اشرايكم بالنوادي الصيفيه التعليميه الترفيهيه؟؟؟؟؟ تأيدونها ؟؟

[الأميرة جوري]

السلام عليكم:


خواتى انا مفكره ادخل بناتى نادي صيفي تعليمي ومنه ترفيهي لان العام كانت بنت وحده عندي وتخاف والسنه هذي ثنتين اله يخليهم لي ,,,,,,,,فكرت انى ادخلهم نادي يكون العصر علي الاقل ارتاح من الدوخه وانا اكون والده ومنها يتعلمون ويستانسووووووون ,,,,,,,,,,,,ووبس اللي واقف بطريجي زوجي ,,,,,,,,,,,,يقول احمدي ربج انى مخليهم يدرسون بالمدرسه وايدي علي قلبي من هالبلاوي اللي بالجرايد من ( اغتصاب ________خطف_______ حتى الحراس ما منهم آآآآمان واللي بالباصات حتى الصبيان ماسلموا منهم <<<يممممممممممه وسوس فيني وخرعنى ,,,,,ووقلت انا قبل اروح لنادي اشوفه واسال واتاكد من كل شيء ونظامهم ,,,,,,,,,,,,قال مالج امل كافي منهدين من المدرسه صغار خليهم يرتاحون ويتغذون مو مدرسه وراها نادي ليمن يختفوووووووون ,,,,,,,,:0bee2e8d89:اشرايكم؟؟؟؟؟

 

[DoBaiB]

هلا والله اختي انا احس كلامه غلط بغلط لان المدرسة غير عن النادي بالعكس لازم يخليهم يشوفون الدنيا و يعيشونها و يتعرفون على بنات و يستانسون بالعكس انتي كلامج صح .. حاولي فيه و صح يعني اخذيه معاج و شوفي بيئة المكان و الوضع و برامج النادي ... و ان شاءالله يرضى ...

 

[الأميرة جوري]

اهو مو رافض رفض قطعي بس خايف علي بناته من هالجرايد تعقددددددد,,,,,,,,,,,,يمكن لو يروح معاي يقتنع ,,,,,,,,,,,,والله ريحتيني زين في مايد لي ,,,,,,,,,,,,بخليه يقرا ردودكم يمكن يقتنع بصراحه لانى بوووووووولد وانا ما احب الازعاج

 

[DoBaiB]

اييييي صح خليييه يروح معاج اصا راح تحسين ان بناتج راح يتثقفون و راح يستانسون و صج هالجرايد تعقد مو صج و الله صج الواحد يخاااف بهالزمن بس اس شنسوي لازم يكون فيه ترفييه بس انتي شوفي نادي سنع و تحسين ان فيهم خوف على البنات و بناتج جم اعمارهم ..

 

[الأميرة جوري]

بعد عمري انتى الوحيده المعبرتني ,,,,,,,اعمارهم وحده 7 وحده 6 ,,,,,,,,,,

 

[ريماا]

زوجج مثلى انا عندى صبيان وخااايفة عليهم حيييييل ابى ناادى يراقبهم على طوول عشان يطمن قلبى الان صج الحين الدنيا تخوف بس نوادى البنات اهون الان بطبع البنات هاديين وماعندهم عنف وسوالف والمشرفات احرص من المشرفين
اممم عندج لتل جيم بالجابرية حيب مرتب

 

[adousa81]

مساء الخير بنات انا عندي صبيان اثنين مفكره ادخلهم معاهد تاسيس حق السنه الجايه انشالله بس يكون قريب منا احنا بالمنطقه العاشره وباسس ولدي الكبير حق ثانيه ابتدائي لانه ماكنت مجهزته للدراسه وبصراحه تعبت منه حيللللللللل
حاسه بمعاناتكم حدي بس الله يعينا ونحسن تربيتهم

 

[الأميرة جوري]

ايه انا هدفي اكثر تعليمي ,,,,,,,,,,,,,,,الله يحفظهم ويستر علي عيالنا

 

[حلم الطفولة]

السلام عليكم أكو وايد أنديه أمان والأعداد محدوده والمشرفات متواجدات يراقبون ويشرفون ويدرسون ..
حطيهم بنادي بيت القرآن ( أكو أفرع في مشرف وبكيفان والرحاب وغيرهم ) .. مشرفاتهم ملتزمات وكويتيات ويعلمونهم أشغال فنيه وطبخ والصلاة وقصص ووناسه ورحلات .. يمكن يومين بالاسبوع مو كل يوم
أو بأندية جمعية الإصلاح .. بالشاميه فرع اللجنه النسائيه
او نادي إحياء التراث : قرطبه .. أو حطين
أكو نادي مكتبة عالمي الممتع روعه حتى لغه انجليزيه فيه .. بمنطقة الروضه
أظن الرؤيا والتكامل بعد يسوون أنديه صيفيه داخليه بالمدرسه وعندهم إشراف بس مو مجربتهم.
آنا دخلتهم أنديه وايد حتى فلكس وشامبييون وحتى مره نادي في بيت وحده مسويته في بيتها بس عرفه..
وإن شالله ماكو إلا العافيه . . . آنا أيضا أحب أحرّص على الاهالي إنهم مايودون عيالهم أي مكان ,, ولا يخلونهم مع اللي كبرهم دون مراقبه لأن الزمن فيه أشياء وبلاوي ويا الغاليه وكلام زوجج صح بس مانحرمهم ,, لكن ننتقي الأماكن المناسبه بدل ما نحرم عيالنا .
والنادي شي مهم حتى لبناء شخصياتهم ..
موفقين وتولدين بالسلامه إن شالله

 

[الأميرة جوري]

بعدعمري حلم الله يسلمج ,,,,,,,,,,,انا قريت بالجرايد نوادي تقريبا 3 مرات بالاسبوع والصف في عدد قليل من الطلاب مو زحمه ويسون رحلات ورسم والله بناتى احس يحبون يرسمون ويلونون ويلعبون ويتعلمون خصوصا لمن تطلع برامج ترفيهيه تعليميه بالتلفزيون يحنون علي يمممممممه ودينا ,,,,,,,,يمه ليش احنا ما نروح ,,,,,,,,,,,يكسرون خاطري ,,,,,,,,ابي نوادي بالمنطقه الرابعه ثقه ومجربينها ؟؟ يعني لدوحه القيروان الصليبيخات هالمناطق واللي حوالينها ؟

 

[حلم الطفولة]

العفو / / ان شالله البنات يفيدونج بالنسبه لهالمناطق
- تبي : الدوحه - القيروان - الصليبيخات - وحواليهم -
همتكم معاها بنات

 

[toto2006]

http://www.q8yat.net/showthread.php?t=625988

شوفوا هالموضوع كنت كاتبته عن تجربه يديده بالكويت وايد مفيده

 

[الأميرة جوري]

مشكوره

 

[حلم الطفولة]

تابعي بهالموضوع للصابره لمحتسبه متجدد عن الأنديه >> كليك << موضوع مميز ** (( نادي سمعتي عنه - جربتيه تفضلي كلمينه عنه ))** مميز

 

[الأميرة جوري]

بعد عمري حلم ما قصرتي,,,,,,,,,,,

 

[manarah]

يعطيكم العافيه بنات .. حلم الطفوله واللي يعافيج قوليلي بيت القران اللي بمشرف وين في بأي مدرسه

 

[ملكة زماني]

السلام عليكم أكو وايد أنديه أمان والأعداد محدوده والمشرفات متواجدات يراقبون ويشرفون ويدرسون ..
حطيهم بنادي بيت القرآن ( أكو أفرع في مشرف وبكيفان والرحاب وغيرهم ) .. مشرفاتهم ملتزمات وكويتيات ويعلمونهم أشغال فنيه وطبخ والصلاة وقصص ووناسه ورحلات .. يمكن يومين بالاسبوع مو كل يوم
أو بأندية جمعية الإصلاح .. بالشاميه فرع اللجنه النسائيه
او نادي إحياء التراث : قرطبه .. أو حطين
أكو نادي مكتبة عالمي الممتع روعه حتى لغه انجليزيه فيه .. بمنطقة الروضه
أظن الرؤيا والتكامل بعد يسوون أنديه صيفيه داخليه بالمدرسه وعندهم إشراف بس مو مجربتهم.
آنا دخلتهم أنديه وايد حتى فلكس وشامبييون وحتى مره نادي في بيت وحده مسويته في بيتها بس عرفه..
وإن شالله ماكو إلا العافيه . . . آنا أيضا أحب أحرّص على الاهالي إنهم مايودون عيالهم أي مكان ,, ولا يخلونهم مع اللي كبرهم دون مراقبه لأن الزمن فيه أشياء وبلاوي ويا الغاليه وكلام زوجج صح بس مانحرمهم ,, لكن ننتقي الأماكن المناسبه بدل ما نحرم عيالنا .
والنادي شي مهم حتى لبناء شخصياتهم ..
موفقين وتولدين بالسلامه إن شالله

الله يحفظ اعيالج يارب

بغيت اعرف تجربتج ابنادي افلكس وشامبييون
حلو حق الياهال ومن اي عمر ياخذون؟؟

 

[غديران]

أنا ما أحب النوادي


والعطلة أنا كل مكان أوديهم

مو لازم نادي وتتقيدين

 

[الأميرة جوري]

غديران وين تودينهم ؟؟ عطيني حلول لو رفض ريلي ,,,,,,,,,,,؟

 

[حلم الطفولة]

العفو الأميره
حبي مناره بيت القرآن بقطعه 2 بمشرف ,, هو بيت مو مدرسه ،، .. هذا خبري فيهم قبل 3 سنوات ..