اسم الام..الزوجه...الاخت

[فوفو22]

ايام الرسول صلى الله عليه وسلم

كان كل الصحابة ينادون زوجات الرسول صلى الله عليه وسلم بأسماءهم

ولو كان اسم المرأة عورة لورد في ذلك نص شرعي،



وكان العرب قبل ينتخون بأسماء خواتهم كالتالي

وانا اخو مريم ...

وانا اخو نورا ...

وانا اخو جسلا...

يتفخرون بخواتهم

********

شنو قصة هالموضوع

اليوم ولدي بثانية ابتدائي

معطينه سؤال

اكتب لنا اسم فيه مد بالالف مع ذكر المقطع المدود


<<<طبعا انا اسم الله علي اسمي فيه مد بالالف:eh_s(15):

فقلت له اكتب اسمه ....والمقطع المدود


التفت عليي الله يحفظه وقال بحيا

لالالالالا اخاف ربعي يقرون اسمج:eh_s(12):

القصة الثانية


وحده تقولي ولدها بالمرحله المتوسطه وعطوه استبيان لكتابة السيره الذاتية

فترك خانه اسم الام

وسأله الاستاذ ؟؟؟

ما اسم امك ؟؟؟؟؟قاله اسمها ام فلااااان

<<<تتوقعون هالسلوك صح بين عيالنا


ومن متى صار اسم الام عوره ؟؟؟؟



وليش ما نتكاتف احنا الامهات ونكافح هالظاهره؟

لا تقولون لي غيره الرجال على المحارم !!!!
لانه لو غيره كان الاولى... قام بتوصيل عياله للمدارس بدل بهذلة الامهات من الصبح
لانه لو غيره كان الاولى.. قام بالتسوق وشراء حاجيات البيت بدل ما الجمعيات والاسواق متروسه من الحريم

شاركوني بآرائكم

فوفو

 

[جوري 2007]

ويييييييييييه خليها على الله

السالفة موغيرة السالفة ماااااااااااااااادري شنو !! اهما جذي من زمان وخلاص

متى بدت هالظاهرة وليش واشحقة ماندري !!

اللي نعرفة انه ماهما تكافحين وتناضلين راح ايي المحروس ريلج ويقوله : اذا قلت اسم امك او خواتك ياويلك !

وبينهدم كل اللي سويتيه

اصلا الحين الي بيسب احد ناداه باسم امه !!

مالت على هالتفكير

 

[@نداوي@]

رد : اسم الام..الزوجه...الاخت

هلا فوفو ..
وهذا شي طبيعي .. لكل الجهال جذي بالابتدائي شي طبيعي
عاد اذا كبررووو تلاقينهم ينادون بعض بياولد افلانه ..
..

 

[روحي زوجي]

رد : اسم الام..الزوجه...الاخت

اذكر لج موقف

مره رحت اخذ ولدي من بيت حماي وكان يلعب مع عيال جيرانهم ولما ركب ولدي واحد قام يناديني بالشارع فلااااااااااااااااااااااانه

عاد انا ادور منو يناديني الا القا ولد جيرانهم و لا ولدي ينزل راسه من الحيا ويقول حتى امه نفس اسمج

ههههههههههههههههههههههههههههه

موقف صج ضحكني

 

[الشهد كله]

حببية قلبي إذا علي آنا ماكو غيرة

قولي ليش ؟؟؟؟؟

لأن أخواني وزوجي يدزون لي ربعهم عشان أخلص معاملاتهم :dddds::dddds::dddds:

وبالطبع راح يقولون لهم روحوا حق فلانة الفلاني إذا ماقالو الهم روحوا حق فلانة بنت فلانة :krkrkr::krkrkr::krkrkr:
​

 

[Queen nor]

رد : اسم الام..الزوجه...الاخت

اي والله شهالتفكير صج متخلفين

يسلمو فوفو على الموضوع النايس

 

[BiiShOoO]

اي انا اخواني فيهم هالشي بس انا اعصب عليهم وين قاعدين يعني اهوا اسم مو سبة عشان يتفشلون منه

 

[miss_jamsheer]

لووول تدرين انا لما اكون طالعه مع ريلي ويتصل رفيجه مايقول طالع مع مرتي يقول مع اهلي ليش مادري بس طبعا رفيجه يدري انه مرته بس مايقول حتى صارت عاده عند ربعه يقولون مع اهلي شالحكمه خو قول مرتي وخلصنا

 

[سيدة الذوق]

شي متعودين عليه ..ودنا نغيره بس شنسوي

واحب اعقب علي كلامج مو كل رجال يسوي هسوالف

انا زوجي واخواني وجماعتنا بعد مايرضون المره تروح الجمعيه ولا مستوصف بروحها

يعني في رياجيل فيهم خير

 

[KOKO_284I]

رد : اسم الام..الزوجه...الاخت

صراحة اهو مو عيب
بس زمنا يطلب ان محد يعرفة

 

[الحراير]

فوفو ولدج مثل ولدي من هو صغير مايحب احد يعرف اسمي


ومره ادرسه والمدرسه تبي تاء مربوطه قلته اسمي قال لا قلتله ليش قال علشان ربعي مايعرفون اسمك


وامس طالعه للممشي واقول لامي نادتني رفيجتج باأسمي ولا ولدي يعصب ههههههه

 

[نور وشموع]

ولدي بداية السنة يقول يمة باجر مابي الروح المدرسة



ان قلت لة ليش باستغراب ليش عسي ماشر قال امس فلان عن ولد جيرانا علم الصبيان عن اسم اختى وكلهم يضحكون علي

يقولون عرفنا اسم اختك وساعة اقنعة انه شى عادي شنو يعنى عرفو اسم اختك ------ بس كسر خاطري

 

[غمزه وإبتسامه]

هههههه مووضووعج رووعه واهماا صغاار جذي اليهااال يكبررون يتغيرررون عاادي

 

[fdeet_shosho]

هذا الشي سبحان الله يكون بالصغار مادرى ليش يعنى انا يضحكنى هالشي
مرة اخوي جانى وسالنى قالى شسم رفيجتج بنت جيرانا اللى اخوها فلان وانا على نياتى قلت فلانه قال اى عرفتها هيا وناسه قلت شفيك !!
قال بقولها لاخوها باجر واعلم باسم اخته لانه يعرف اسمج ويقوله جدام ربعى مت من الضحك وقلت عادى خل يقول اسمى فخر لك يقوله هههههههههه واثقة حدى قالى تستهبلين انتى لووول من صجه النتفه يتكلم

 

[ريتااجي]

رد : اسم الام..الزوجه...الاخت

هههههههههههههه

ولدي اسم الله عليه عمره 3 سنوات وولد أختي اسمه نفس اسم ولدي

فولد اختي يناديه فلان فلانة يعني يناديه باسمه مع اسمي ولدي يعصب عليه يقول اليه لا لاتناديني جذي

اسمي فلان ولد فلان وطبعا هواش ولما يصير هالشي جدام ابوه يقول له بابا عادي

بكرة يوم القيامة راح ينادونك باسمك واسم ماما لين اقتنع

 

[الأميرة جوري]

رد : اسم الام..الزوجه...الاخت

صج مادري ليش .,,,,,,,؟؟؟

 

[tmtmt]

مره ريلي مع رفيجه رايحين يسوون بطاقات مادري شن. نسيت
بس شي باسمي ورفيجه باسمه

المهم عاد يوم يه دور ريلي قال اسمي فلانه الفلانيه قام ريلي ماعنده مشكله
رفيجه مسكين يحسبه انحرج
جان يقوله يوم رد ذاك اليوم انا جذي بعد نادوا اسم مرتي ومن هالسوالف

عجبني موقفه معنى ريلي كان عنده عادي
بس عجبني شلون يراعي شعور ربعه

 

[اشتياق]

كل ماتذكر هالموقف امووووووت من الضحك

كنت اطبخ واسمع صراخ ولدي لاخر الشارع
ويايني المطبخ بالغصب يتنفس زهقااااااااااااااااان ميت يناشق صاير ازرق

هديت اللي بيدي وقلت يمه اسم الله عليك من طاقك شفيييييييك؟؟

بالغصب نطق وقالي واهو منهااااااار خخخخخخخخخخخخخخخخخ

قالوا اسمج بالدوانيه عااااااااااااااااااااااااااااااا آآآآآآآآآآآ ويبجي

انا بمسك روحي من الضحك ماقدرت اقوله اهدأ شوي زين من قال اسمي

تخيلوا ولدي كان بو اربع سنين ..! اسم الله عليه

والا اخو رفيجتي ياي ويدري انه ولدي قايله هلا ولد شواقه ولدي انصدم:|

جان اخوي يقوله افاا يالمسخره قالوا اسم امك!

واهو مات مات قوليلي شسوي؟ويبجييييي قلتله روح قوله يا اخو فلانه <

راح ركض يركض ويطيح ويصرخ من بعيد يااخو فلانه خخخخخخخخخخخخخخخخخخخخخخخ

عاد اخوي يقوله خلاص روح يقول لاخوي جب يازوج فلانه <<مصخها الولد تمرد لووووووووووووووووووووووووووول

فديته

 

[سكووون]

ضحكني الموضوع

بس احنا عندنا غير , الاولاد ما ينادون بعضهم إلا ولد فلانة عادي

و لا يفوتكم مابين فترة فترة يرسلون حق بعض اسماءهم و اسماء امهاتهم على البلوتوث أو البرود كاست علشان يذكرون بعض

 

[ماكنتوشه بنفسجيه 12]

رد : اسم الام..الزوجه...الاخت

اعتقد عادي ومافيها شي


سبحان الله وبحمده

سبحان الله العظيم