اسمع صوت امي وابوي بليز :(

[Anchor.]

هااي بنات
انا ابي اقول موضوع انا مو متزوجه بس حطيته بهالقسم لان والله مابي يقرون الموضوع غير بنات كبار وفاهمين
ووايد منحرجه من هالمشكله بس بليز بنات ما ادري شسوي
انا عمري 20 وعلاقتي مع امي وابوي مو وايد قويه
غرفتي يم غرفه امي وابوي
وبليل صوتهم يبين عندي وانتو فاهمين قصدي مو بس سوالفهم تبين حتى شي قوي
انا من بديت افهم احس قمت اشمئز حتى ما قمت ايي اقعد وياهم والله حتى لما ايي ابوي يبي يبوسني احس اني ما اتقبل شي كلش ما احب ما ادري شلون اوصفلكم الشعور
قمت يوم من الايام عندي اختي عمرها 6 سنوات غرفتها ابعد مني قمت نمت عندها ما يبين صوتهم لما قعدت امي سألتني ليش نايمه بغرفه اختج ؟ قلت فرصه جان اقولها " يمه سوالفكم كلها تبين عندي ما اقدر انام يوصل الصوت " قلت جذي عشان تفهم
جان تسكت قمت رديت غرفتي ونفس الحاله صوتهم واضح والله جني قاعده بنفس غرفتهم!!!!!!!!!!!! قامت تلوع جبدي فكرت ابدل غرفتي بغرفه اختي الصغيره بس حرام مابيها تنتبه حق هالاصوات
وما اقدر انام بغرفه اختي دايما لان تكييفها على تكييف اهلي ودايما يخلونه بارد وانا فيني تكسر بالدم ما اقدر عالبرد
شسوي والله قمت اشمئز حيل منهم معنه ادري هذا شي حلال ويصير بين كل المتزوجين بس شسوي !!!!

 

[ice mo0oca]

والله مادري شقولج بس تقدرين تشغلين قران يغطي شوي عالصوت
وانتي يعني ماشاء الله كبيرة وفاهمة

 

[ليلو جبريت]

حطي سماعات
صراحه موضوع محرج وايد

 

[هذاك أول]

صح زي كلام الاخوات اذا دخلوا غرفتهم شغلي قران

احسن حل

او حاولي تنامين قبل بوقت

 

[شاي ونعناع]

انزين خل يخففون صوتهم شدعوا فلم اهو انزين ماعندج اخوان بالله سمعو ا والله فشله يعني امج درت معقوله مانحرجت منج عادي عندها !!!! شي غريب وعجيب يعني امج فهمت منج وكلمتيها شنو عادي والله عيب قلنا اوكي حلال بس شنو عناد تسمعج صوتها بعد اخاف جيرانكم يسمعون معقوله امج الحين لمن كلمتيها ماستحت والله مادري شقولج الا انج تعلين ع صوت التلفزيون بغرفتج ليمن يخلصون شسمه ....... او اهم يحطون مسجله مايبون صوتهم الله يعينج بصراحه شي يحير  *

 

[دلوعه ززوجي]

ياحبيبتي نفس ما قلول البنات حطي مسجل عندج او شي تلهين فيه

 

[ابدا يالغالي مانساك]

مدري شقووووولج
بس انا اقول لاتدخلين بينهم وغلط انج قلتي لامج
ممن متي نتجراء ونقول هالاكلام لامهتنا
المهم تقدرين تشغلين قران كريم
منه ماتسمعين الصوت ومنه يكون يريحج وتنااااامين
وخلي لصوت واطي وربي يوفقج وديري بالج تقولي هالموضوع لاحد غير عن خواتج

 

[المرتاحة]

انا اقول شيلي بس سريرج ووديه دار اختج وباجي الاغراض خليها بدارج

وقصري على المكيف واذا سالتج اختج ليش قولي انا بنام بدارج لانها حلوه وامج اذا سالتج قولي لها نفس ما قلتي لها اول مره.. وخليج جذي

ماكو غير هالحل لعل و عسى

 

[tbola]

ممم والله مادري

 

[є 3 τ и α q]

سدآدة الاذن الحل لك ..
مجرد تحطينها تنقطع كل الاصوات ..

_

ومره مريحه ..
ولا تسمعين اي ازعاج ..


/

طبعآ اذا انتِ من النوع اللي مَ تنامين على صوت
بس اذا تنامين على صوت حطي سورة البقرة وانسي نفسك معهآ ..


_

وبخصوص امك وابوك ..
مفروض انك مَ بينتي لهم انك تسمعين وكذا


احرجتي امك .. والموضوع مَ يستاهل
الله يهديك ..

 

[سفيره الكويت]

وامج ماتعرف تعلي صوت المسجل او تحول الدار ديسكو يمكن لو ديسكو اهون من تسمعين صوت التضحك والتبوس

 

[بنت العقربيه]

على بالي تسمعين صوتهم وهم متوفين بس يوم قريت قلت الله يهديهم مافية الاانهم ينقلون في غرفه اختك الصغيرة هاذا اقوى حل

 

[ليانn]

نفس ماقالو الاخوات شغلي قران اوجيبي مسجل صغير مع السماعات وحطيه في اذنك



واصلا لاتروحين لغرفتك الا اذا جاك النوم عشان ماتسمعين اصواتهم



والاولى انك سترتي عليهم عشان ربي يستر عليك

 

[محتارة وبصيح]

وانتي نايمة حطي موسيقى هادية

 

[شندوخه]

مشكلتج محرجه جداااااااااااااااااااا
بس مالج الا انج تحطين تلفزيون بدارج اذا ماعندج .. ووقت مايطلع صوت طولي التلفزيون بشكل مبالغ فيه خلي امج تسمعه .. عشان تعرف وتحس انه صوتها قاعد يوصلج

 

[*الهنوف*]

مشالله عليج قلبج حي ونظيف
حبيبتي ليش تشمئزين من امج وابوج هذا شرع الله وانتي باجر الله بيرزقج برجال وبيصي نفس هالشغله
لا تنظرين لهم نظره مو زينه هذا حلال وله اجر تدرين عاد ولا ماتدرين انهم ياخذون اجر من وراه

انتي نبهتي امج وامج يمكن مافهمت وعبالها ان صوتها واطي
بس هم انا مستغربه يعني ترا البيوت كلها عوازل الحين والصوت مهما يكون مايسري
يمكن بيتكم كله رخام ونظام سنترال لان السنترال ينقل الصوت بعد والريحه

حبيبتي كرري على امج هالشي
يعني نفس الموقف اللي قبل نامي عند اختج الصغيره وقولي عشان صوتكم واذا قالت شدعوه قولي يمه فهمني
او اطلبي من امج انها تنقلد بدار ابعد واذا سالتج ليش قولي صوتج انتي وابوي عالي بليل

والله يهديج اكثر واكثر وارد اقولج لا تشمئزين من امج وابوج هذا شرع الله حلاااااااااااااااااااااااااااااال

 

[el lulu]

انا ما ادري شلون البنات يقولون عيب تقولين حق امج وماله داعي !!! شلون ماله داعي يعني الام ما انحرجت ولا استحت من بنتها عادي عندها البنت تسمع صوتها مع ابوها مو لي هالدرجه يعني احنا حتن البوس نقول عيب جدام العيال هالمره العمليه بكبرها تنســمع !!!!!!!!!!! احراج وعيب وكل شي له ضوابط واصول

ندري انه حلال و ما غلطو بس الدين (( حياء)) وين الحيا والمستحى بهالامور عيب الام تبيعها جذي ولايهمها عيالها يسمعون ولا يشوفون ولا لأ

ما الومج اذا حسيتي بالاشمئزاز .. ردي كلمي امج حبيبتي بكل ادب وصراحه قولي انج قاعده تسمعين كل شي وتتمنين لو هالشي ما يتكرر لانه يضايقج وعيب.. انتي معاج حق ولازم اهي تنتبه وتتأكد انه صوتهم ما ينسمع

 

[شقرديـه عالطل]

سوي نفس ماقالولج البناااات

 

[- BambeNo -]

طولي ع صوت التلفزيوووون خليهم يعرفون
أو قوليلها مره ثانيه اذا سألتج
الله يهديهم بس مش حلووووه بصراحه ..

 

[freakiya]

نفس كلام الخوات مسجل و عليه او تلفزيون او سداده و كل ما سالتج عطيها نفس الجواب ... واللي تقول عيب احرجتها لي متى جذي
الله يهديهم