اســتقبال الــــولاده

[Dan Dan 88]

صباااااااااح الخير يا حلوين :eh_s(17)::eh_s(17):

شلوونكم ؟؟ وشلووون كريشاتكم ؟؟


بخصووص استقبال الولاده !!!!
انا بدش السابع ان شاء الله وليلحيين ما سوييييت شي حق الاستقبال:0bee2e8d89:

انا بكريه والصراحه ما اعرررف شنو اسوي وشنو اشتري حق الاستقبال

اللي اعرفه الكفر وشراشف وتكرمون الزباله وبعددد شنو ملحقات الكفررر ؟؟؟

وبالنسبه حق الحلوو وحلو القهوه ؟؟ شلوون يعني حلو المولود بسس ولا لازم فيه حلوو ثاني ؟؟

اعذروني ترا توني يديده بهالسوالف وحدي متوهقه:ssssso:​

 

[ورع البدو]

حبيبتي الله يوفقج يااااارب

لا تخااافين ولا تحاااتين أنتي بمنتدى كويتيات أهل الذوق والسنع


اسمعي وأنا أختج أنا مو متزوجه بس أبعطيج من خبرتي << بررررررررررررررره

جد والله أكلمج أنا خواتي متزوجات وأعرف بسوالف النفاس

أول شيء جهزي أدوية النفاااس هااااااااذي أهم شيء وتعلمي طبخاات النفاس علشان اذا ولدتي بالسلامه تتغذين عدل واذا ما تعرفين أنا عندي رقم وحده تسوي أكلات نفااس وتوصل للبيت بس ماعندي رقمها ألحين
أختي ببيت زوجها اذا جت آخذ الرقم منها


الحلا اللي يجيبونه الضيوف مو انتي ومدري اذا انتوا غير عنا بس احنا اللي يزورونا يجيبون قهوتهم وحلاهم معاهم وأحيانا بس حلا وفطاير وأحيانا يجوون ناس ويقهونج ويجيبون معاهم مرقوق واللي تجيب مفروكه واللي تجيب حسو ...الخ

وبالنسبه للورع اشتريله سرير صغيرووون على قده ونسقي سريره مع سريرج واشتري كفر كشخة وملحقاته
واشتري طقم مطارات وفناجيل وسكاين كشخة وراااقيين وفي ناااس تحب تسووي فناتق يعني مثل استاند حق الورع يكون كاكاو وفي تاجره تبيع بيض على اسم المولود يعني توزيع يكون حلو

وفي تاجرات يبيعون سكر ذررب حق الضيافه في سكر للبنات وفي سكر للولد احجزي السكر قبل ولادتج


واشتري كم طقم دراعة نفااس وشحاطات وملفع قطن وسروال طويييل هذا أهم شيء خخخخخ <<لأن ما يخلي الهوا يدخل أرحامج


امممممممم شنو بعد وبس

أتمنى فدتج

 

[_زينه_]

الحلو انتي اطلبيه مع الفطاير

وككاو خاص للمولود اللي يطلع تعطينه

والكفر اذا من مشغل اخذيه كامل

انا احب يكون مفرش طاوله وجيس بيبي وكفر والقميص وعلبة كلينكس وبس ماله داعي الزباله

ولا تنسين تشترين دويات النفاس

واغراض البيبيواغراضج للمستشفى من الثامن خلج مسكره الجنطه

وبس

واذا تذكرت شي اردلج

 

[Dan Dan 88]

ورع البدوو هههههههه يا حلوج
مشكوووره على الشرح
بس هذا استقابل في بيت اعتقد عدل ؟؟
لان انا بسويه بالمستشفى وافتك مره وحده

 

[Dan Dan 88]

زيوونه حبيبتي مشكوووره
بس جنه فيه حلو قهوه بعد ؟؟
وجم مفرش ؟

 

[رتو الكيوت]

اشتري صواني الحلو الي بتقديمهم

سكاين وفانجايل التقديم

وحددي شنو بتقدمين قهوه جاي عصير ولا كابتشينو !

وشوفي مملحقات كل شي

القهوه وياها حلو
الجاي وياها فطااير ولا بوتفير او موالح ماي لقااح التوزيع السكر شنو الشكل الي تبين توزعين

العصير اوو الاكابتشينو ممكن كب كيك ويااهم

حددي مواعينج عقب بشنو تقدمين روحي السوق اشتري وشوفي الفناتك بالتقديم الجديده من النت

بعدين روحي حددي منين بتجيبين الحلو والموالح والعصاير وجذي

واتفقي وياهم وعربينيهم واتفقي ويا احد يودي الموواعين لهم يعبونها لج

جوكلت التوزيع عااد اختاري وجاهز بالغالب

عقب تفرغي للغرفه

الورد الي بتززينين الغرفه فيها المفرش المبخر المفرش مالج شنو وهاذا كله يعتمد على اي غرفه تبين تولدين فيها ونسقي مواعينج وزينتج وياها


عقب عاد شوفي لج فلبينات تقديم وتوزيع ( اريح لج ولاخواتج ترا الاستقبال ناس داش وناس طالعه مب قاعدين خواتج ويا احد اذا بيقدمون )



واذا تبين تفتكين من كل هل الهم اتصلي ع العمييد تقديميهم روعه اربع ساعات بميه وخمسين وكل شي منهم جاي قهو حلو ومواعين وفلببينتين

وطبعا السعر يغلى كل مازادت قائمتج يعني ميه وخمسين ع قهوه وجاي وماي وفلبيتين وحلو نوعين وفطاير وجاي نكهاات ومبخر وورد تزيين الغرفه ويرتبون الغرفه لج ويكشخونج حتى يحطون لج بديكر مونكير يستشورون شعرج لول



بس ترا جذي ولاجذي انتي خسراانه هالمبلغ فاشتري راحتج :ch12:

 

[om_saleem]

لووووول والله ورع البدو عيوزه اسم الله عليج .. الله يرزقج بولد الحلال الي يسعد بس للاسف هذا مو استقبال هذا النفاس العادي واغلب البدو ماشين عليه بس بيني وبينج اذيه وازعاج كل يوم ضيوف والنفاس فترة راحه ماينفع

انا لما ولدت على ولدي كنت اطرد خواتي من بيت اهلي لوول ماحب الزعاج بس هالمره بولد بشقتي فبيت حمولتي

حبيبتي الله يقومج بالسلامه وتفرحين بشوفة البيبي

انا بعطيج الطريقه الي انا بسويها وكل وحده لها طريقتها بالاستقبال

الكفر و لبسج و جيس البيبي كله طقم واحد او لون واحد طبعا انتي تنسقين مع كل مصمم

القهوه والجاي لازم استكاين وفنايين والمطارات طقم واحد مع صينيتهم

حلو القهوه ضروري كذا نوع لان في ناس تحب المعمول الي يصير فيه تمر ونفس الغربيه وفي الي يحبون الككاو وفي الي يحبون الي يصير فيها شيره مثل البسبوسه

وعصير كذا نوع بعد مثلا برتقال منغو فراوله ليمون

ولاتنسين مكعبات الشكر الي تصير على اشكال وهذي من فناتك الاستقبال مع غرش الصغيره حق ماي اللقاح تتقدم مع الجاي

وميني فطاير مع ساندويج مع ورق العنب طبعا الحبه تكون نص الاصبع

طريقة التوزيع في خدم خاصين حق الاستقبال تاجير يومي

تقدمين اول شي العصير بعدين الجاي مع صحن الفطاير

والناس بطلعتهم يكون بوفيه الحلو والقهوه

والتوزيعات الي تكون علب فيها ككاو خاص باسم المولود

ولاتنسين الورد والتحف الي انتي تزينين فيها الغرفه

وسوي سيرج على الاستقبالات الي صارت حق البنات بالمنتدى استفيدي منهم

وفي ناس وايد تبيع وتسوي هالشغلات من تجار المنتدى مايقصرون معاج واسعارهم مناسبه

هذا كل الي عندي واي استفسار من عنوني *

 

[V!P G!RL]

حبوبه انتي فيج بنت والا ولد انا عندي طقم استقبال يهبل شاريته من مصممه ومسويه كل شي فيه وراقي حده بس بعدني ماولدت تنطريني لاني ابي ابيعه بعد الولاده ان شاء الله

 

[احلام السهارى]

الله يوفقج حبوبه بس حبيت اعرف من vip girl شنو الي عندها فيديني ومنو المصممه؟ بحاجه للمساعدة

 

[أم حمودي**MALL**]

البنات ماقصروا
وبزيد عليهم الكفر من تاجره معانا بالمول اسمها هبسا شغلها عجيب وذرب

 

[Mednight Rain]

صباااااااااح الخير يا حلوين :eh_s(17)::eh_s(17):​

شلوونكم ؟؟ وشلووون كريشاتكم ؟؟​

بخصووص استقبال الولاده !!!!
انا بدش السابع ان شاء الله وليلحيين ما سوييييت شي حق الاستقبال:0bee2e8d89:​

انا بكريه والصراحه ما اعرررف شنو اسوي وشنو اشتري حق الاستقبال ​

اللي اعرفه الكفر وشراشف وتكرمون الزباله وبعددد شنو ملحقات الكفررر ؟؟؟

الكفر وكيس البيبي وقميص الاستقبال مع مداس
اذا بتسوين الاستقبال ف المستشفى انا اشوف ماله داعي المفارش .
وحددي أول المكان اللي بتولدين فيه ، شوفي جم طاولة فيه وشنو ناقصة عشان تعرفين عدد بوكيهات الورد .​

وبالنسبه حق الحلوو وحلو القهوه ؟؟ شلوون يعني حلو المولود بسس ولا لازم فيه حلوو ثاني ؟؟

في حل القهوة > الضيوف واهما طالعين يمرون يشربون فنجان مع خلو قهوه ونوعي
حسبي حساب الكبار ( غريبه ) والصغار ( شوكلت )

وفي توزيعات استاند عند الباب في كاكاو مغلف اهما طالعين يمون ياخذون ( اختياري ) .
​

اعذروني ترا توني يديده بهالسوالف وحدي متوهقه:ssssso:​

استقبال المستشفى اريح ..

يبيلج بعد ..

استكانات وفناجيل ومواعين حلو وفطاير وقلاصات ماي وعصير وسكر وورد

والله يسهل علينا ولاداتنا ويقومنا بالسلامة:yaaaaaarb:

 

[ام خدود ورديه]

وي انتي نفس حالتي انا سمعت عن واحد يصمم الكفر مع اللي تبينه اللي اهوا مفارش وتكرمين جيس الزباله وجيس البيبي ونفنوف النفاس اتوقع
واخذيلج صواني حلوه حق التقديم جهزيهم وككاو حق اللي يزورونج ياخذونه قبل لايطلعون وبس ترى سهالات بس اهم شي الكفر وصواني الحلو
الورد اخذي بوكيه ورد ينحط عالطاوله يكون ناعم لاتخبين عمرج وايد عشان مايصير اوفر

اللي عندها طقم استقبال بليز بشوف عالخاص ضرووري

 

[كويتيه مذهله 87]

الله يسهل عليج يارب البنات مااقصروا
بس لا تسوين شي اووفر تري العين حق

 

[Dan Dan 88]

اشتري صواني الحلو الي بتقديمهم

سكاين وفانجايل التقديم

وحددي شنو بتقدمين قهوه جاي عصير ولا كابتشينو !

وشوفي مملحقات كل شي

القهوه وياها حلو
الجاي وياها فطااير ولا بوتفير او موالح ماي لقااح التوزيع السكر شنو الشكل الي تبين توزعين

العصير اوو الاكابتشينو ممكن كب كيك ويااهم

حددي مواعينج عقب بشنو تقدمين روحي السوق اشتري وشوفي الفناتك بالتقديم الجديده من النت

بعدين روحي حددي منين بتجيبين الحلو والموالح والعصاير وجذي

واتفقي وياهم وعربينيهم واتفقي ويا احد يودي الموواعين لهم يعبونها لج

جوكلت التوزيع عااد اختاري وجاهز بالغالب

عقب تفرغي للغرفه

الورد الي بتززينين الغرفه فيها المفرش المبخر المفرش مالج شنو وهاذا كله يعتمد على اي غرفه تبين تولدين فيها ونسقي مواعينج وزينتج وياها


عقب عاد شوفي لج فلبينات تقديم وتوزيع ( اريح لج ولاخواتج ترا الاستقبال ناس داش وناس طالعه مب قاعدين خواتج ويا احد اذا بيقدمون )



واذا تبين تفتكين من كل هل الهم اتصلي ع العمييد تقديميهم روعه اربع ساعات بميه وخمسين وكل شي منهم جاي قهو حلو ومواعين وفلببينتين

وطبعا السعر يغلى كل مازادت قائمتج يعني ميه وخمسين ع قهوه وجاي وماي وفلبيتين وحلو نوعين وفطاير وجاي نكهاات ومبخر وورد تزيين الغرفه ويرتبون الغرفه لج ويكشخونج حتى يحطون لج بديكر مونكير يستشورون شعرج لول



بس ترا جذي ولاجذي انتي خسراانه هالمبلغ فاشتري راحتج :ch12:

مشكووووره يا قلبي ما قصرتي شكلج دختي هههه
بس العميد الحلو مالهم حلو ؟؟ ههههه الجمله غلط بس عاد فهميها

 

[Dan Dan 88]

لووووول والله ورع البدو عيوزه اسم الله عليج .. الله يرزقج بولد الحلال الي يسعد بس للاسف هذا مو استقبال هذا النفاس العادي واغلب البدو ماشين عليه بس بيني وبينج اذيه وازعاج كل يوم ضيوف والنفاس فترة راحه ماينفع

انا لما ولدت على ولدي كنت اطرد خواتي من بيت اهلي لوول ماحب الزعاج بس هالمره بولد بشقتي فبيت حمولتي

حبيبتي الله يقومج بالسلامه وتفرحين بشوفة البيبي

انا بعطيج الطريقه الي انا بسويها وكل وحده لها طريقتها بالاستقبال

الكفر و لبسج و جيس البيبي كله طقم واحد او لون واحد طبعا انتي تنسقين مع كل مصمم

القهوه والجاي لازم استكاين وفنايين والمطارات طقم واحد مع صينيتهم

حلو القهوه ضروري كذا نوع لان في ناس تحب المعمول الي يصير فيه تمر ونفس الغربيه وفي الي يحبون الككاو وفي الي يحبون الي يصير فيها شيره مثل البسبوسه

وعصير كذا نوع بعد مثلا برتقال منغو فراوله ليمون

ولاتنسين مكعبات الشكر الي تصير على اشكال وهذي من فناتك الاستقبال مع غرش الصغيره حق ماي اللقاح تتقدم مع الجاي

وميني فطاير مع ساندويج مع ورق العنب طبعا الحبه تكون نص الاصبع

طريقة التوزيع في خدم خاصين حق الاستقبال تاجير يومي

تقدمين اول شي العصير بعدين الجاي مع صحن الفطاير

والناس بطلعتهم يكون بوفيه الحلو والقهوه

والتوزيعات الي تكون علب فيها ككاو خاص باسم المولود

ولاتنسين الورد والتحف الي انتي تزينين فيها الغرفه

وسوي سيرج على الاستقبالات الي صارت حق البنات بالمنتدى استفيدي منهم

وفي ناس وايد تبيع وتسوي هالشغلات من تجار المنتدى مايقصرون معاج واسعارهم مناسبه

هذا كل الي عندي واي استفسار من عنوني *

ثانكسسسسس حبي
صج الاستقبال لويه
بس ما ودي اسويه خبه مع انه اول بيبي لي بس كل ما كان انعم كل ما كان احلى

ومشكوووره مره ثانيه :eh_s(17):

 

[Dan Dan 88]

حبوبه انتي فيج بنت والا ولد انا عندي طقم استقبال يهبل شاريته من مصممه ومسويه كل شي فيه وراقي حده بس بعدني ماولدت تنطريني لاني ابي ابيعه بعد الولاده ان شاء الله

حبيبتي فيني ولد

 

[Dan Dan 88]

البنات ماقصروا
وبزيد عليهم الكفر من تاجره معانا بالمول اسمها هبسا شغلها عجيب وذرب

شلون احصلهااا ؟؟ اذا عندج رقمهااا عطيني اياه ولا عليج امر

 

[Dan Dan 88]

استقبال المستشفى اريح ..

يبيلج بعد ..

استكانات وفناجيل ومواعين حلو وفطاير وقلاصات ماي وعصير وسكر وورد

والله يسهل علينا ولاداتنا ويقومنا بالسلامة:yaaaaaarb:

من صجج بدووون كلام اصلا اكييييييد مستشفى وين لي خلق بعدين اقعد ازهب حق استقبال وعندي ياهل
اسويه بالمسشتفى وافتك

 

[Dan Dan 88]

وي انتي نفس حالتي انا سمعت عن واحد يصمم الكفر مع اللي تبينه اللي اهوا مفارش وتكرمين جيس الزباله وجيس البيبي ونفنوف النفاس اتوقع
واخذيلج صواني حلوه حق التقديم جهزيهم وككاو حق اللي يزورونج ياخذونه قبل لايطلعون وبس ترى سهالات بس اهم شي الكفر وصواني الحلو
الورد اخذي بوكيه ورد ينحط عالطاوله يكون ناعم لاتخبين عمرج وايد عشان مايصير اوفر

اللي عندها طقم استقبال بليز بشوف عالخاص ضرووري

مشكوووره حبيبتي
اصلا انا ما احب الاوفر كل شي ابيه بسيط

 

[Dan Dan 88]

الله يسهل عليج يارب البنات مااقصروا
بس لا تسوين شي اووفر تري العين حق

مشكووره يا قلبي علي النصيحه
اكييد مو اوفر وفعلا عيون الناس ما ترحم
والله يسهل ان شاء الله