اسقاط الفوائد شوفوا ليش هالموضوع وايد مهم

[ملاك ^ الحب]

لافندر

بنكي في سفينه ولون احمر خخخخخخخخ

 

[كشموووشه]

ان شاء الله يطيحون فواااااااااااااااايد القروض هدت حيلنا الفايده اكثر من القرض مو حراااااااااااااااااااااام؟؟؟؟؟؟؟؟؟؟؟ظ

 

[ام الحلوه والمزيون]

وهو مبحث مهم للغاية ، ذلك أن الله تعالى قد لعن آكل الربا وموكله وكاتبه وشاهديه ، كما قال صلى الله عليه وسلم [/u][/u]: ( لعن الله آكل الربا وموكله وكاتبه وشاهديه ) رواه مسلم ، فتناول اللعن كل من له صلة أو علاقة بالربا ، و قال تعالى : { فأذنوا بحرب من الله ورسوله } وقال { يمحق الله الربا ويربي الصدقات } ، فهذا يدل على أن الربا خطره عظيم ، وضرره جسيم .
اتقو الله حرااااااااااااااااااااااااااااااااااااااااااااااام

 

[‏ღLave♥nderღ]

ههههههههههه

ملاك

عيل بحطه بعد بالبلاك ليست

 

[hi555]

يااااااااااااااااااااارب يطيحون الفوايد لان بس والله تعبنا ومليناا

بنات شوفوا البوق انا قرضي 28 الف نصهم علاج وعمليات ونصهم اسدد ديوني المهم مو هذا موضوعنا

الله رزقني ودفعت لهم كاش 3000 دينار وقلت لهم هذا حق القرض بعد فتره رحت لهم قلت جم صار قرضي قالولي

27000 <<<< صدمه لييييييييييييييييييييييييييييش

انا دفعت لكم 3000 يعني لازم يصير قرضي 25000

جان يقولولي اي احنا ناخذ اغلبيه المبلغ حق الفايده والباجي حق اصل القرض

يعني خذوا 2000 حق الفايده وحطوا 1000 حق القرض

ماقول الا حسبي الله ونعم الوكيل فيكم يالبنوك وفي النواب الي ماوافقوا على اسقاط القروض

اختي شنو بنكج؟

 

[يمة يادلبي]

اوكي انا مع اسقاط الفوائدد
بس القروض لا والله ليش يسقطونها ؟
خو الناس بكل الادير عندها قروض وماشوف سوووا الي سوووه الكويتييين ولا ليش ان الحكومة مدلعتكم قمتوا اتمصخونها

خلاص كل واحد يتحمل نتيجـه افعاله والله يوسع عليكم ويعوضكم

 

[!! الواصليّـــــة !!]

لافندر

بنكي في سفينه ولون احمر خخخخخخخخ

انا نفس مُعاناتج بإختلاف البنك

انا بنكي بعير :dddds:

نقول الله كريم ..

 

[taybaa]

انشاء الله تطيح الفوائد

 

[ملاك ^ الحب]

اختي شنو بنكج؟

اختي بنفي سفينه ولون احمر ( ا ل خ ل ي ج )

 

[الكريستال]

ما فهمت
بس فيه شي الناس ما تدري عنه
اللي ياخذ قرض فرضا قسطه كل شهر 300 يروح اغلب المبلغ عالفايدة ويمكن ربع بس يروح للقرض
يعني قرضج 30 الف خلال سنة مثلا تدفين 12x300 = 3600
اللي يروح حق القرض اقل من 750 دينار .. واذا سألتي بالتلفون يقولون لج نص بالنص واذا سالتي بالفرع يقولون لج غير ثابته
وفوق هذا القرض اللي بو 15 سنة كل 5 سنوات يتجدد تلقائي ويصير عليه فايدة يديدة جنه قرض يديد ..

مع اسقاط الفوائد

 

[توته وااااااااو]

الله يعينكم والله حاسين فيكم

 

[دلوعة وبس **]

يارب يطيحون الفوايد ونرتاح من الهم

 

[Čut!e Quèéи]

حسبي الله ونعم الوكيل

اصلا الموضوع كله مسرحيه

بطولة النواب و الحكومه

والجمهور اهو الشعب يا انه يصيح ويبجي او انه يفرح ويصفق

لا راح يصير شراء فوائد ولاهم يحزنون

النواب وافقوا عشان يمثلون علينا دور البطل الشجاع المسكين الي سوا كل الي يقدر عليه لكن القدر كان اكبر منه

النواب ما وافقوا الحين الا لانهم عارفين ان الحكومه رافضه رفض تاااااااااام ماله محال

اتمنى نهاية المسرحيه تكون من صالح الجمهور ويطلع الشعب منها مستانس وفرحان

 

[رووز q8]

الي قريته من الجرايد ان مقترح اسقاط الفوائد احيل للدستور ولازم يوافقون عليه 40 نائب عشان يقرونه ؟ هذا كان امس بس اليوم ماقريت الجريده مادري شصار ، طيب من وين نجيب هالاربعين اذا تقريبا تقريبا عشره سياستهم مع الحكومه ان شئتي شئنا وان ابيتي ابينا يطبقون مثل ..... ؟ وزود عليهم الرباعي اسيل وسلوى ورولا ومعصوومه ؟ اآآخ يادبل كبدي منهن
واساسا الحكومه داريه ان في جم عضو ماراح يوافقون ع هالقرار لاسباب شخصيه مبطنه بسبب اقتصادي ؟؟ انزين الكويت طول عمرها تعطي الي برا وتساعد وتساهم بس لما يكون الشآن خاص فينا احنا عيالها تقول ستوب واقتصاد دوله و و و .. إلخ

اوكي ويين كانت اقتصاديات الدوله لما اندفع للتجار الي اخسروا بوقت الازمه الاقتصاديه مبلغ وقدره .. ملياار وما اشوف احد من المعارضين لاسقاط الفوائد الحين نط وقال هذا اقتصاد دوله وراح نخسر زود على الخساره مع العلم ان الكويت مو ربحانه من هالتجـآر ؟؟؟

اما الي يضحك بالموضوع ان الحكوومه تجاهلت الدين بكل ششي بس يوم وصلوا للفوايد صاروا يتكلمون بالدين وانه حرام ؟ مهو الكويت اغلبها ماشيه بالحرام من ربا ورشاوي وواسطات وفوق القانون وتحت القانون هذا كله مو حرام ؟؟؟

رجـآآءا يآ حكومتنا ياليييت مره بس مره توقفين مع المواطن الكويتي ..!


مابي ادش بالسياسه اكثر لانها تجيب لي الصداع ، بس تعجبني مواضيعج حبيبتي

 

[yam_yam]

حرام عليهم و الله
بدال لا يطيحون قروض العراق و غيرها
يطيحون فلوس هالشعبب
انا اليوم سمعتهم عالوطن يقول اغلب اللي ماخذين قروض 30 % منهم على امور استهلاكيه
مثل سيارة و غيره و كماليات

و شنو يعني لو الولد و لا البنت تخرجت و ابوها ماعنده من وين بتاخذ سيارة ؟؟ اكيد بتاخذ قرض
و اذا الولد بيتزوج بياخذ قرض وبعدين الناس الله اعلم بحالها

ماخذوا الا هم محتاجين و المعيشة غالية حيل

و صدقوني جان الكويتيين اسكتوا بس ماقامت هالسالفه الا عقب ماطيحوا ديون العراق
يعني هالعراقيين و اللي سووه فينا هم و غيرهم من الدول تسلفونهم و تعطونهم و تطيحون قروضهم و احنا جذي حالنا ترا حرااااااااااام

صج انا ماعندي التزامات و قروض بس اشوف حال غيري

و الله يابنات رفيجتي من 2003 ماخذه قرض 28 الف بتقولون لي تفلسف اقولكم لا
شرت سيارة ب 7 الالف و الباقي عطته ابوها يسكر التزاماته و يكملون بنيان بيتهم
مو بس هي حتى خواتها و اخوانها تقول بنفك ضيقة ابوي بعد شنو نسوي ؟


الحين تدرون جم عليها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
19 الف
تدو يوم راحت البنك جان يقولها اي الفايده تتغير كل سنه و احنا ناخذ فادتنا قبل القرض ناخذ له نسبه بسيطه

اوكي تبون تاخذون فايده خلوها ثابته ليش تتغير جذي كل سنه
صراحه شي ينرفز
خلاص فايدتكم 5 الالف مثلا لاتنزل و لا تصعد
لاتسون جذي يالبنوك خافوا الله



شي يقهر بصراحه لازم الحكومه تلقى حل

 

[(( الذهب ))]

طيب انا سمعت ان اللي ماخذ قرض وخلص من دفع الفوايد هم بينزلون من قيمه القرض لان للحين يدفع قرضه وما خلص
؟؟

صج هالحجي ؟؟؟

 

[حنوووونهـ]

يامعووده هي خاربه خاربه ماوره غولا دشتي واسيل ومعصومه وسلوى خير حدي مصدوومه فيهم @@

 

[كشموووشه]

ان شاء الله تطيح الفوايد
مشكوره عالموضوع

 

[girl_in_abottle]

القروض إستحاله تطيح لأنه مافيها إنصاف
شنو ذنب إلي سدد فوايدة عقب ما انكسر ظهرة
شنو ذنب إلي ماشرا بيت

إلي حالتهم حاله اكو شي اسمة صندوق معسرين

و إلي البنوك ناصبة عليهم اكو شي عجيب موجود بالكويت إسمة محكمة قضائية