اشرايكم اكلهم ولا .. لاااا

[الأمل باقي]

السلام عليكم..




خواتي ابي استشيركم في شغله



انا حامل في الشهر الرابع يعني بالاسبوع الخامس عشر وامس كان عندي موعد مع الدكتورة واصرفتلي حبوب كالسيوم وحديد:eh_s(10):

هذا حملي الثاني .. في حملي الاول كنت في بريطانيا وتابعت عندهم وماوصفولي حبوب الحديد والكالسيوم
بس كانوا ينصحوني اشرب حليب واكل اجبان وخضراوات من خس وسبانخ وجرجير الخ الخ والمشمش المجفف وغيره.. والحمدلله التزمت وكنت اشرب واكل كل هالاشياء .. والحمدلله ماشكيت من شي طوووول فترة حملي وولدت بسلامه ولدي الحمدلله مافيه الا العافية

مشكلتي اني من حملي الاول عانيت من الامسااااك اللي بغا يموتني وسببلي بواسير خارجيه وداخليه للحين اعاني منها:eh_s(16):
والحين خايفه اكل هالحبوب ويرجعلي الامساااااك والبواسير والالم والعذااااب

..:lkmnkl:

افكر اني ما اكل هالحبوب واعتمد بس على الحليب واللبن والاجبان .. انتم اشرايــــــــــكم :080402ask_prv:؟؟؟

 

[Q8Lady]

اذا غذائج متوازن وكامل وفيه حصتج اليومية من هالمعادن طبعا وخري عن الحبوب

وبعدين حبوب الكالسيوم تنصرف غالبا من الشهر السادس مو من الرابع لانها حيل تثقل على المعدة وعموما الجسم ما يمتصها بشكل كامل الا حسب ما اتذكر الدكتور المطوع قال انها تشكل بس 5 % من حاجة الجسم لانها تعتبر معادن مصنعه مو طببيعية

الحديد مهم جدا في الحمل والافضل انج تاخذين الحديد المخلوط مع الفوليك اسيد ( فيفول ) لانه اخف فما يسبب امساك قوي وكانت الدكتورة تقولي قبل اذا اييج امساك شربي حبة الحديد مع قلاص عصير برتقال فرش

الفيتامينات مهمة في الحمل بس اذا كنتي تضمنين ان اكلج كامل وصحي و متوازن وشامل ماله داعي اتعبين معدتج و كليتج بالفيتامينات

والله يتمم عليج و علي يا رب

 

[كلاسيكال]

انا حاليا حامل بالخامس الله يتمم علي يااارب / اول ثلااث شهور كنت اكل حبوب الفولك اسيد ودافستون المثبت / وبالرابع وصفتلي الدكتوورة ، بريجنا بلان ، وكالسيوم بس للامانه الكالسيوم ماكليت منه الا 3 حبااات ، لاني ماقدرت ابلعهم كبار علي ، ولما رحت للدكتووورة قالي اهم شي شربي حليب واكلي اجبان بدل الكالسيوم و الله يتمم عليج

الحديد مادري ماوصفولي شي

 

[فاقده ابوهاااا]

بالعكس لازم تاخذينهم انا اخذ الصبح حديد والعصاري بريغنينت بلان وبالليل الكالسيوم اصلا تحتاجينهم لان الحمل ياخذ من صحتج وخاصه من عضامج وضروري الكالسيوم لج في بدايه الرابع واستمري عليه وترى في نوعيات تسبب امساك وفي نوعيات لا بالعكس انا قبل كنت اعاني من الامساك بس الحبوب الي اخذهم نظمت لي عمليه الخروج والحمدالله انتي جربي نوعيه طبعا مع اشراف الدكتوره لما تحسين ان يازلج

 

[shak!shoka]

انا بحملي الاول اخذت الكالسيوم و الحديد وما سببولي امساك بس تبين الصج ما حسيت باثر ايجابي يعني ولدي طلع نتتتتتفه صغير وانا عظامي تعورني ،، بس عن نفسي اكلي خايس وما اكل عدل وعادي ١٢ ساعه ما احس بيوع فلازم اخذهم اغصب نفسي

بس اذا انتي مشاءالله تغذيتج زينه لا تاخذينهم ،،

 

[الأمل باقي]

جزاكم الله خيـــــــــــر

بس انا الحمدلله حريصه في اكلي .. اشرب حليب كوبين باليوم وقلاص لبن ومرات اكثر من قلاص واكل اجبان وخضراوات

 

[ام عبدالله زوزو]

انا براي اخذي الحديد واذا تشربي حليب وتاكلي اجبان مافي داعي للكالسيوم

 

[أم غـــلا]

مرحبا

بالعكس انا من رايي انج تاخذين فوليك اسيد من بدايه الحمل لاننها تمنع التشوهات الجنينيه اسم الله عليج هالحبوب مو عشان بس تكبر الجنين اهي مهمه لتكوين الجنين


وتقبلي مروري:eh_s(8):

 

[عبث طفله]

اذا اكلج زين وصحي .. اتوقع ما يحتاج ..

خليج على البرقنابلان ماله داعي كالسيوم وحديد ..


البرقنابلان كل شي فيه ..

 

[الأمل باقي]

أم غلا جزاج الله خيـــــر اختي .. انا الحمدلله اكل الفوليك اسيد بس انا اسأل عن حبوب الكالسيوم والحديد

عبث طفله مشكورة يالغاليه .. بس بغيت اسألج هالحبوب اللي تقولين عنها ماتجيب الامساااك

 

[حلاتي غير]

مادام دخلتي الرابع اكليهم عادي انا بكل حمل اخذهم

 

[السحابيه]

آنا نصيحتي اخذيهم انا كنت اخذ من الشهر الرابع ملتي فيتامين + كالسيوم+حديد طبعا 3 حبات باليوم وكنت اكل بعد عدل بس قالت لي الدكتوره لازم اخذهم والحمد الله ما عانيت بمشاكل بالحمل

بس لاتاخذين حبوب الحديد مع الكالسيوم بنفس الوقت لان كل واحد يبطل مفعول الثاني حسب كلام الدكتوره .


والله يتمم عليج .