اشتغل او لا ؟

[Bloom]

انا متزوجه من سنتين تقريبا وعندي بنت عمرها اقل من سنه وعندي خادم الحمدلله زينه وساكنه يم بيت حمولتي .. وانا الحين افكر اشتغل لاني احس اني مليت من البيت وماعندي مجتمع ولا ربع ولا شي لكن مشكلتي بنتي وين اخليها اخاف اخليها بروحها مع الخادم و خالتي ام زوجي تشتغل وانا بحرينيه يعني امي مو هني .. زوجي الحمدلله معاشه راهي لكن انا كاسر خاطري احسه يحاول مايخلي علينا قاصر لكن لازم نيمع من الفلوس حق جدام و مصاريف الحياه وايد وانا ابي اساعده فشنو تنصحوني ؟ يعني اذا فكرت بالعيال عمري ماراح اشتغل لاني ناويه احمل لما بنتي تكمل السنتين بس قلت اشتغل هالسنه لاني مستحيل اشتغل وحامل نساتي خياليه منها اكتسب خبره بعدين افتح مشروع بروحي ​

 

[ناتشوو]

رفع

 

[Tom ♥ Jerry]

,


نطري بنتج بس تكمل سنتين
وديها حضانا و اشتغلي

 

[ديمة بنت غنيمة]

مادري والله اليهال سالفتهم سالفة انتي مثل معاناة اختي عندها بيبي بالاشهر وقاعده تقول مادري وين اخليه
وصعبه بروحه مع الخدم
ماكو الا تحطين كاميرات بكل مكان بالشقة وتراقبين الخدامه

 

[ديزاينر الكويت]

حبيبي خلي بنتج تكمل سنه و وديها حضانه و ريحي نفسج

 

[دلوعة أبوهآ]

ودي حضآنه طيب ..!

 

[كارلوفي فاري]

والله واذا امورج مستقره لا تعبين نفسج واذا على معاشج مااتوقع بعد الوضيفه تقدرين تجمعين بالعكس بتزيد التزاماتج ومصاريفج ولبس ومضهرج. وانتي كيفج.

 

[Bloom]

مشكورين الحين احترت اكثر

 

[مــســك]

اذا عندج شهآده بكآلروويس .. توظفين .. لآنج بحرينيه ..


والخليجيين يوظفونهم على شهآدة البكآلرويوس .. لكن اذا شهادتج دبـلووم آحلمي ب الوظـيـفـه ..:/

 

[Bloom]

لا عندي بكلورريوس الحمدلله

 

[زبــــــــدة]

اشتغلي اكييد

حرام عندج شهاده وقاعده !!

تروح عليج السنين اشتغل من الحين عشان تحصلين منصب قوي بعدين ...


حلوو يكون عندج وظيفه ومنصب وحياة عملية ...


واذا على بنتج دخليها حضانه ...

 

[ترف بابا]

الحضانات ترس الديره وياخذون اللي بعمر بنتج

ومهما كانت الخادمة زينه لاااااا تعتمدين عليها ولا تغيبين عن الياهل وهو معاها نصيحه اخت

بس انتي قلتي خادم ! ريال يعني؟

 

[بكيزة هانم]

اب اب

 

[Bloom]

مشكورين بنات والله ما ادري شاسوي انا متعلقه في بنتي وايد ساعتين بالكثير الي فارقتني صعبه علي اوديها حضانه شكلي انتظر عليها شوي تكبر

والي سالت عن الخادم احنا نقول حتى عن المره خادم هههه

 

[OM BARAK]

اشتغلي و بنتج ما عليها الا العافيه . الحين الحضانات ماشاءالله تينن والياهل ما وده يطلع منها . ولدي أسحبه سحاب وقت الطلعه مايبي

كنت نفسج بالاول احس ما اقدر افارق ولدي مااقدر بس بعدين تتعودين و بتشوفين ان احسنله يختلط باليهال و يتعلم​

 

[لمى الهاجري]

انصحج تحطين بنتج عند حضانة مامونه ترى اامن لج واريح لج ولما ترجعين من الدوام تاخذينها الخدم مالهم امان صدقيني وانصج انا لما بنتج تكمل سنة عقب اشتغلي على الاقل تكون كبيرة هالايام لازن ترضيعينها وتهمين فيها هالفترة اخذي دورات الي يبونها الشغل

 

[Perfume]

اشتغلي حبيبتي ومثل ما فالوا البنات بنتج وديها حضانة تلعب وتستانس

 

[Perfume]

اختي توها مشتغلة وولدها عمره سنتين ودته حضانة لانه امي تشتغل وام زوجها مريضة
احسن لج من الخدم اللي مالهم امان

 

[Patcholli]

حبيبتي انصحج بالحظانات .. وشوفيلج حظانه زينه واثقه منها وكافي ان الحضانه ناس داشه وناس طالعه وفي غير بنتج ومتنطمنه عليها احسن من الخدامه واي مهما كانت طيبه ماتدري بينها وبين روحها شنو