اشرايكم بالزواج عن طريق خطابه ودشوووا بسرعه..

[مشكلتي حبك]

السلام عليكم ورحمه الله وبركاته..
بنات اشلونكم شخباركم...

انا ابي اخذ رأيكم بموضوع مهم فأرجوا انكم تنصحونوني وتشوفون الموضوع صح والا خطأ..
انا عندي وحده من جماعتنا تبي تتزوج بس عن طريق خطابه لان اهلها ما يعرفون ناس ولا يطلعون غير المحيط العائلي الخاص فيهم ...فاهميني فشرايكم؟؟؟؟

وااللي تعرف خطابه معروفه ومضمونه وبالسريه الخاصه..
فاليت تفيدني...

واشكركم خوااتي الكويتيات على قرأة الموضوع ....
وارجوا ان كل وحده ترد علي وتعطيني رأيها بصراحه..
:bye22:

 

[جيكره(و)تتغلى25]

عندي حالتين


الاول طلع مسببه مايستوعب بسرعه



الثاني مطلق2وعقيم


كله من طريق الخطابات

 

[smartlady]

رد : اشرايكم بالزواج عن طريق خطابه ودشوووا بسرعه..

يبا طريج الخطابات وخري عنه كلش مو شي ... اصلا تتصلين فيها وتعطيج طاااف انا اقول خليها توكل على ربها

 

[قاهره عذالي]

رد : اشرايكم بالزواج عن طريق خطابه ودشوووا بسرعه..

ما فيها شي

بس تكون خطابه ثقه ومجربه عدل

وان جابت ناس لازم اهلها يسألون عدل

عن الاصل والفصل والمذهب ويبحثون عدل

حتى بداومه يسالون زملائه عن اخلاقه

 

[monmon12]

خطابه او غير خطابه

لازم تعرفين منو بتتزوجين وشنو ايهو حتى لو كان قريب منج

 

[nora al]

رد : اشرايكم بالزواج عن طريق خطابه ودشوووا بسرعه..

ماادري اناا ماحب هالطريج كلش

الزين مايروح حق خطاابه من الريااييل لان بدور من محيطه او اي وحده يشوفها ليش يخاف ويروح بعيد ؟؟

مادري لاتزعلين حبيبتي بس هذاا رايي وطبعاا بالغالب يعني ماعمم اعرف وحده تزوجت عن طريق خطاابه ريلهاا حيل زين

بس مثل ماقالت وحده من البنات خل تتوكل على ربهاا وتكثر الاستغفار والصدقه بهالنيه وتقرى البقره لان هالشي رزق وحتى لوو مايعرفون احد من رفيجاتها من الدوام من اي مكان اذا الله كتب النصيب بييهاا بدون خطااابه


والله يرزقهاا بالزوج الصالح ويرزق بنات المسلمين

 

[ام شووووق]

رد : اشرايكم بالزواج عن طريق خطابه ودشوووا بسرعه..

اب اب

 

[q8tyah]

مادرى اشوف الزواج عن طريق خطابه مافيه عيب

فرضا انا ماعندى علاقات ولااروح مكان وعندى عيال شباب بسن الزواج وبزوجهم

وماابيلهم وحده اى شي بتخير لعيالى جامعيات وحلوات وبنات حموله

اكيد بروح خطابه

ترى الخطابه عندها الدكتور والامحامى والمهندس والبنات نفس الشي تلقينها جامعيه وموناقصها شي الا انها كانت لاهيه بدراستها وماتبي

تزوج الا جامعى نفسها وعيالتهم كلها مثلا شرطه وجيش

والله اشوف ان الخطابه عندها اختيارات وايد والوحده تخير على راحتها

 

[غمزه وإبتسامه]

شوفي رفيجيتي تزوجت عن طريق خطابه وتطلقت لان ماطوولو الخطبه وماسالو عدل عادي الواحد يتزوج من خطابه بس فتره الخطبه لازم شوي طووويله ويسأألون عدل وخطااتها كانت ام نواف

 

[G!RLooNa]

ممممم زواج الخطابه انا اشوفه اخر الحلول

اذا وحده تحس حيل قلت فرص زواجها يعني فوق ال35 مثلا و مافي ناس يتقدمون لها و تبي تتزوج تحط اسمها عند خطابه بس اذا بنت صغيره توها بال 20 ماله داعي تروح حق الخطابه :080402ask_prv:

 

[* بنت المطر *]

نفس راي اختي g!rloona

تخليه اخر الحلول الرياييل الحين اللي من العايله مومضمونين ف مابالج عن طريق خطابه

لا طبعا والف لا رياييل هالوقت يخرعون !!!!

 

[.،:"$الـعـوبــــة$":،.]

رد : اشرايكم بالزواج عن طريق خطابه ودشوووا بسرعه..

انا من ناحيتي اقول اللي ربي كاتبه بيصير ،، ونصيبها بيجيها وهي في بيتها ،،
وانا مااثق بهالسوالف نهائيا !!
واذا البنت صغيرة انا اقول لاتستعجل على نفسها !​

 

[ام اغلى الناس]

عادي اعرف ناس واجد الله رزقهم بعد الخطابات
اعرف وحده اذا تبين رقمها راسليني الخاص

 

[غارقة بأحزانها]

رد : اشرايكم بالزواج عن طريق خطابه ودشوووا بسرعه..

مافيها شي حبيبتي
الزواج قسمه ونصيب
ونجاح الزواج
ما يعتمد على الطريقة اللي تزوجتي فيها
لان هذا بعلم الغيب
انا تزوجت عن طريق خطابة
والحياة فيها الحلو والمر
وهذي مو غلطة الخطابه
اهم شي الاستخارة والسؤال الجيد عن الخاطب والتوكل على الله​

 

[توته شيطونه]

حبوبه مافيها شي الخطابه انا اعرف وايد ناس تزوجو من طريقت الخطابه وطلعو من خيرت الشباب وانا اللي تزوجت زواج عادي

وتقليدي وشافوني بعروس تطلقت يعني مو مقياس الخطابه تيب لج زينين ولا بالعكس في ناس وايد من خطابات واحسن منهم مافي بس

الزواج قسمه ونصيب