روحي محل من محلات مستلزمات الحيوانات واشتري حوض الفضلات (ليتربان) ورمل بكياس مخصص للقطاوه وحطيه بمكان سهل توصله القطوه وصعب يوصله طفل (انا حاطته بحمام مال الخدامه ومسويه فتحه تشوفينها بالافلام تدش قطوتي وتطلع على راحتها) وصحن للاكل واكل متنوع من كل الماركات لين تشوفين النوع اللي حبته قطوتج كثري منه بس لازم تنوعين وانا مرات اذا طحت على وصفات من البنات اسويها واشوف قطوتي اذا حبتها اسويها كذا مره واعلم خدامتي عليها واذا ما حبتها اكيد اقطعها وصحن للماي وتحطيلها ماي نظيف من المصفي وتبدلينه كل شوي (انا ابدله كل شوي اخاف يطيح فيه شي ويلوثه وتمرض قطوتي) واهم شي مشط تمشطينها كل يوم وانا امشطها اكثر من مره كل ما العب وياها اييب المشط.. شامبو خاص فيها وفوطتين كبار اذا سبحتيها تلفينها بفوطه ولما تتنترس ماي بدليها بالثانيه ولاتخلينها مبلله ونشفي شعرها بالاستشوار بسرعه عشان ما تمرض.. وطبعا لا يدش اذن القطوه ماي ابدا لانه يضرها ويقولون يموتها وانا انظف اذونها خارجيا بالفوطه المبلله الاولى.. اما النوم فا اخليها تنام وين ما يعجبها..مع ان عندها بيت بس ما تنام فيها وتحب تلعب داخله اكثر وتخشش الاشياء فيه.. انا اذا فقدت سواره والا قلاده الاقيها فبيتها طبعا..
هذيل اهم الاشياء..
وبعد.. بعد..... خليني اتذكر ........................
والله هذا اللي انا اسويه.. وعساني افدتج ..
