اشتريت قطوه هاف بيكي

[LOVE KUWAIT1]

بناات اشتريت اليوم قطوه نوع هاف بيكي عمرها 5 اشهر بس

انا مو عاارفه اسوي لها ولا شي

شنو اوكلها وكم وجبه باليوم ومتى اسبحهاا وهل احط لها حليب ولا ماي


بللللللللللليز ابي اجاابه سريعه سرررريعه

ابي كل شي عنهاااااااااا

 

[شيــوخه]

انا قطوتي كنت اعطيها مره وحده اكل وحليب مرتين مع طاسه مااي هذا الحجي يوم كانت صغيره اما الحين اكبرت غير

وان يت على السباحه اسبحها مره وحده بلاسبوع ومره يطوف عليها اسبوعين مره علشان لا طيح مريضه لانه الي عندي خوافه ماتحب الاستشوار ماكنت انشفها تخاف

وان شاءالله البنات يفيدوننج

 

[ملاك زوجي]

هلا والله اول شي مبرووووووك القطوه ِ^.^
وثااااني شي بعدي عن الحليب كللللش اهو والسمج

بيما انها 5 اشهر يعني كبيره
وكليها دراي فود وبسكوت بس ما انصح بأكل البيت مادري ليش ما ارتاح اوكل قطاوتي منه

وسبحيها مره كل اسبوع
اممممم وبس مادري اي استفسار انا والبنات مراح نقصر

 

[sara al3soola]

مبروووك عالقطوه حبيبتي ماعندي اي خلفيه عن القطاوه بس بيت اباركلج

 

[ياعشيري جعلك السلال]

مبرووووك

5 اشهر كبيره

اشتري لها اكل معلب من الجمعيه

لحم دجاج

واشتري لها بسكوت

وحطي لها ماي بس


والتسبح على راحتج

انا قطاوتي كل 3 ايام يتسبحوون معودتهم على جذي

 

[Aboosah]

الف الف الف الف مبررررررررررررررررررررررررررررررروك تستاااهلين والبنااات ماقصرووو وياج



ناطرين الصوووور ^_^

 

[3w!Shni]

مثل ما قالو البنات

اشتريلها دراي فود نوف بورينا ..

و فانسي فيست معلبات من الجمعية .. حطيلها شوي من العلبة و حطي الباجي بالثلاجه بعد ماتغطينه .. عشان لا يخترب

عطيها 3 وجبات من الفانسي فيست المعلب باليوم .. و الدراي فود و الماي خليهم موجودين طول اليوم..

السباحه انا اسبحه مرة بالاسبوع .. و الحين الجو قاعد يتغير .. فاااا مادري اخاف يستمرض خليتها اكثر من اسبوع

بس خلي الشمس تحوشها حتى لو من ورا الدريشة .. و خليها تتهوا

مشطي شعرها كليوم ^^

وكليه اكل بيت جبن و دياي بس ديري بالج مو بهارات و هالسوالف .. يعني دياي خالي ..

و لحم بس لاتكثرين .. حسب كلام البنات الي بالمنتدى مرتين بالاسبوع بس ..

انا قطيوي يحب الديك الرومي .. الي مثل المرتديلات عاد مادري انتي جربي وياه..

وبس ^^

مبروك عليج القطو و هالله هالله فيه

نبي نشوف صورته ^^

 

[Forever & Ever]

الف مبرووووك وتتهنين فيه ان شاء الله

والبنات ماشاء الله ماقصروا

 

[الكرزي]

مبروووووووووووك القطوة
والبنات ماقصروا بس حبيت افيدج
أنا اوكل قطاوتي دياي مفيوح ومسحب او معلبات القطاوة اخلطة مع المعكرونة او البطاط المهروس او الرز المصري واحطة لها مرتين باليوم اما الدراي فود والماي اخليه على طول ،،واعطيها جبن مثلثات بين فترة والثانية وهكذا بس بعدي عن البهارات والزيت موزين كلش
ولاتنسين بوكس الرمل خليه مكان واحد وحطيها يمة عشان اتدله
والسباحة عادي خليها كل اسبوع مرة بس نشفيها عدل لانة الرطوبة اتسبب فطريات ولاتنسين تنظفين عيونها واذونها يوميا واتمشطينها طبعا

ومبرووووووووووووك مرة ثانية ​

 

[LOVE KUWAIT1]

انا اسفه يا بنااااات فعلا اسفه

القطوه عمرهاا شهرين بس:tomato2::tomato2:

ومشكورين على الردود

 

[راعية الذيب]

الله يوفقج فيها
انا دخلت لاني ابي بعد اعرف لانه انا ودي علي قطوه

 

[سكارف.فوشي]

عليج بالعافيه حبيبتي والبنات كفو وفو

 

[الغرور مايخليني]

مـــــــــــــــــــــبــــــــــــرووووووووووووك
حـــــطـــيـــلــنا صورها​

 

[ابي قطوة ميوووو]

الف الف الف الف
مبررررررررررررررررررررررررررررررررررررررروك
والفاااااااااااااال لنا ان شاء الله