اشرايكم بمستشفى الدهماء البيطرى ؟؟؟

[kuwaitya_zoGaa]

شلونكم يابنوتات ... وياقمرات ؟؟؟

حبايبي شلون مستشفي الدهماء ؟؟؟ وشلون الدكاتره اللى هناك ؟؟

انا اتعامل مع دكتور اندرو ... بس مادرى احسه مو زود ؟؟

منو احسن منه ؟؟

 

[سكارف.فوشي]

ماجربته انشالله البنات يفيدونج قلبي
عن نفسي اتعامل مع مستشفى الري البيطري يم الدهماء اسعاره زوينه وعلاجه يعني مو كل شي عندهم زين بعض الاشياء مو دقيقين فيها

 

[kuwaitya_zoGaa]

حبيبتى سكارف ماقصرتي

انا شاكه ان القطو اللى عندى فيه براغيث لانه وايد جسمه ملتهب ويحت وانا معالجته من الفطريات وواااااااااااااايد يحك جسمه وصار جم مره اوديه ... ودكتور اندرو يقول لى عادى مافيه شى ... وانا بروحى لاحظت انه من الممكن يكون عنده براغيث !!
يعنى معقوله دكتور مايعرف وولا يحط اباله هالشى ؟؟

 

[Qـويتية]

اختي مستشفى الدهماء صراحة فاشل، مو ذاك الزود، ولا الري، فاشلين ... أنا رفيجتي ودت لهم قطوتين من قطاوتها وبغو يموتون هناك عندهم، نصيحة مني، روحي يا المستشفى الدولي أو متسشفى رويال ورح تشوفين بعينج منو أحسن، قمة في الابداع بالنعامل معاج ومع الحيوان والخبرة وكل شي.

 

[kuwaitya_zoGaa]

حبيبتى وين مكانهم ؟؟؟

 

[Qـويتية]

حبوبة رويال عند الدهماء بالضبط أما الدولي فبعيد حيل عليج رح يكون ^^ وسعره غااااالي وايد، رويال غالي بعد، بس مو أكثر من الدولي، بس الأهم سلامة الحيوان ^__^.

 

[Sparkle]

امي رايحه الرويل والله نصابين قطوتنا لما ولدا للحين كان في بيبي مو قادره طلعه انزين راحت دقت عليهم وقالت لهم انها بتيي وemergancy وجذي تيخيلو لما ودتها ما كان عندها المواد علشان يغزوونه راحوا حق دهامه يشترون منهم دوا وبعدين ردوا وتخيلوا زادوا على الفاتوره 50 دينار بس علشان دقت وقالت حاله طارئه معنى المكان فاضي


دهامه يعني متوسط وصح دكتور اندرو مو زين حتى ويانا من زمان صارت سالفه امي رايحه تخصب قطونا تخيليو معطي الدكتور مسكر حق القطاوه هذا أكيد شىء طبيعي صح؟ بس تخيلو قطوتي ما قام الا بعد 3 ايام وكان حيل تعبان ما ادري بصراحه شلون عاش معجزه

انا رايي لو تبين تغطين فلوس روحي رويال

تبين شغل بروفيشنال IVH عيبه ان مكانه بعيد

 

[Sparkle]

نسيت اقوول اذا بترووحين دهامه شوفي دكتور جوزيف أحسن من اندرو 100000 مرا

 

[kuwaitya_zoGaa]

مشكورين يابنات ...

وبالنسبه للدكتور جوزيف اسمه والا جوزفين ؟؟؟

لانى ذاك اليوم شفت وحده داشه معاها قطاوه يشوقون وشكلها ماشاء الله عليها خبره واهيا مره عوده جان تقول له ابى دكتوره جوزفين عاد

قمت وحفظت الاسم

 

[حنونة المزيوونه]

شوفي حبيبتي..مستشفى لدهماء فاشل بصراحة واللي يشتغلون فيه شكلهم مو اختصاصيين

ويمكن احسن واحد اندرو<<مادري عنه جان تغير للأسوأ

فا شوفي الدكتوره جوزفين<<اعتقد اسمها جوزفين مو جوزيف

 

[sweet cake]

والله من شفت وجه اندرو وانا حاسه انه ماعنده سالفه..
مو عارف الا سالفة ماكو جرب ماكو جرب..
بجرب جوزفين المره الجايه بس ماتعرفون وقت دوامها؟؟
واقدر اغير الدكتور صح؟؟

للامانه اندرو كان زين مع القطوه وقال لي شغلات نفس اللي دايم اقراها بالنت بس بسالفة ان قطوتي نفسها صارت يحته حيل مو حلوه قال هذا عادي !!
بس لما غيرت بأكلها صارت زينه..

وغير هذا لما كانت تحك رقبتها حيل قال لي من الشريطه اللي عليها وانا اقول له بدت تحك بعد ما حطيتها بيومين بس مو راضي يسمع واكتشفت انها تحك اذنها مو رقبتها لأن في جزء ما كنت عارفه انظفه ومن نظفته صارت عادي..

 

[Sparkle]

نو أنا أقصد جوزيف ريال اسمه جوزيف اهما 3 يشتغلون مناك أندرو ومرته الي اتوقع اسمها جوزفين على كلامكم وجوزيف

أهوه أحسن واحد

 

[Qـويتية]

الدهماء انا وديت لهم الشانشيلا مالي وشخصولي حالته غلط -__-" قالو فيه جرب ... ما صدقت !!! لإن ولا شي يدل على إنه فيه جرب !!! لا حكة ولا تساقط شعر ولا حبوب وقشرا بيضة ولاشي !!!! رحت لرويال جان يقولون هذا بس فيه فطريات ومو جرب هههههههههههههههههههههههه عطوني له كريم وبرة وخلاص الحيوان صار تمام التمام، اما الدهماء قال جرررررررررب !!!!!! لا وقالو لي نعطيه ابرة يمكن يموت ويمكن لا هههههههههههه :dddds:​

 

[دمي مـטּ ذهب]

لووووووووووووووووول
بنات يقولكم "اسأل مجرب ولا تسأل طبيب"
والله مشكله هالدكاتره نبيهم عوون صارو فرعوون

 

[حنونة المزيوونه]

ههههههههههههههههههههههههههههههههههههههههههههه اي والله صدقتي يا ((دمي من ذهب))

 

[فز1عه]

دكاترة البشر مايشخصون عدل هالدور مستغربين من دكاتره الحيوانات لوووووووول

بس مادري دكتور قطوتي خوش واحد الفلبيني اللي بالدهماء

 

[a7la-86wa]

سبحان الله توني شبكت عشان اخذ رقم الدهما

بنات كلهم فشله بفشله

مره وديت قطوتي للحكومي ابي احلقها ارخص من الخاص

كان فيها كتل


وقال فيها جرب

وتهاوشت معاه يقولي منو الدكتور انا ولا انتي
قلت مال شغل انا اعرف قطوتي بالله منين تييب الجرب بيتنا ما طلعت منه

قال خلاص نحلقها ونتاكد
قلت لاه السالفه فيها تاكد بعد ليش موتوك تقول انا الدكتور
وديتها لطبيبها اللي بالخاص قال ما فيها شي
ومن الحره قلت والله لاحلقها بالخاص

تدرون بنات ملف قطوتي اول حلاقه لها كانت ب3ونص او اقل
بعدين غيرو الاسعار صار 11ونص
وقلت للدكتور انا محلقتها ب3ونص
قال السعر11ونص شلون
قلت بطل الملف
بطله وانصدم قال هذا اول
وراح رفيجه وغير تفاصيل الملف

كلهم نصب

بس ابي اسال الدهماء اول كان فيها تلقيح صناعي

والحين؟؟؟؟؟

 

[Al-Farasha]

الدكتورة الي هناك تفتهم اكثر من الدكتور
و في موقع طحت عليه عجبني اطرح مشكله قطوتي و يعطوني الحل مع الادوية و تشترينها من الصيدليه البشريه و الحمدالله قطاوتي يتعالجون

 

[lojeeen]

والله الدهماء متواضع بس على الأقل عندهم فحص مخبري البلوى بمستشفى الري اللي جنبه اسعاره غاليه و يعطي علاج و يسوي عمليات بدون ما يسوي فحص و تحليل فالح بس بوق بالفلوس حسبي الله عليهم
غير انه اكثر من مره ناس يروحون يحلقون قطاوتهم عنده و يموتون القطاوه بسبه جرعه البنج الزايده و انا مرتين وديت عندهم اثنين من قطاوتي و ماتو بسبه التشخيص و العلاج فديرو بالكم ><

 

[Forever & Ever]

والله الدهماء متواضع بس على الأقل عندهم فحص مخبري البلوى بمستشفى الري اللي جنبه اسعاره غاليه و يعطي علاج و يسوي عمليات بدون ما يسوي فحص و تحليل فالح بس بوق بالفلوس حسبي الله عليهم
غير انه اكثر من مره ناس يروحون يحلقون قطاوتهم عنده و يموتون القطاوه بسبه جرعه البنج الزايده و انا مرتين وديت عندهم اثنين من قطاوتي و ماتو بسبه التشخيص و العلاج فديرو بالكم ><

صح كلامج جرعة البنج قويه والله ستر على قطوتي

تمت يومين خدرانه وتراجف