال عنها قبل ماتسيئ حالتها



..


واقول حق كل من فقدت قطوتها من المسلخ الدهماء الله يعوضج يارب

 

[سكارف.فوشي]

لااااء ياقلبي انا ما اتحجى عن الدهمااااااااء
عن بيت الحيوان الي عند ستي سنتر كل هالشكوى عنه انا مع جوجو وفي وحده مو ذاكره نكها كلنا كتبنا تجاربنا مع بيت الحيوان

 

[ســكــّر]

ياساتر يارب ياليت تبلغون البنات حرام تروح فيها القطاوه وتدفع ثمن شخص مايعرف شي
وانا بشوف تجربتج وياهم والله يعين شي يقهر

 

[سكارف.فوشي]

تفضلي
http://www.q8yat.net/showthread.php?t=477547

 

[Joo.Joo]

لوووووووول اي اذكر سكارف قاريه الموضوع


والله انا ما خذيت فبالي الحمدلله والشكر صايره بسرعه انسى

وقريت جم رد من البنات يمدحووووونه >> ياربي على شنو ماااااااااادري !!


قلت يالله هم قريب يم بيتنا و وايد أريح لي ,,,


لما دشيت انصدمت وكرهت الساعه الي رحت فيها

بس اشوه اني ما سلمت كوكي بيدهم ,, قتله انت علاجك حتى مو علاج اوادم , اروح الدهماء احسنلي

يقولي انا كشفت عليها وانتي الي رفضتي اطعمها


قتله ليش ,, انت شايف شلون خايف تمسكها ؟

حتى حراره ما تعرف تقيس ,, تبيني اسلم قطوتي بيدك وتعطيها ابره ,, وانت خبر خير حتى يمكن الابره ما تدري شنهي !


انا اقول خلصني جم حسابك خلني اروح مستعيله ,..

قالي انا الكشف عندي بـ 3

ضحكت عليه ,, قتله والله عين قويه !!


هم تخاف تفحص ,, وهم تاخذ فلوس من الناس ؟

ترا انا ما طلبت منك تفحصها ؟! الحمدلله والشكر

يقولي لا انا لازم افحصها عشان اطعمها ,, قتله انا قلت لك ان حرارتها مضبوطه ,, مافيها الا العافيه

اللهم الفطريات الي كانو بأذونها وعالجتهم ,, تبي تفحصها اكثر ؟!

عموما خلصني ,, مو ناقصه ,, قطيت الـ 3 دنانير بويهه و مشيت لووووووول


أرف يأرفه حتى شكله ما يشجع ,, العمى

 

[سكارف.فوشي]

لوووووووووووووووووووووووووووووول جوجو زين تسوين ههههههههه ضحكتيني
3 دنانير بعد لوول لو انا منج اعطي ظهري واطلع واذا فيه خير خاليلحقني ههههههخخخخخخ
سلميلي على كوكواتي وديري بالج عليها ^_^

 

[Joo.Joo]

لووووووووووول مسكين طلعت الثلاث دنانير من خشمه

باللعنه خيولي ,,


المهم اني طلعت حرتي وقطيت الفلوس بويهه على شغله الخايس

وسمعته كلمتين عشان لا يقص عالاوادم ,, ومشيت لووووووول



الللللله يسلمج ^_^

كوكي حياتي الفطريات ذابحتها ,, خلصنا من اذونها ,,, طلع بخشمها و تحت ايدينها والله تعبت من هالقطوه هاذي

 

[سكارف.فوشي]

جو جو متأكده عن فطريات @_@

 

[ربوع الحلوة]

السلام عليكم ورحمة الله وبركاته
شوفي حبيبتي انا قطوتي دايما اوديها المستشفى البيطري الدولي اللي قبل جسر الوفرة وميناء عبدالله
international vat hospital
علشان اكون صريحة معاج المستشفى اسعارة شوي غالية بس وايد ممتاز لانه كل الدكاترة الموجودين امريكان وخبرتهم عالية
ومستشفى متطور في مختبر و اشعه وصيدلية و في بعد مواقف سيارات ومصور حق القطط والكلاب وفي محل لبيع مستلزمات القطط والكلاب