اشتري شقة ابورصة ولا لا ،،خبيرات العقار بالخارج بليز

[صيتة الخالد]

مراحب خبيرات بورصة

لقيت شقة ابورصة منطقة شقرقة للبيع وسعرها حلو،،،فحطططت عليها صراحة،،،
بس مادري ماعندي فكرة،،،
اهيه سياحية طول السنة؟؟ ولا بس بالصيف؟
والعقار بتركيا عموما مضمون ولا ينخاف منه؟

 

[أمانيQ8]

خواتي توهم شارين في بورصه ..والحين قاعدين يأثثونها عشان عقب العيد بيروحون عليهم بالعافيه
هالسنه بس اسمحوا الاتراك للخليجين والعرب يشترون فيها ويتملكون
وشققهم اشتروها من واحد من اعيال المطوع على ما اعتقد اسمه سامي
وكان نازل بارض المعارض بمعرض العقار

والشقه حلوه تصير بمجمع سكني وفيها سكيورتي وحمام سباحه كبير حيل ويمهم بيفتح كارفور
والشقه فيها الارضيات كلها باركيه وشغلها نظيف وجديده والمطبخ جاي معاه فرن كبير وجوله او طباخ ...
وشرحه انا شفتها بالصور
وهذا كل اللي اعرفه

 

[احساس أنثى 85]

حبيبتي اذا تبين شوفي البوسنة رخيييصة رخص التراب والبوسنة كطبيعة أحلى بمليون مرة من بورصة بس البوسنة فيها عيب إن مافيها أماكن سياحية واجد ولج حرية الإختيار وتركيا الصراحة مو مضمونة يعني بعيد الشر الزلازل اللي تصير فيها أعوذ بالله الواحد يخاف بس انتي استخيري قبل أي شي وسوي اللي انتي مقتنعة فيه وأتمنى تتقبلين مروووري

 

[فيروزه كويتيه]

اي اخذي ببورصه وايد حلو وسياحيه وطول السنه اصلا شرحه وترد النفس طبيعه واكل وسوق وبالباخره ساعه لي اسطنبول تروحين تتسوقين شوفيها وين بالضبط وشكثر تبعد عن اللونا بارك