اسويله ولا لا

[dana-q8]

السلام عليكم
شلونكم صبايا
بغيت استشيركم بشغله
ان شا لله ذكرى عرسي بعد سبوعين
وخواتي يقوللي لا تسوين شي مو كفوا
ريلي يحبني وطيب وحبوب وانا احبه بس عيبه الوحيد
انه 0000000مادري شلون اوصفه بخيل شويه ما يعرف شي اسمه تغير جو نطلع ونتمشى نعيش مثل باقي الي توهم متزوجين فاهمين علي!!
يعني ما رحنا شهر عسل ولا عوضني عنه
بنفاسي رديت البيت وبنتي معاي علا اساس ماكو سفر الحين و ماي يحب فنادق تحسفت على كشختي بنتي قعدت تبجي طول اليل:27d66a9c24b146327bf
يوم عيد ميلاده اشتريت لها ساعه وحجز مطعم شموع وورد على الطاوله ياعني جو رومانسي بغصب راح <<<وانا الي دافعه كل شي
فندق يقولي ما احب
سوق زحمه ما احب
شارع ما احب
اسويله ولا اطنش!!
اسفه طولت عليكم بس من كثر ماني منغثه منه:ssssso:

 

[{ انعم دفشة ~]

سويله حبيبتي شي بسيط وفالبيت

خلي الاحتفال لج بالدرجه الاولى لان يوم زواجج انتي

الله يهديه وعقبال العمر كله مع بعض

 

[الأميرة جوري]

رد : اسويله ولا لا

سويله وعوديه مثلا اذا ما يحب زحمه السوق بليل خلي روحاتج الصبح اذا ماعليج دوام او بالعطل ... انتى امشي علي يبي بس بطريقه غير .. والعوديه انتى عطلعات يعني مره اعزميه وانتى ادفعى سعر العشاء وشوي شوي بيستانس وراح اهو بنفسه يعزمج او انتى قولي يالله عليك العزيمه المره اليايه .. فاهمه علي مع الوقت بيتغير

 

[monmon12]

وخواتي يقوللي لا تسوين شي مو كفوا


اول شي هذولا مالهم شغل بموضوعج ولا تسمعين رايهم لأن تلقين رياييلهم مو كفو بس مسوينهم يا دهينه لا تنكتين فلحد يقص عليج يقولج لا دلعين ريلج وايهم طاليحله تدلع


ثاني شي حبييتي خلي البخل على جنب

انتي مو شايفه ان ريلج ما يحب هالسوالف؟؟
فناجق ومطعم وهذي الأياء مو داشه مزاجه


اذا لازم تعرفين ريلج شنو يحب وشنو فكرته عن االحتفال

يعني شنو ايهو حاب مثلا؟؟
مطعم بس

جو فب البيت

يعني على حسب ايهو شنو يحب لا انا ولا غيري نعرف شنو ريلج يحب انتي تعرفين

الي يحبه سوييييه

لا تختارين على ذوقج

اختاري وسوي على ذوقه

 

[وردة الحياة]

والله سوي واستانسي اذا اهو طبيعته مايحب مافيها شي مرده بيتعود ويحب .. واتي الحمدلله شايفته طيب وحبوب وموشرط مايحب الطلعه انه بخيل..البخيل حتى مصرف مايعطي حتى معاشج ينقصه عليج..

اعرف وحده ريلها بيتوتي مايحب.. اهيا تسوي وتحط وتتعب بس مو نفسج تعبت من اول ياهل... لا كانت كل شهر تسوي جو ..تييبله هدايا وعطور.. واهو حتى مصرف مايعطيها...ملت عقب سنين ..الريال خاف وحس انها تغيرت.. تدرين شنو سواها؟؟ نفس اللي سوته له..سوالها واكثر ... حس بقيمتها بعدينانتي لما تسوينله قاعده تبنين لبيتج ودايما خلي نيتج صافيه بالاخلاص ربي يرزقج على قد نيتج..والله يوفقج بهاليوم واستانسي عليج بالعافيه

 

[أنفاسي دخون]

سوي له عشان انتي تستانسين وتتهنين بعمرش وشبابش

عسى الله يهديه ويسخره لش ويقلب حاله للاحسن

 

[وردة الحياة]

لبسي ابيض. قميص نوم او بدله بيضه وتفنني بالمكياج
وكيكه.. وهديه بسيطه وبالونات وفي استيكرات عجبوني طلبي منهم دوريهم بالمنتدى او شوفي فناتق البنات عن ليالي رومانسيه

 

[iLLuMinaTion]

مشكوره على المعلومات

 

[dectora 7elwa]

سوي اللي تبينه بالبيت
مع هديه رمزيه
مع ليله حلوه
ماله عذر

 

[miss_jamsheer]

احتفلوا بالبيت يمكن موبخل يمكن صج مايحب يطلع زحمه وجذي
سويله بالبيت جو وكيكه وعشان وهالسوالف وكل عام وانتوا بخير

 

[ياعيون مغليك]

رد : اسويله ولا لا

مااشوف ان زوجج بخيل من هالسوالف
زوجي دينه ودين السوق والطلعات
والله يقوللي اعطيج اللي تبينه بس سوق مااودي
يكره السينما
المطاعم يعتبرها اسراف ومالها معنى يقول انتو سويه بالبيت يصير اطعم



وبعدين سوي الاحتفال لج انتي
واشبعيه من الناحيه الجنسيه وريحيه
واهم شي تصرفي ببنتج خليها بعيد بهالليله
اهم شي ونسي عمرج مالج شغل بخواتج
اعرف وحده تناااابح لاتسوين للرجال شي وزوجها هو اللي مدلعها ويدور رضاها
وبالصجيه
حتى معاش الخدامه عليها

 

[الأميرة الحزينة]

سويييييييييييييييييله ولا تترددين ترى اغلب الراييل جذي ما يعرفون وما يهتمون حق هالأشياء..بس اذا سويتيها كذة مرة واستانس بتتغير فكرته صدقيني وبيقوم اهو ينطر شبتسويله ومع الووقت بيقوم اهو يسويلج .. نصيحه تعبي عشان تغيرينه لأنج بترتاحين عقب,, بتحبطين بالبدايه ماعليه بس صدقيني بتوصلين لنتيجه ترضيج....انا كنت مثلج كله اسوي واتحبط وخواتي ورفيجتي كله يضحكون علي:eh_s(22): لأنه تكون ردة فعله تبط الجبد عقب قمت اسوي وما اقولهم وحمدلله تغير صار ينطر كل مناسبه يحس ان في شي وعقب ماشالله صار اهو يسويلي وخواتي كلهم متفاجئين:sfg: لا تيأسين حبيبتي حاولي واذا تبين افكار انا حاضرة راسليني عالخاص واعطيج افكار حلوة :eh_s(9):

 

[dana-q8]

مشكووووورين ياخواتي
والله ماتدرون شلون ريحني كلامكم
ان شا الله بقعد اخطط من الحين حق المناسبه واكيد بسويه بالبيت
جزاكم الله خير

 

[noo7a]

من كلامج ماحسيت انه بخيل كلش
اهو نظامه مايحب هالشغلات و الفناتق
و وايد رياييل جذي بس ريلج و شوي زياده عنهم

 

[G!RLooNa]

لا حرام من كلامج ما حسيته بخيل بس مايحب هالجوو شكله دواوين و حداق و بر سوالف مطاعم و سوق و سينما عنده كلام فاضي :/ ترا وايد رياييل جذي

ييبيله كيكه بالبيت و هديه بسيطه مو شرط غاليه و كل عام و احنا بخير حبيبي و انشالله بيستانس

 

[ماني من الناس]

سوي بالبيت عادي,,,,,,,,,

 

[BiiShOoO]

سويله بالبيت

 

[احلى ـآ وحده]

معاهم سويله بالبيت

 

[tbola]

رد : اسويله ولا لا

صح سوييله يمكن ينحرج منج :d

وانشالله البنات يفيدونج

 

[Om_Ksha]

الله يوفقكم