اسهال حااااد..مساعدة عاجلة

[noha33]

ولدي عمره سنة ونص من اسبوع وهو فيه انفلونزا مع اسهال حاد جدا مااااااااي
الدكتور بمستشفى السلام قالي هذا التهاب فيروسي يعني المضاد الحيوي ما يفيد ووصفلي (كابكت) للاسهال مع خافض الحرارة ورديت رحتله عقب 3 أيام وهم قاللي نفس الكلام
المشكلة إنه مو قاعد يتحسن نهائي جربت وايد شغلات
ماي العيش المصري - بطاط مسلوق - روب - عصير تفاح
ماكو فايدة لأنه حرام ما قاعد ياكل بس يشرب ماي وسفن أب
أرجوكم اللي عندها خبرة تساعدني الله يخلي أولادكم

 

[عبث طفله]

حطيله نشا مع الحليب ..

وماي العيش استمري عليه .. وخليه ثقيل ..

وكثري السوائل .. وياليت اذا عندج المحلول خليه يشرب منه لايجيه جفاف

وحطيله مع الروب حلبه مطحونه وحده بوحده توخر الاسهال بدقيقه

وعطيه موز ترى يمسك البطن ..

والله يشافيه يارب

 

[الأميرة جوري]

رد : اسهال حااااد..مساعدة عاجلة

عطيه نشاء بماي وحليه شوي واهو يوعان عطيه راح تدعيلي

 

[قسي قلبك تعيش]

اخلطي السفن مع النشا

 

[بـاسي قــوي]

رد : اسهال حااااد..مساعدة عاجلة

مايشوف شر حبيبي الله يشفيه

 

[احلى ـآ وحده]

رد : اسهال حااااد..مساعدة عاجلة

الله يشافيه ياارب
ياقلبي قلبه ..

العيش المصري حييل يمدحونه استمري عليه ..

 

[ديانا سبنسر]

اب اب

 

[غيمه ظميانه]

رد : اسهال حااااد..مساعدة عاجلة

كابكت ما ينفع عن تجربه

اشتري نوفولاك تركيبه الاسهال يجي مثل البسكويت المكسر لونه بيج بكرتونه يكونها داخلها بجيس مو قوطي حليب

يجي مثل طريقه الميلوبا بكرتون

صدقيني من اول رضعه بيخف الاسهال بشكل ملحوظ عطيه رضعه واذا ما يشرب مميه عطيه بقلاص

والله يشافيه

 

[أمـاسي]

رد : اسهال حااااد..مساعدة عاجلة

واااااااااي نفس الحااااله ..........تعبت والله

 

[السكرتيره]

رد : اسهال حااااد..مساعدة عاجلة

اختي لوجه الله أنا صارلي اسبوع علا هالحاله وقالولي فايرس واخذت لبنتي درب تحسنت شوي وردت اردا المهم رحت لمراه طب شعبي قالت هذا برد وفيها الاوخيه مرض سالي امج عنه ورددتها وعطتني اعشاب (السعوط) انقعها وأخذ الماي وترضعه مع عسل الحمدلله بنتي اليوم وايد زينه وقف الاسهال وانشالله فدتج ترا إحنا نستهين بعلاج الحريم واهوه الزين

 

[حلوه العسل]

انا لمن صار فيها انفلونزا حادة
عطوني حق بنتي ابر لانه المضاد الشراب ماينفع معاها
ويعطونج محلول يشربه عشاان لايصير فيه جفاف
انا اراجع بالهادي
بس المحلول خذيته من طيبه كلنك
وخذت درب بعد

 

[صابرة وراضية]

رد : اسهال حااااد..مساعدة عاجلة

شفاه الله وعافاه...الله يحفظه لج حبيبتى.......الاسهال ياخذ وقت شوى على ما يروح بس كثرى من السوائل ومو مشكلة يشرب عصير وسفن وعليج بالروب خالى الدسم افضل شئ للاسهال والتفاح من غير قشر وبطاطس مسلوقة بدون اى اضافات غير الملح يعنى لا تتحمر ولا شئ....وجبنة رومى حيل حلوة للاسهال ......اما للبرد والنفلونزا شراب فلودركس 60مل للانفلونزا والبرد وقطرة الانف لو عطاها لج الدكتور حلوة ........والله ولادى الانين خفوا بفضل الله على هالدوا للرشح والا نفولنزا بس الاسهال ياخذوقت شوى بس عوضيه بالسوائل والا كلات اللى قلتلج عليها الدكتور قالها لى ......الله يشفيه ويحفظه لج حبيبتى

 

[روج كرزي]

الجاي عجيييب للأسهال ,,,

 

[noha33]

ما قصرتوا خواتي الله يخليكم ويحفظ عيالكم

 

[عيون كحـال]

اذا للحين تعطينه حليب اشتريله تركيبة للاسهال من الصيدليه نوفلاك

وقفشة نشاااا مع ماااي عجيب النشا للاسهاال وروب

او حلبه

والله يشفيه ترا الاسهال يطووول

 

[اسيل الصمت]

رد : اسهال حااااد..مساعدة عاجلة

اب اب اب اب

اب اب اب اب

اب اب اب اب

 

[برميتا]

عن تجربة وبناء على نصايح الطبيب

-اشتريله حليب اس 26 ال اف (خالي من اللاكتوز)
ممتاز جداً للاسهال

-اشتريله محلول مغذي (متوفر بكل الصيدليات)
وعقب كل مرة يطلعه بطنه عطيه من المغذي

-عطيه موز مخوضر شوي مو مستوي عدل
-عطيه جزر وايد مفيد (عصير جزر، شوربة جزر،جزر مبشور)
-عصير تفاح مال كي دي دي (موبارد)
-عيش وروب خالي الدسم وبطاط مفيوح

وترى (الكابكت) مو زين ع الياهل إلا للضرورة القصوى ى ى ى ى ى (يعني اسهال 10 ايام وفوق)

وماتشوفين شر