اشرايكم بالزوج اللي يشرط على زوجته. ماكو وظيفه؟

[اميره بكلمتي]

قووووووه
صباح الخير خوووواتي


بحكم أني مؤ متزوجه بس اسمع من أهلي انه فلأنه تملجت او فلان بس شارطين انه زوجته ما يبيها موظفه

شرايكم بهالسالفه. بس حيل مستغربه منها احس الزوجه لازم تكون استقلاليه ويكون لها معاش خاص فيها

ومالا داعي الزوج وشرط على زوجته ماكو وظيفه


شرايكم

 

[ناتشوو]

شوفي
فعلا حلات الوحدة
باستقلاليتها
المادية
ووجود جزء خاص من حياتها
بعيدا عن الزوج والعيال

بس اللي اوله شرط اخره نور

حلاته قبل الملچة وقبل الزواج
كل واحد يقول اللي عنده
ومايفرض عليها عقب
دام قاعدة توفق بين بيتها ودوامها

 

[اميره بكلمتي]

هلا وغلا أختي ناتشوو انا قصدي جذي مثلا بيخطب بنت ويقول انا مابيها موظفه والواحد مايدري شيصير بالدنيا

 

[توتو ستايل]

اذا ما يقصر عليها بشي اوكي حلو جذي تتفرغ له بالبيت وتجابله

 

[ReD&FoSHia]

بالعكس وايد احسن و افضل
جربنا الاستقلال المادي و هالسوالف
بس يستاهل اني اترك بيتي وعيالي و اداوم وانا مشحوونة معصبة ولا قلقة
اقعد بالبيت و ادير بالي على مملكتي
ولما اشوف روحي تضايقت ولا مليت اقدر اطلع و اروح و ارد
وحتى الاجانب ترا المرة الراقية مايخلونها تشتغل
اذا متزوجة واحد عصامي يخليها اتربي عيالهم واهو يشتغل
والمفروض هذا الطبيعي
الا اذا ضاقت فيها الوسيعة اتسوي تجارة

 

[نـعـومـه]

وناسه عشان تفتك من روحه دوام وتتفرغ لبيتها

بس شرط يصرف عليهل عدل

 

[فيلسوفة قلبي]

عآدي بالعكس حلو الوحدة تتفرغ لبيتها وعيالها وريلها ..

أنا ريلي شارط علي أني أترك الشغل مع وصول البيبي ..

دام ما عندي إرتباطات فـ/عآدي عنده أشتغل .. كوننا عايشين بروحنآ ومستقلين عن العائلة ..

فـ/الملل يلعب دور .. أداوم الصبح والظهر ف البيت .. من حسن حظنآ أنا وريلي توقيتنآ وآحد ^^

بآلعكس إللي يشترط على حرمته أنه ما تشتغل حلو .. أهم شئ يقدر يصرف عليهآ...

 

[smo0o]

أنا مع ناتشو

أفضل المراءة تكون لها حياتها الخاصه بعيد عن زوجها و عيالها

 

[اميره بكلمتي]

صح أهووو حلو لها استقلالها بس مدري ليش جذي تفكير الرجال

 

[M!SS.LOBY]

قبل الملجة في شروط اذا وافقة تنازل عن الوظيفة براحته برضاها

بس من ناحية نظري الوحدة فينا ما تتنازل عن وظيقتها لان ما في ضمان للزوج ولا غيره ولا الدنيا بكبرها الضمان رب العالمين فقط .

والريال معروف من البداية يبي يكسر ويحطم من الزوجة عشان تكون تحت رحمته ويقعد يتمنن

بالعكس احنا تحت رحمة رب العالمين

 

[al-musk]

والله الحياة مو نفس أول والمواجيب ماتخلص .. والديرة نار.. يعني حتى لو بيعطيها ومابقصر بيوصل لدرجه ان يفكر ان هو مو مطر يشتغل ويتعب وجزء مهم من معاشه رايح على مواجيب والتزاماته ماتهمه هو شخصيا ..

واذا كان مقتدر والله رازقه من حقه يطلب ومن حق المرة ان توافق او لا.. الفكرة مو بس فلوس الفكرة كيان واستقلالية وحياة

 

[امـ خــزامـى]

انا احترم هذا الرجل جدا

لانه يقدر المرأه وعارف مكانتها صح وانها ملكه ينصرف عليها وتدلل

وطبعا استحقر وبقوه الرجل اللي همه البحث عن زوجه موظفه تساعده وتقوم بنص واجباته هو

 

[يتيمة جابر العز]

حبيبتي ٢٠١٣ في رجال مايبي زوجه موظفه!!
هذا وينه ولد أبوه
والله أنا كل الي أعرفهم اول شي يهمه موظفه عشان يفتك من عبئ مصاريفها
مأكو مره بهالزمن تقدر تعيش بدون راتب !
والناس تطورت وكل البنات موظفات انقضى زمن ربة المنزل

 

[*E.B.D.A.3*]

كل حرمة ترضى انها ما تشتغل وتقعد بالبيت
هاذي فيها قصـــر نظر !!
الزوج مو دايم لج .. ماتدرين لو الله ياخذ بأمانته (بعيد الشر)
او ظروف الحياة تصير صعبــه .. يمرض ، يطيح .. إلخ
منو بيشيل عيالج وبيتج حزتها ..؟؟
طبعا ناهيك عن كون بعض الرجال تحوشه نعرة النذالة !!
تهاوشتــوا ، تطاققتوا ..إلـخ ..
حزتها بتكونين تحت رحمـته ! يمكن يصرف ويمكن مايصرف عليج !!

فـ ليش تخلين مصيرج وحياتج بيد شخص ثاني ؟​

 

[om . alzeen]

هالشي مدامه صار قبل الملجه للمره حق تحديد مصيرها موافقه او لا


بس كل مره لها راي في حريم يبون جذي وفي لا


انا عن رايي الشخصي ماوافق على هالشي


مهمن كان الزوج كريم وزين بس مرات تحتاجين فلوس بدون علمه يعني بعطي امي بساعد اخوي عيب اقول لزوجي عطني من فلوسك لهشي


ولو لاسمح الله طلع الزوج بخيل او مو زين بتندم المره انها مو موظفه

 

[شبيهة ديمة بشار]

ااصلا وظيفة المراة العمل:dfgl: في بيت زوجها وفي بيت اهلها اذا مو متزوجه والرجل وظيفته يكد ويعمل عشان عياله وزوجته

وسالفة البنت تطلع وتشتغل هاذي جتنا من عند الغرب والله الاسلام نعمه اعطى المراة حقها وجعلها مثل الملكه وجبر الرجل على الصرف عليها
والبنات الغربيات مذلولات اهي الي تصرف على نفسها وهي الي تربي وشغل البيت عليها واذا طلعومن البيت مافي امن في الشوارع ينظربون ومحد يدافع عنهم ويقلون يمكن حبيبهاالي قاعد يظربها
ويغتصبون

احمدووووو الله على نعمه الاسلام وعلى تكريمه لنا واعيد واقول نحن ملكااات ورجالنا فيهم الغيره والخوف والدفاع :eh_s(13):عنا من اوساخ الدنيا



اتمنا
اكون
افدتك
يا
قلبو
:eh_s(7)::eh_s(7)::eh_s(22):

 

[نور المدينة.]

على حسب في ناس تحب وفي ما تفرق معاه يقول انا ما ابي مرتي تشتغل بس بعدين فكره يتغير ويبيها تشتغل

 

[طريق السعاده]

انا مافضل الي يشترط بخصوص الشغل للمرا يعني حلو لو يكون مو فارق معه اما الي وقت يبي يخطب يقول دورولي موضفه ذا احتقره والي اذا خطب قال مابيها تتوظف احس هالشيء ماله دخل يحدده ومااحب الي يفكر كذا وكثير انا كثير عانيت وقاعده اعاني من هالمشكله يبون وحده فالبيت :/ اوكي ودراستي وتعبي سنين يضيع عشان شرط :/

شيء يقهر

 

[أغلى حبيبه]

اذا قادر يصرف عليها ومو مخلي عليها قااااااصر

عادي شنو فايده الدوام وانا على اعصابي احاتي عيالي وغداهم ودراستهم واذا عندهم طبيب ولا اجتماع مااقدر اطلع من دوامي

يعني يبي لها حسبه وتفاهم بين الاثنين

 

[granted]

ااصلا وظيفة المراة العمل:dfgl: في بيت زوجها وفي بيت اهلها اذا مو متزوجه والرجل وظيفته يكد ويعمل عشان عياله وزوجته

وسالفة البنت تطلع وتشتغل هاذي جتنا من عند الغرب والله الاسلام نعمه اعطى المراة حقها وجعلها مثل الملكه وجبر الرجل على الصرف عليها
والبنات الغربيات مذلولات اهي الي تصرف على نفسها وهي الي تربي وشغل البيت عليها واذا طلعومن البيت مافي امن في الشوارع ينظربون ومحد يدافع عنهم ويقلون يمكن حبيبهاالي قاعد يظربها
ويغتصبون

احمدووووو الله على نعمه الاسلام وعلى تكريمه لنا واعيد واقول نحن ملكااات ورجالنا فيهم الغيره والخوف والدفاع :eh_s(13):عنا من اوساخ الدنيا



اتمنا
اكون
افدتك
يا
قلبو
:eh_s(7)::eh_s(7)::eh_s(22):

ويييه شخباري هالتفكير ايام يدتي
حبيبتي الحين الي تصرف على روحها وتخدم روحها صارت مذلوله
والي تطر الفلس من فلان ملكه !
المرة مكانها البيت والي تطلع وتشتغل هذي من الغرب !؟!؟يعني من بيت ابوج لبيت ريلج للقبر؟؟
بالله طلقج ريلج وقطج انتي وعيالج على اهلج شبتسوين ؟
على العموم الجهاز الي قاع تطالعينة من الغرب وtv الي تطالعينه من الغرب وic من الغرب
خلو عنكم التطرف