اسمها روايات .. لكن لا اسلوب ولا حبكه والفاظ ... اتمنى ما تهجمون علي

[مها77]

السلام عليكم ورحمة الله وبركاته

بنات ودي اعلق على الروايات اللي تنكتب بالمنتدى او الروايات الخليجيه الجديده بشكل عام

واتمنى انكم تاخذون كلامي برحابة صدر بدون هجوم
اللي تبي تناقش بعقل ما عندي مشكله:ggdw:

بصراحه انا مريت على جم قصه من اللي بالمنتدى هذا انصدم بالمكتوب

اول شي اللغه اللي تنكتب فيها شي عجيب عاميه حديثه يعني سوالف جديده علينا مو سوالف عاميه اللي متعودين عليها

ثاني شي الروايه عباره عن سوالف سوالف سوالف وتفاصيل تافه

الروايه مو مسلسل او فلم بالتلفزيون يعني مو لازم تحطون حوارات طويله بدون داعي

ثالث شي الالفاظ الهابطه اللي قريتها مايصير تدخل ضمن الروايات يعني السب وطولة اللسان المفروض ما تنكتب حتى لو بغيتي تسوينها واقعيه

رابع شي الاغلاط الاملائيه مصيبه
مستحيل اقرا فقره الا فيها جم بدليه

وخامس شي الحبكه مالت القصه مو موجوده

يعني كل الهدف من القصه ان فلان يحب فلانه وفلانه تحب فلان ثاني لوووووول

حبايبي اللي يبي يكتب روايه مو غلط بالعكس موهبه حلوه لكن يا ليت تتنمى صح

يعني اللي تبي تكتب روايه تقرا اول شي روايات غيرها تشوف الاسلوب تشوف الالفاظ تشوف الحبكه
تقرا روايات الادب المترجم وتقرا روايات كتابنا الخليجيين
صدقوني القرايه بتحسن مستواكم بكل شي وبتشوفون ان كلامي صح
وتقرا اسس كتابة الروايه الادبيه

وتحسن لغتها العربيه والعاميه لان مع الاسف حتى اللغه العاميه مو ضابطينها

انا ما ابي احبط احد لكن والله هذي نصيحه لوجه الله

منو فيكم قرات روايه بنات الرياض
هذي من الروايات اللي ما قدرت اتركها الا لما خلصتها كانت تكتب بالعامي وتذكر تفاصيل بطريقه تخليج تعيشين معاهم وتصدقين انها بنت تكتب ايميلات وترسلهم كانت لها اسلوب عجيب يشدج ما تقدرين تتركيها خلصتها خلال اقل من 24ساعه

اللي قاعد ينكتب مو حلوو وقاعد تضيعون وقت البنات اللي يقرونها بدون فايده

فكري ان اللي تكتبينه يكون مفيد لهم واحتسبي الاجر

:eh_s(17):وهذي ورده للي راح يزعلون من كلامي

 

[بنوتة الامورة]

وعليكم السلام
حبيبتي بغيت اقولج شي ترى موكل الروايات جذي بالعكس في روايات واااايد حلوة وتفيدنا
وفي روااايااات مثل ماقلتي والله انج تستحين تقرينها ومالها هدف كلش بالحياه
ومشكورة على الموضوع و تقبلي مروري

 

[M!s$ GoOnA]

يعطيج الف وستمية عافيه

بالعكس كلامج ما ينزعل منه
كله كان نقد بنااء
يعني ما حسيت انه اسلوب تحبيط بالعكس !!

ان شاء الله استفيد ويستفيدون البناات بعد
انا اعترف ان روايتي الاولى ما كان لها هدف يعني كانت بس دراميه لا غير !
بس احس الروايه الثانيه ان شاء الله لها هدف وحبكه ..

ومشكووره ما قصرتي

 

[ريا&سكينة]

صاجة والله
حسافة قبل كانوا صج اللي يكتبون بهالمنتدى يخلونج تعيدين بروايتهم وماتملين ابد
وبالعكس كلامج عسل

 

[بنت ًَالأدآريهً]

لا والله صاااااااجة بكل حرف قلتيه حتى قبل لا تكتبين هالحجي انا كنت داايما اقوله بيني وبين نفسي لا قريت رواية من روايات البنات حتى مؤة علقت على رواية وحده من البنات قتلها روايتج قمممة بالسطحية وكلها مسخرة وتشوه صورة بنات الكويت اطلعنا جنا بنات شوارع :eh_s(4): يعطيج العافية :eh_s(8):

 

[ρeαrℓ]

اول شي اللغه اللي تنكتب فيها شي عجيب عاميه حديثه يعني سوالف جديده علينا مو سوالف عاميه اللي متعودين عليها

مافهمت قصدج باللغه العاميه الحديثه ياليت توضحين أكثر

...

شوفي حبيبتي الي يكتب بالنت غير عن الي يكتب كتاب يعني روايات النت تكون مثل مسلسل أو فلم .. وهذا الحلو فيها الحوارات .. يعني تختلف تماما عن الكتب .. الكتب تزيد من ثقافتنا وتقوي لغتنا العربيه .. لكن هالروايات تحسين أنج عايشه معاهم بنفس الجو بسوالفهم .. بالنهاية وجهات النظر تختلف .. لكن أنا مثل ما أفضل أقرالي رواية بكتاب هم بعد أحب أني أقرالي رواية أو بمعنى أصح قصة طويلة بالنت .. لانه الكتب تتميز بأشياء .. ورواية النت تتميز بأشياء

...

شكرا على الموضوع .. ​

 

[مها77]

وعليكم السلام
حبيبتي بغيت اقولج شي ترى موكل الروايات جذي بالعكس في روايات واااايد حلوة وتفيدنا
وفي روااايااات مثل ماقلتي والله انج تستحين تقرينها ومالها هدف كلش بالحياه
ومشكورة على الموضوع و تقبلي مروري

حبيبتي صاجه مو كل اللي مكتوب مو حلو

لكن المعظم مستواه كلش مو شي

وانا حددت النقاط اللي المفروض اي كاتبه تنتبه لها علشان توصل للمستوى المطلوب

حبيبتي مشكوره على ردج الراقي

 

[مها77]

يعطيج الف وستمية عافيه

بالعكس كلامج ما ينزعل منه
كله كان نقد بنااء
يعني ما حسيت انه اسلوب تحبيط بالعكس !!

ان شاء الله استفيد ويستفيدون البناات بعد
انا اعترف ان روايتي الاولى ما كان لها هدف يعني كانت بس دراميه لا غير !
بس احس الروايه الثانيه ان شاء الله لها هدف وحبكه ..

ومشكووره ما قصرتي

حبيبتي حلو انج اعترفتي

واكيد روايتج الثانيه بتكون بالمستوى المطلوب

هذا الصح اللي يدور على اغلاطه ويصلحها

بالتوفيق يا قلبي :eh_s(17):

 

[مها77]

لا والله صاااااااجة بكل حرف قلتيه حتى قبل لا تكتبين هالحجي انا كنت داايما اقوله بيني وبين نفسي لا قريت رواية من روايات البنات حتى مؤة علقت على رواية وحده من البنات قتلها روايتج قمممة بالسطحية وكلها مسخرة وتشوه صورة بنات الكويت اطلعنا جنا بنات شوارع :eh_s(4): يعطيج العافية :eh_s(8):

حبيبتي تسلمين :eh_s(7):

 

[Tom ♥ Jerry]

,


وجهه نظر و من حقج تقولينهآ :eh_s(22): !

انا عن نفسي .، وآيد حآبه الروايات الي قاعد تنطرح بالمنتدى
سواء كويتيات و غيره .، اتابع اغلب الروايات الي بـ كويتيات و روايتين بـ موقع ثاني .، :eh_s(17):
بالعكس وآيد وآيد وآيد وآقعيه و تلامس الوآقع (=

حبيت الآسلوب .، لانه وآقعي .،!
و حبيت الـ قصه نفسها و طريقه السرد (=
و كل مآلنآ قاعد نشوووف كتاب آكثر و أكثر .، !
انا وآيد آشجع البنآت آنه يكتبون رواياتهم .، الـ كآتبه " DIVA "
كآنت تكتب بالـ منتدى بعدها صارت كآتبه معروفه بالكويت (= :rerrerek:

يعني قاعد ينمي المواهب .، (= :eh_s(8):
عمومآ .، وآيد بنات آعرفهم مآ يحبون يقرون روايات المنتدى .،
مو بس آنتي .، و الناس آذوآق ؛****


يعطيج العافيه :eh_s(22)::eh_s(17):

 

[لفتة فرس]

رايج سليم ولكن تاكدي بان ما تراينه ليس هو ما يراه غيرك
يعني اذا انتي تشوفين ان الاسلوب والطريقه والحبكه مو موجوده بالروايه
اعتقد انج ظلمتي شريحه كبيره وتكلمتي ع اللي شفتيه
واضم صوتي لاختي ان الكتب غير عن النت الكتب عالم والنت عالم اخر
واعتقد ان راح عن بالج ان بعض الروايات حقيقيه !!!

بالنهايه تشكرين ع ابداء رايج وتقبلي مروري

 

[لفتة فرس]

صاجة والله
حسافة قبل كانوا صج اللي يكتبون بهالمنتدى يخلونج تعيدين بروايتهم وماتملين ابد
وبالعكس كلامج عسل

ردج جذبني وتقبلي ردي بكل احترامي لج
ان كل جيل وله ميوله اللي يتعايش معاها وسط محيط بيئته

 

[ALooy]

اممممممممم يعطيج العافيه على الموضوع والنآس اذواق } . . .​

 

[JBRNI AL-W8T]

مشالله الكاتبات زادو بالقسم , اللهم زيد وبارك وكل وحدة لها اسلوبها الخاص


بس اللي قاعدة اشوفه ان اغلبية الروايات رومانسية ودراما ؟!
ولازم ابطالها يعيشون قصة حب ؟!
بنات انا ماقول لا تكتبون هالنوع من الروايات ... بس ترا حلو التنويع
وانا ماقصد من كلامي انا رواياتكم مو حلوة .. بالعكس وايد روايات عاجبيني وخصوصا بهالمنتدى واستفدت منهم بعد !
بس يعني ماعليكم امر نبي رواية كوميدية, اجتماعية
ملينا من الدراما ملينا من الحب !
بتقولون بنييب شي من الواقع , ييبو شي من الواقع ماقلنا لكم شي
بس يعني مشالله القسم الحين كله روايات يديدة مانلحق نقرا شنو ولا شنو مشالله الله يزيدهم
بس ثلاث ارباعهم يتشابهون لهم نفس القصة بس اللي يختلف اللهم اسامي الشخصيات
وشغلات بسيطة بسيييطة !!

وبس وانشالله كاتبات منتدانا مايزعلون من كلامي :*

 

[:: Diva ::]

للاسف قطعت قرايه من صارت القصص اغلبها تتشابه !

 

[missaloc]

شوفي اختي الروايات الي تنكتب بلانترنت هواايه مو شي جدي مثلا لو انها روايه بتنتشر او كتاب ناخذ هالشي بجد وبنالسبه للقارئ اللي ما تعجبه الروايه محد طاقه على ايده علشان يقراها او يقول اطراءات مو جايه من قلبه وانتوا ما تدرون يمكن وحده من الي تكتب الروايات الي مافيها لا اسلوب ولا حبكه مثل ما تقولون تتحسن مع الوقت وتسير كاتبه مشهورة محد يدري صح والسوالف العاميه الي تقولين عنها انها جديده ومادري شنو لازم تعرفين ان كل جيل وله استايله​

 

[عادت ذكرياتي]

توني يديدة على هالقسم ...


بس إن شاء الله البنات يستفيدون من نصايحج الحلوة

 

[fo0oshey2]

اول شي وجهة نظر ونحترمها =)
بعدين اغلب البنات الي قاعدين يكتبون في بداية طريقهم ,
ولآ تجمعين لآن صج في كاتبات بالمنتدى مبدعين بصرآآحه ,
واغلب الي اتكلمين عنهم يكتبون روايات حقيقيه ونصهم مو كاتبات بس يبون ينقلون القصه
فعشان جذي ماعندهم اسلوب او طريقة للكتابه !
وعن اللغه العاميه مو كلهم قليييل الي مايظبطون اللهجه العاميه !
وكان في كاتبات كانوا يكتبون بالمنتدى وماشالله الحين صاروا معروفين ونزلوا كتب ولآ نصهم بيكتبون مسلسلات !
بس صاجه انه اغلب القصص رومنسيه لان الي يقرون بنات واغلب البنات مايقرون الا رومنسي !
ويعطيج العافيه ‘~​