اشتغل بالحكومه الصبح.. اقدر اشتغل بارت تايم العصر؟

[Shasawi]

مرحبا بنات
انا الف الف الحمدالله اشتغل الصبح بالحكومه ومعاشي الحمدالله بس علي قرض ماكل نص المعاش فودي اشتغل العصر مكان بارت تايم هم منها انجز شي واقضي وقتي اللي مقزرته بالبلعه بالبيت... يصير اسوي جذي؟؟ زين و وييين اماكن؟؟ شكراا

 

[q8y-moon]

للرفع

 

[catwiti]

حلوه الفكره اتمنى يفيدونه البنات
تقدرين تشوفيلج بنك يمكن يرظون

 

[shai5at al3arab]

وااااي انا نفسج

بس انا ابي البارت تايم الصبح لانه دوامي عصر

 

[جنان الغدير]

والله ما ادري

الحين انا ولدي كان يشتغل العصر ولما خلص الجامعة وقدم على الديوان قالوله لا مايصير لازم تستقيل بالأول

بس الحين انتي بالعكس مشتغله بالحكومة وتبين العصر اعتقد يصير مالهم شغل الحين ديوان الخدمة اذا بتقدمين دايركت على القطاع الخاص:bbbiu:

حبوبة الحين شركات الإتصالات زين والوطنية وفيفا طالبين موظفين سألي اذا في بارت تايم العصر

موفقة عمري الله يسهل امورج يارب

 

[AmOoNa-]

طبعا اذا شتغلتي خاص اتوقع مافي دعم العماله

 

[Angel_store]

www.p2bk.com
عندهم قسم تقديم وضايف بارت تايم

 

[Shasawi]

مشكوورين واايد على مساعدتكم وان شالله ان لقيت مكان راح اقولكم عنه وبخصوص بي تو بي كي ماليت بالسايت مادري

 

[برميت]

تقدرين بالبنوك تشتغلين عصر

 

[meera15]

عندي كم سؤال عشان تتضح الصورة

1- انت كويتيه ولا لأ ؟ لان الوضع يفرق بالحالتين

2- شنو تشتغلين بالحكومة؟
الهدف من السؤال هذا اذا طبيعة عملك الصبح تعارضت مع دوام العصر راح تتحولين للتحقيق
-بمعنى اخر - لو كنتي تشتغلين بالمحكمة مثلا ما تقدرين تشتغلين بمكتب محامي العصر

 

[Shasawi]

برميت صج مادري واللهه

ميرة اي نعم انا كويتيه ولا طبيعه دوامي كلش ماتتعارض مع شغلي العصر واهما شعليهم ! انا بشتغل بمكان واخذ في راتب اساسي لادعم عماله ولا غيره ماتوقع في قانون يجرم هالشغله....

ادري بتقولون طراره واتشرط بس ودي اشتغل مدرسه ولا بحضانه ثنائيه اللغه بالعربي لانه انا بكلريوس انجليزي وادي اشتغل بمجال تخصصي عشان افيد واستفيد

 

[بنت الكويت 25]

اي نعم يا الغالية يصير بس بشرط ما تاخذين دعم عمالة ولا يصير تقديمج عن طريق الهيكلة يعني انتي بنفسج روحي الشركة وقدمي اوراقج وبلغيهم انج ما تبين تسالين بالتامينات لان عندج وظيفة حكومية الصبح ويفضل انج تسالين اي احد في الهيكلة قبل لا تسوين اي خطوة

 

[رحيل المرافيء]

عندج اللجان الخيرية واكو مراكز التقوية يبون مشرفات وسكرتارية
تلاقين وظايف بجريدة الوسيط مليانة

 

[jekara_maziona]

مشكوورين واايد على مساعدتكم وان شالله ان لقيت مكان راح اقولكم عنه وبخصوص بي تو بي كي ماليت بالسايت مادري

هلا حبوبه هذا السايت

http://p2bk.com/jobs/resumegen.php

انا بسجل فيه بعد :ggdw: وان شاءالله خير :eh_s(7):

 

[emankuwaiti]

بالتوفيق ان شاء الله

 

[Shasawi]

مشكوورين جيكره مزيونه راح اكون على تواصل معاج اذا لقيت مكاان بس قوليلي مؤهلاتج

 

[@لجين@]

بالتوفيق ان شاء الله

 

[Shasawi]

شكرا حبيبتي

 

[Shasawi]

رففع

 

[missq8_6]

يصير بس اذا تشتغلين في وزارة لازم تاخذين لا مانع من وزارتج
و اذا معاشج بالمكان اللي شتغلتي في اعلي من وزارتج تقدرين تقولين حق التامينات ابيكم خصمون اشتراكاتي علي المعاش الاعلي