اســـــــــــــــــــــتفـــــــــــــسار ممكن تردون - حلو اكياس جحا

[رموسة الدلوعة]

مساكم ورد وفل وياسمين خواتي
بسألكم عن حلى اسمه أكياس جحا لأني اكلته عند زوجة أخوي ومارضت تعلمني مرة تعطيني المقادير غلط ومرة تقول نسيت واهيا دايم تسويه طبعا اهو عبارة عن عجينة محشية فستق حلبي مفروم وهيل وشكلة مثل الكيس الصغير ومربوط اذا أحد يعرف المقادير يقولي وجزاكم الله ألف خييييييييير

 

[يمــ يمــ!!]

رد: اســـــــــــــــــــــتفـــــــــــــسار ممكن تردون

والله مادري لو اعرف قلتلج ان شاء الله البنات يفيدونج..

 

[أحلى همبه كويتية]

رد: اســـــــــــــــــــــتفـــــــــــــسار ممكن تردون

الله يسامحها ما تعلم الطريقة ؟؟؟؟؟؟؟؟؟؟



اعتقد حلو البقشة

اللي هو عبارة عن عجينة السمبوسة
تقطعينها مربعات شوية كبيرة
ويحشونها مكسرات ويقصون شوية من العجينة على شكل شرايط
يربطون فيه العجينة مثل البقشة

 

[أحلى همبه كويتية]

رد: اســـــــــــــــــــــتفـــــــــــــسار ممكن تردون

البقشة:

تقطعين اوراق الجلاش مربعات وتحطينها بايدج بالنص وتحطين الحشوة وتلمينها وحطي شوي من صمغ "طحين مع الماي" ولفيها بس ديري بالج تتقطع وحطيها بصينية الميني كيكك الصغيرة..

دخليهم الفرن على درجة حرارة 160-180 درجة لمدة 15-25 او لحد ما يتحمرون بلون ذهبي يجنن

..
وأول ما تطلعينهم من الفرن اسقيهم شيرة أو عسل أو دبس عاد انت وذوقج ..


منقول

 

[أحلى همبه كويتية]

رد: اســـــــــــــــــــــتفـــــــــــــسار ممكن تردون

حلى البقشه لان شكله مثل صرة البقشه وسهل والطعم رهيييب خصوصا مع القهوه برمضان امممممم واحلى شي انك تقدرين تسوين منه الكميه اللي تبين وتحفظينها عندك بالفريزر ووقت التقديم مايحتاج الا القلي وبسسسسس

يالله بسم الله نبدا

المقادير
العجينه (علبة قشطه +ملعقة خميرة فوريه +كاس طحين ابيض )

الحشوه(جبنه كيري مقطعه مربعات صغيره يعني اربع ارباع)

شيرة الحلويات الجاهزة او المصنوعه بالبيت

الطريقه
# نعجن المقادير الخاصه بالعجينه مع بعض مع اضافة شوي طحين ان لزم الامر حتى تتماسك العجينه وحسب نوع القشطه لديك....ونتركها بعدها مغطاه لمدة نصف ساعه ترتاح......................صور ه توضح شكل العجينه


#نقسم العجينه الى اقسام حتى تسهل عملية الفرد ...ناخذ كل جزء ونفرده على حده بسماكه لاتزيد عن 2 مل تقريبا لان مانبغى العجينه تصير رقيقه مره ولا سميكه مره توكن سماكتها معقوله.........بعدها نجيب القطاعه الدائريه الخاصه بالعجين او كاس حتى لو عندك ويكون حجمه معقول نفس حجم كاس الشرب العادي ........................وهذي صوره توضح شكل العجين بعد الفرد وحجم القطاعه


#ناخذ كل دائره ونضع فيها من حشوة الكيري بهذا الشكل


# حتى يكون لدينا شكل البقشه نبدا بقفل العجينه من النص بهذا الشكل


#بعدين نقفل الجهه المقابله بهذه الطريقه



# واخيرا نلم الاطراف كلها على بعض ونحاول نزممها قدر المستطاع حتى يتكون لدينا هذا الشكل مع الضغط على منطقة القفل حتى مايفتح معانا وقت القلي ونحنا نقفل نكون مثبتين العجينه على قاعده خشبيه او اي سطح اخر وهكذا حتى تنتهي الكميه اللي عندك كلها.


#ملاحظه (كل مالفيتي كميه قليله وقبل ان تكملي فرد باقي الاجزاء ضعيها في صحن وضعيها في الفريزر حتى تتماسك العجينه سريعا وهكذا مع بقية الاجزاء جزء جزء ) طبعا بعد الانتهاء من الكميه كامله توضع كلها في نفس الصحن وهي جامده تقريبا وتترك لتجمد ساعتين عالاقل او اعمليها قبل بيوم واتركيها بالفريزر ضروري هالخطوه انها تجمد حتى تسهل القلي وتحافظ عالشكل


# عند القلي توضع في زيت عميق ومتوسط الحراره وتقلب بحرص من جميع الجوانب حتى يصير لونها ذهبي فقط ثم نصفيها من الزيت وتترك لتبرد


# نضع الشيره عليها وهي في صحن عادي او عميق ثم توضع كل حبه في الاوراق الخاصه بالتقديم وترص في صينية التقديم او الصحن المخصص وتقدم في نفس الوقت تقريبا (يفضل ماتطول كثير يعني بالكثير قبل التقديم بساعه او بساعتين تكوني قليتيها وخالصه )


منقووول

 

[أحلى همبه كويتية]

رد: اســـــــــــــــــــــتفـــــــــــــسار ممكن تردون

هذي طريقة حلى البقشة ( ونصيحة تجربونهاااااااااا رااح تدمنوهاااا ^_^

2 بيضة + فانيليا
5 ملاعق أكل حليب بودرة
فنجان سكر
1 م أكل خميرة فورية + 1 ملعقة صغيرة باكينج بودر
شوية ملح
1 كأس ماء دافئ
ربع كاس زيت
نصف كأس جبن سائل
4 كاسات دقيق أو لحد مااتتماااسكككككككك

الطريقة /
تعجن جيدا المقادير مع بعضهاااا وتترك حتى تتخمر
تفرد العجينة وتقطع دوائر وتحشى بالجبنة الكيري
ثم تلف و تقفل على شكل بقشة ^_^
تقلى في زيت غزير وحاااار
تقدم بعد إضافة الحليب النستلة عليهاااا
وبالهناااااااء والعااافية ....


ماشاء الله تبارك الله ..





ممكن ترشينه بسكر بودرة بدلا من النستله

 

[أحلى همبه كويتية]

تم تعديل العنوان بواسطتي

من قوانين القسم ان يكون العنوان واضح ومعبر عن محتوى الموضوع

 

[رموسة الدلوعة]

الله يعطيكم ألف عافية الحشوة مو جبن كيري انا أعرف حلى البقشة الحشوة كانت عبارة عن فستق حلبي مفروم ناعم وفيها طعم هيل ومغلي فى الزيت ويتشرب شيرة وأحيانا أشوفها مسويته بطريقة ثانية الفرق انه عليه سكر بودرة والعجينة هشة وبنفس الوقت مقرمشة اللي أبي أعرفه مقادير هذا الحلى لأنه مرة عاجبني وسلامتكم

 

[جارة القمر]

مشكووووره الهمبه


وان شاء الله هذا طلبك

حلى اكياس النقود

:السلام عليكم ورحمة الله وبركاته
سويتي اكلة او طبخه بالعجين وباقي عجينة لا ترمينها سوي فطاير حلوه بالموز
1\ اهم شي العجينة من النوع المتماسك
2\حضري الحشوة( شيرة بنكهة القرفةخليها ة ثقيلة شوي \قطع دائريه من الموز)3\افردي العجينة على شكل مربعات صغيرة وادهنيها بالشيرة وضعي قطعة موز واغلقي العجين على فوق بحيث تصير عندك الزوائد على فوق ويصبح شكله مثل كيس النقود في قصص جحا القديمة للمساعدة استخدمي الصينية الي تكون داخلها قوالب دائريه تعطي اشكال
متناسقة اكثر
4\ادخليها الفرن حتى تنضج ثم حمريها من فوق
5\احرقي سكر حتى يصير لونه بني وزيني على شكل خطوط بسيطة
ملاحظة( غيري نكهة الشيرة بالمربى او غيري الحشوة بالجبن حسب الرغبة)

<<<<<<<<<<<<<<<<<<<<<<<<<<


1_عجينة السبرنغ رول المربعه الوسط الي حجمها تقريبا" شبر في شبر تتركينها تذوب شوي وتقطعينها 4 مربعات وتغطينها اثناء استخدامك له عشان ماتمشف.
2_تمر منزوع النوى,قرفة بودرة
3_اربطه صغيرة سواء مثل الي تكون مربوطه على اكياس التوست او تعملينها من القصدير مثل الخيوط صغار
نبــــــــــــــــــــــــــــ ــــــــــــــــــــــــــــــ ـــــــــــــــــــــــــ داء":
لأشكال الشوكلاته:
ناخذ قطعه صغيرة بحجم حبة الحمص من التمر ونغمسها في القرفة ونشكلها بيضاوي مثل حجم وشكل نوى التمر(فهمتوا وش اقصد؟)ونحطها بمنتصف المربع ونلفها عليه كأنك تفكين حبة شوكلاته يعني نمسكها من اطرافها الأيمن والأيسر ونبرمها بشكل متعاكس فتطلع مثل شكل الشوكلاته ونربط اطرافها بالبلاستك او أربطة القصدير ونحطها بأي صحن من غير مانغطيها (هنا السر...نبيها تجف بنفس الشكل )ونكمل نص الكميه.

لأشكال اكياس النقود:
نفس حركة التمر الي اعلاه بس نخليها مدورة مثل حبة الحمص ونحطها في نص المربع ونجمع اطرافه مثل كيس النقود أو الصرة ونربطها برباط القصدير ونكمل الباقي.

وبعد ماتنتهي الكمية فكي الأربطة بعد ماتكون نشفت وأحتفظت باشكالها واقليها في زيت حتى تصبح ذهبيه فاتحه مرة
ثم غمسيها في شيرة بارده وصفيها منه ورتبيها سيدين واحد اشوكلاته والثاني الاكياس ورشيها بفستق مطحون خشن او جوزهند محمر وقدميها مع القهوه ووالله ماراح تشبعون منها انتي وزوجك لانها تقرمش وخفيفه ةتذوب فالفم مع فنجال قهوه مزعفر بتكيفين صح.

​

منقووووووووووووووووووووول

 

[أحلى همبه كويتية]

حبيبتي اهي نفسها اللي بعجين بف باستري
تقطعينها مربعات
وتسوين حشوتك فستق او مكسرات مع سكر وشوية ماء ورد وهيل وزعفران
وتحشينها وتربطينها مثل البقشة
وتقلينها وبعددين ترشين عليها شيرة


ترا وايد سهلة

 

[رموسة الدلوعة]

مشكورين حبايبي ماقصرتوا اللحين عرفتها