اسفه لكل حوامل المنتدى..!!

[ملكة الميمة]

السلام عليكم ورحمة الله وبركاته ..


سامحوني اخواتي الحوامل لكن ..


هل لانج حامل غصب لازم نتحملج؟؟


اوكي انا احبج كونج انسانه :eh_s(1): واحب اللي ببطنج كونه بيبي وحبيبي وااااي فديته قبل لا اشووفه

بس حتى انا انسانه ابي حنان


اليوم يتلي زبونه زفتني زف .. احم احم

يمكن قاعده تقرا معاكم الموضوع بعد ..

تخيلوا انا قايله ان معرضي من الساعه 6 ونص لي 10 ونص
حلووو
الساعه 10 انطفى جهازي

لا وطا الحظ عندي خطين ما انطفى الا اللي اهيا تعرفه


وانا ما استوعبت انه مطفي الا لما رحت اشوف الساعه @@
بس قلت الحمدلله الساعه 10 يعني مو معقوله الحين احد بيطلب عنوان المشغل
انا مو حاطه عنوان للمعرض
http://www.q8yat.com/t903072.html

حاطه جذي الموضوع بدون عنوان

افا عليكم حركات

المهم زفتني زف .. وقالتلي بالبدايه كلام ما ينقال بعدين صرت اعتذر وافهمها ان انطفى من غير لا احس ومن هالكلام
لان حبيبتي ما يت المعرض دارت بالعديليه نص ساعه ما تبطل جهازي ومشت ..

وعدتها اني اسويلها خصم اذا يتلي ووعدتها اسوي حق البيبي دراعه اذا طلعت بنت بعد 12 سنه اذا الله احياني لووووووول

المهم ما اطول عليكم


انا اسفه اقولها

وعلى شانها باجر لكل حوامل المنتدى خصم مو طبيعي وفوق هذا





بوسه:krkrkr:


بس خل تسامحني بلييز .. والله مو قصدي اطفي جهازي
بسوي خصم لكل الحوامل اليوم بمعرضي اللي باسيل ستايل

وصج

واقولها اختاري اي دراعه من دراريعي ترضيه .. !!

اسفه لكل حوامل المنتدى

 

[classicyah]

هههه ، يحليلجْ . .

أنآ طموشه بس لفت انتبآهي آلعنوآن

اشوي اشوي عليهآ يآ حوآمل ، ترى هي انسآنه . .

 

[أم الغاليات]

لندن فاشن
الله يوفقج يااااارب ويرزقج
اقول للكروشات خفوو علي المره ههههههههههههه

 

[ام عفاف الكويت]

ياما تصير لنا هالمواقف


الله يعينج ياقلبي

وناسه انا ابي هديه مو خصم

 

[جولينار]

الله يوفقك


ويهدي لك كل الحوامل

بس برايي هذي التجارة لازم تتعرضين لهيك مواقف والله يعينك

 

[خفايا الروح]

ههههههه

الله يعينج ..

تحملينا ما عليه ,, ترى نفسياتنا زيروو .. لا يكون عبالج انا .. لا مو انا .. بس لأني حامل واتنرفز من ادنى شي بس مستحيل اجرح احد .. امسك نفسي واتحمل غصب

 

[غلا-زوجي]

وناسه انا حامل
اي عاد انا ماخذه بخاطري منج مو معقوله يعني موخوش حركه تطفين الجهاز وتقولين بروحه طفااا علينااااااااااا
لالالا ضروري ازورج ونشوف شغلج وناخذ خصمج خخخخخخخ

 

[خيشة شكر@]

ههههههههههههههههههههههههههههههههههههههههههههههههههههه

 

[ReRez]

الله يعيييينج على نفسية الحوامل و مشكوره حبيبتي عالعرض متى بتسوينه و اشكثر مدته؟!!

 

[انوثة من حرير]

اختي لا تخاتين الاعمال بنيات وكل امرا ما نوا بما انج نيتج صافية لا تاخذين حجي الناس اهمية وكل وطريقته بالكلام

 

[بربيره]

حركه ذكيه بصراحه 

شكلج تبينا نزفها بدالج لان قلتي انها زفتج و قالت كلام ما ينقال و مبين من طريقتج انج متنرفزه !! و بعدها قمتي تتاسفين منها و من البنات كلهم و سويتي لهم خصم و اكيد الحين البنات بيستانسون و بتلاقين عندج فريق ينصرج لووول انا اقول ما من جرعة عند الله اعظم من جرعة غيط كظمها ابتغاء مرضاة الله و احنا ما ندري الموضوع شنو و لازم نسمع من الطرفين يمكن صج المره تعبت و انا ما ادري منو هالعضوه ولا اعرفها بس احب اذا صار موضوع يتم بخصوصيته و اذا غلطت عليج الله بيعاقبها مو احنا والله يهدي الجميع بس فعلا حركه ذكيه *

 

[ماحب اتدلع]

ياحليلج هههههههههههههههههههه والله الحوامل طول الوقت معصبين منو قدنا الحين الي مو حامل بتتحمس وبتحمل ههههههههه

 

["*آآآنؤؤؤقهـ*"]

خووووش و الله

الله رزق الحوامل وبيرزقج زبااين

وكلن يخطأ عادي يما صارت وطفت اجهزتنا ونسيناا

بس شكلهااا خخخخخ هالزبونه ميت على شغلج ومن حركه اللي صارتر انقهررررررت خخخخ عااادي

 

[شفايف كرزيه]

الله يوفقج

 

[ice-moon]

صراحه شغلج راقي لي زياره لج

عفوا متى الوقت اللي يناسبج؟

 

[متيمه بهواه]

كلام الاخت بربيره ذوووووق وعاااال العااال في التحلييل
يعني شنو زفتج ومسووويه خصم للكل ههههه

عموما اللله يوفقك ويسعدك ويرزقك. من فضله يارب

 

[رحيل]

هههه الله يعينج علا نفسيه الحامل حبيبتي والله يسامح اللي غلط عليج ماعليه

 

[كويتية222]

حامل والا مو حامل كل وحدة تمسك نفسها شدعوة يعني حامل اطيح بالعالم زف ّ!!

عموما حصل خير