اسـتــشــاره مادية بخصوص المصروف

[اخلاقي تكفيني]

السلام عليكم بنات ..
بقولكم السالفه و انتوا قولولي شسوي
انا يريلي يعطيني كل شهر 200 دينار
بس اخر فتره قال لي انا ما عندي فلوس وراح اقط فلوس عالشقه
قال بعطيج 100

بنات اشرايكم ؟
انا خايفه مع الايام يقول ماراح اعطيج حتى ال100
ابيه يفهم انه مابي يقلل المصروف
لانه احنا قاعدين انجهز الشقه شوي شوي
ولا انا غلطانه و شي طبيعي اللي قاله و المفروض اوقف مع ريلي و اوافق ؟
وبس
:eh_s(8):

 

[ضــمــاد]

عليكم السلام ورحمة الله وبركاته

لا توافقين .. كلميه بهدوء وثقه

قولي له

حبيبي حيل حيل حيل صعبه الـ 200 يالله تكفيني .. ( لاتعطينه أمل )

أنا متزوجه ولي أحتياجات خاصـه هذا غير الامور الثانيه

فالـ 200 يالله تكفيني لآخر الشهر ,,

وأنا (واثقه) أن أنت ( قدها ) ( عشان يستحي وما يعيد هالكلام )



:::


لما قلت لج لاتوافقين .. ترى مو لعانه ونحاسه


لكن لو عطاج الـ 100 .. ومشيتي أمورج .. ومع الوقت اذا خلصتوا من تجهيز الشقه


راح يعتقد أن 100 تكفيج ..


فعشان جذي من البدايه قولي لا ..


وبيني وبينج .. اذا الشقه يديد ومافيها شي .. أبتدوا بالامور الاساسيه


مثلا ً بغرفة النوم واذا مايقدر ياخذها كامله .. اخذو الامور الاساسيه بغرفة النوم


وبعدين المطبخ .. اخذو مايكروويف وثلاجه وجوله صغيره .. طبعا ً شوي شوي


فاهمه قصدي ..



وبالنهايه هذا رايي ..



والله يوفقكم ويرزقكم من حيث لا تحتسبون ​

 

[ام دليار]

طبعا لزم ترضي وافقي على ١٠٠
لكن بين فترا وثانية ذكريه انك بتحرمي نفسك من شغلات بس مستحملة مشان البيت
حتى يحس انك وقفتي معو
لا تنسي انو هذا راح يكون بيتك

 

[PuPa^^SWeeT]

مادري والله



اذا ما يقدر بعد لازم ترحمينه

 

[بقلبي انت]

قوليله انا برضي بال100 الحين لكن لخلصنا تجهيزات الشقه الجديده تردلي ال200

يعني خلج مرنه معاه ولا تعاندين وبيني وبينج انتوا بتأثثون شقه يعني محتاجين كل دينار
صبري لين تخلصون وبعدين قوليله يردلج ال200 مصروف

 

[Alias]

علي حسب مصروفاتج

 

[ديانا سبنسر]

اب اب

 

[رنيم الروح]

حبيبتي قدري وضعه يمكن فعلا كلامه صحيح وبعدين معقوله كل شهر اطيرين كل مصروفك وكل شهر تشترين ومايبقى منه شي لا تزعلين وجهة نظر
بس انتي ادرى بظروف زوجك وبظروفك بيني له انه بس هالفتره عشان الشقه بعد ماتخلص الشقه يعطي مصروفك مثل قبل وماينقصه

 

[وردة وطني]

قدريه وقولي له شورك وهداية الله بس هاه بضغط ع عمري ترئ انا لي احتيجاتي الخاصه يعني بس نخلص من هالزنقه ترجع لي ميتين دينار
لا ني تخبر كل شوي احب اجدد بنفسي ولبسي وعطوراتي حبيبي كله ترى عشانك
يعني اخذيه من الايد اللي تعوره وباسلوب وخليه يقتنع بكلامج وبالتوفيق وانتي بعد حاولي ماتظغطين عليه

 

[مذهــلــه]

على حسب معاشه وظروفه

لاتضغطين عليه اذا حسيتيه صاج وحالته ماتسمح

بس قوليله اذا استجد اي شي راح اطلب منك

يعني صار عندكم عزيمه واضطريتي تصرفين أو صار اي التزام وواجب طلبي منه مو عال 100

اذا انتو نفرين بالبيت احس تكفيكم ال 100 حده حده

 

[مشتطـه]

الله يعينج
مرة كنا نيمع للسفره جدامنا 3 شهور بس
وانا مو موظفة

ف قالي بعطيج 200

تعذبت شتسوي ال 200 !!!!
بصراحه شوية

وغلى فكرة المطاعم والطلعات عليه

ماكفتني

يعنيي 100 ماتسوي شي كلش
عسى مااتييج مناسه الا راحت بيوم واحد

 

[_زينه_]

قدري ظروفه فتره و تعدي

 

[Tom ♥ Jerry]

,

ما تشتغلين ؟!
و لا لج اعانه أو اي مصروف ثاني ؟؟

حاولي دام ريلج له ظروفه هالفتره
مسكي نفسج من ناحيه الفلوس لا تصرفين
عشان الـ 100 تكفيج
و ان شاء الله بس تتعدل الاوضاع يرد مصروفج 200

 

[اخلاقي تكفيني]

يزاكم الله خير ... مشكورين عالرد

 

[mi corazon]

عينيه والله بيعينج

 

[BiiShOoO]

ضبطي وضعج بال 100

بس اذا خلصتوا من الشقه و تعدلت اوضاعكم انا اتوقع راح يردها مثل ماكانت

 

[عسل مرت قيمر]

تشتغلين او تنزلج اعانه او شي !!


اذا لا قوليله اوكي بس لما تتعدل اوضاعنا بشقه ترد تعطيتي ٢٠٠ بس طبعا بسلوب  مو جذي

 

[om MaRyooM]

اختي باختصار

كل وحدة أدرى بزوجها وظروفه المادية

وهال200 اللي بيعطيج ياها صج شوية .. بس على حسب !
يعني كل ماتطلعين انتي تشترين شي واهو مايدفع ! تفرق السالفة عرفتي




ممكن بطريقة لطيفة تقوليله اوكي اهم شي شقتنا وجذي
بعد مرور شهر قوليله حبيبي كلش ماتكفي هال100 حتى ال200 ماتكفي

وبعدين انتي ادرى بمعاش زوجج وظروفه
مانقدر نحكم عنج

 

[عروس فبراير]

عادي قدريه ,,

 

[أم يزيد &سديم&]

حبيبتي صبري عشان شقتكم بإدين ردي على الميتين هذا رايي