اشتريتهم وتوهقت فيهم شلون الاستخدام/ زبدة الشيا- الصابون الأفريقي!!

[ننووسهـ]

مرحبا بنات شخباركم ان شاء الله أموركم كلها طيبة..


من كثر ماقريت عن زبدة الشيا والصابون الأفريقي تحمست أشتريهم و طلبتهم و وصلوني أمس .. بس المشكلة شلون أستخدمهم؟؟

هذي صورهم

هذا صابون أسود أفريقي خام بس جامد مو السائل.. استخدمته ع وجهي اليوم بس حسيت بعدها بحرقة هل هالشي أوك أو لا؟؟ وخلى وجهي جاف شوي .. شلون أستخدنه أي نصايح؟

وهذا الصابون السائل اللي شفته عند البنات :eh_s(15):

شلون أستخدمه؟ بس أفرك فيه جسمي وخلاص؟


وهذي زبدة الشيا

هذي عاد اللي توهقت فيها جامدة شوي وهل تستخدم بعد الشاور ؟؟ او مع الشاور وبعدين أغسل جسمي؟

وفي أحد جرب هذي الأشياء ع الشعر؟؟

بليز اللي جربت هذي الأشياء تخبرني وش احسن طريقة؟ وهل لازم أخلط معاها اشياء او عادي استخدمها مثل ماهي؟!

 

[كويتية وكلها جاذبية]

مسا الورد
انا اشتريت زبدة الشيا
نفس الي بالصوره. بس ما توهقت فيها استخدمها على ويهي قبل ماانام مراااااااااااااااات. خووو من ايييب الشي اقطه وانسى. ليش اشتريته
بس الكل يمدحها. وهمن خاطري البنات يعلمونا اكثر بس حتى لو تحطينها على ايديج ترطيب او اي حبه في ويهج تروح هذا الي سمعته.

 

[ننووسهـ]

ايه انا قلت ابي أستخدمه للخطوط الببضا و للآثار الجروح و بعض الحرقات وان شاء الله ينفع ..

يعني زبدة الشيا أستخدمها كـ كريم للجسم!

 

[نبضكم]

الصابون الاول ماجربته

جربت الصابون الثاني ١٠٠٪ حلو ينظف
في له طرق وايده الحين بنسخ لج طريقة وحده ان شاء الله جربيها حلوووه

زبدة الشيا ترطيبها عميق تحطينها بعد الشاور وتحطينها بشعرج يصير ناعم

بس حبيبتي بليز عطيني الموقع الي طلبتي منه الصابون الثاني ؟؟؟!
ناويه اطلبه لنفسي انشالله

 

[نبضكم]

هاذي طريقتها

♥صَآبونْ أسود أفريقيْ السآئلْ مِنْ أختنا GRASS رَبيْ يجزآها ووالديها الجنه ..." مقدآر ملعقه كبيره"
♥ أنبولآت الكولآجينْ من إيفآ ...’ أنآ شَخصياً أشتريهمْ من حَوآي جَمعية بَيان ... " مقدار نص انبوله "
♥ بودرَة البَيآض هَذه يآطويلآت العمرْ بودره اخلطها واحطها بعلبه بلاستيكْ ما استَغني عَنها ابدا ابدا ...*
رَهيبه للماسكاتْ وللصابونياتْ وموادها سهله وهي عباره عنْ :*
نشا .. و .. كركم الجسم .. و .. حليب أطفال بودرْ .. و حليبْ بودر جوز الهند ....
اخلطهم بكميات متساويه*
واذا حبيت اسوي منهم ماسك بس أخذ ملعقه من بودرة البياض وملعقه ماي وردْ أو روب*
واحطها لمدة ربع ساعه على الويه واشطفها بالماي البارد...
بس المطلوب حق خلطتنا هذه" ملعقه ونص "*
♥ كَبسولآتْ فيتآمينْE من الصَيدليه ...أو من الحَوآيْ يكون لونهمْ أبيض صَدفيْ .. " مقدآر 3 كبسولآت "
♥ نص لَيمونه وأعصرهآ على المكونات SoRrY ماصورت الليمونه نسيت :$


وشوفي طريقة كرستين الماسك الالماسه بس بصراحه ماجربت ماسك الالماسه
وبالتوفيق اخيتي

 

[شذونه]

انا اشتريت السايل حلوو واذا خليته ثواني ع بشرتي احس بحراره
بس رووووعه

 

[^LILY^]

رفع

 

[ننووسهـ]

مشكووورين ع الردود بنات

نبضكم يعطيش العافية حبيبتي ومشكورة ع الوصفة .. انا شريت الصابون الثاني من أمازون

 

[قصْر شآمخ~]

انا استخدم زبدة الشيا حيييل حلوة لتنعيم القدم من تحت أقصد باطن الريل والكعب تصير حيييل ناعمة
انا جربتها مرتين مرة خلطت معاها زيت سمسم ومرة زيت زيتون
والطريقة تسخنين كمية من الزيت وتحطينه ع الزبدة وهي بتذوب وتختلط خليه لما يجمد واستخدميه

 

[ننووسهـ]

يعني زبدة الشيا عشان استخدمها لازم اسخنها واخليها تجمد بعدين استخدمها؟؟ لأني لما جيت أحط لي منها ماقدرت جامدة مثل الزبدة وماتسيح بسرعة يعني بصعوبة أحطها !!!

 

[ننووسهـ]

up up up

 

[Lala]

الصابونة تنضف بعمق حلووة أنا جربتها

والزبدة أحلطها مع زيوت لأن صعب فردها بروحها وأحط منها يوميا أما اذا بغيتها للججسم أنا أخلطها مع اللوشن اليومي حق جسمي وما تندمي أنك تستخدميها. أنا صارلي سنة على زبدة الشيا ومبسوووطة منها !!

 

[ننووسهـ]

مشكورررين