اسعار مراجعات اطباء النسا

[شذى العطور101]

السلام عليكم ورحمة الله وبركاته

خواتي الكريمات .... حبيت افيدكم بالنسبه لاسعار المراجعات عند اطباء النساء

بصراحه انا انصدمت من الدكاتره اللي بالجهرا والدكاتره الكويتيين
المراجعه 20 دينار ..... تسوين سونار 20 دينار
والمصيبه مرات دكاتره فاشلين وبعضهم مو استشاري


اللي خلاني اقول هالكلام اني تعبت وقالولي استشيري د محمد صلاح بمستشفى السلام لانه احسن استشاري بالكويت
انا قلت الحين اسعاره نار وتلاقينه طاير من غرفه لغرفه بين المراجعات مثل بعض الدكتورات اللي تتحسفين تدشين عليها كل همها الفلوس

المهم طلع الدكتور ياخذ سعر المراجعه مع السونار 20 دينار بس ويقعد ويسولف ويسأل ليما تخلصين كل اللي تبين

نصيحه خلوا الدكاتره التجاريين يولون وشوفوا ناس تخاف الله

 

[sosowaty]

يزاج الله خير

 

[ليمونة وزيتونه]

اي هذا روعه سوي لي منظار حق التكيس زف دكتورتي
خلتني ابلغ من هالادويه لين صرت هالمتن هو شاف سوناري قال هذي
هطول عمليه

 

[غرام القمة]

شنو نسوي ماتدرين منو صاج ومنو جذاب
وندفع هالفلوس وما نستفيد شي

 

[Q 8 Y A t]

واذا قلت لج دكتورتي
فتح ملف ٣ دنانير
سونار ١٠
استشارة دينارين


شتقولين؟؟؟




كل مرة اطلع منها ١٢ دينار استشارة وسونار




هي بالفروانية بالعربيد بلازا فوق


جميلة العبدالسلام واختتها يسرا

اذا تبين رقمها. ارسلي لي بالخاص لاني انسى مواضيعي

 

[ام فواازي]

انا راجعت عند الافغاني بالمواساه مراجعه 20 وسونار 13 يطلع كله 33 دك
ورحت عند محسن بالامومه فتح ملف دينارين مراجعه مع سونار 25 دك
عاليه الفضلي جنه 35 او 40 او 45 ناسيه والله جم بالضبط
هذول اللي راجعت عندهم بولاداتي وحمايلي كلها

 

[كل دنيتي امي@]

سبحان الله وبحمدهـ

 

[kuwaitiya_84]

اصلا احس صارت تجاره الخاص انا بس علي بجري كنت اراجع بالهادي لين التاسع وقت الولاده رحت دار الشفا وعلي حمالي الثاني راجعت مستوصف رميثيه التخصصي اقولكم ماصدقت رعايه واهتمام وتحاليل وسوت لي سونار اول شهر تتاكد انه الحمل سليم ومراجعتي كل شهر وتشوف الوزن والزلال وكل شي وتعطيني اودويه نفس الخاص ولا اروع وحتي بالسونار عالوقت الي اهي تحدده مثلا الاسبوع العاشر غصبن عليهم يحطونج مايقولون لا فل علي مواعيدها وولدت بالصباح والحين حمالي الثالث هم اراجع عندها وانشالله الولاده السيف لاني عندي خصم الداخليه ويم بيتنا والمستشفيات الخاصه صارت تجاره ما اروح الا ولاده ونصيحه راجعوا حكومه وايد احسن

 

[قلب راشد]

والله الحكومة حلوو علاجهم بس مواعيدهم طواله

انا رحت كذا مره وكل مره تقول بندور ملفج القديم وحددي موعد ما تقدرين تدخلين بدون موعد

وانا كنت تعبانه

والخاص ما في الا السونار ولا علاجهم عادي وغالي يعني المواساة 33 استشارة وسونار وطيبه احسن د. منى 20 الاستشارة والسونار

 

[kuwaitiya_84]

انا بالحكومه حبيبتي و مواعيدج الدكتوره تحدده مو السكرتاريه نفس الخاص تعطيج تاريخ معين بعد شهر بكل مراجعه الحكومه نفس الشي بس بالتاسع مل اسبوعين والسونار لايغركم المكان اهم شي الدكتووور اذا ماكان شاطر ماينفع لا حكومه ولا خاص

 

[@ام يوسف@]

اااااااااااااااااااب

 

[كلاسيكال]

0انا كنت اراجع عند ناهده العلي سونار 20 ومراجعه 15 ، زوينه ،،، مراجعتها كل شهررر وولادتها من 250 لي 280

الحمد لله اقط الفلوس وانا مرتاحه وتستاهل صراحه

 

[ام فوااز]

فعلا الدكاتره صاروا تجاريين الله يهديهم
بس شنسوي حاجتنا عندهم والله يكون بالعون مضطرين نراجع عندهم انا بالمراجعات اقط ٤٠ و ٥٠

 

[*kim*]

والله تراجعين مع سونار وعلاج قاطه لج 50 دينار

 

[شذى العطور101]

اللي تراجع بالحكومه يمكن مستوصفاتكم فيها دكاتره زينين لكن بالجهرا وبعض المناطق اللي يعتبرونهم مو من اهل الديره الله يكون بعونهم
عندنا هنديات حاشاكم ........... ماتدري وين ربي حاشرها
وما ألوم الجهراويات اذا راجعوا خاص
بس الحرام انها تحدر لحولي والسالميه لدكاتره تجاريين
انا قلت اوصلكم هالمعلومه اللي حابه تراجع عند دكتور زين
والسلام فيه د محمد صلاح ومعاه دكاتره يهبلون
واللي تبي دكتوره زوجته معاه بالمستشفى ويمدحونها حيل المراجعات

والله يهون على كل حامل

 

[أبله هنوف]

أنا أراجع عند فوزية القطان مراجعه وسونار ٣٥
طبعاً من غير تحاليل ومسحات من الرحم
ولادتها زادتها هالسنه صارت ٣٥٠
إلعام مولده أختي ٢٥٠
بس اشدعوا ازيادة ١٠٠ مره وحده

 

[ام الحلوااات]

ااااااااااااااااب

 

[بيت التوت]

كثر ماقلت الحكومه احلا واحسن واريح و أوفر يمكن حفظوني البنات اللي بالقسم

سونارهم اينن وواضح وتوريج كل شي بالبيبي وتتناقش معاج وتنصحج انا مع اني مو بجريه
بس تنصحني دكتورتي وتاخذ وتعطي معاي اذكر مرا الكاتبات مادورو نتيجة تحليلي
عدل عصبت عليهم وماعجبها الوضع وقالت روحي اشتكي
وصج رحت اشتكيت وراح مدير المستوصف بنفسه ودورهم لي وطلع النتيجه
وراجعة بعد الموقف هذا مرتين ثالث مراجعه لقيت الكاتبات متغيرات اعترف
ان الشي السيئ بمستوصفنا الكاتبات
والمستوصف فااااااااااضي اروح اراجع وأرد بسرعه ونااااااااااااسه

 

[e7nayyeena]

شجعتوني عالحكومه

ان شاءالله اذا حملت راح اروح حكوممه

يس شلون ... وين اروح بالمستوصف في....؟؟؟؟؟

 

[زين ودلال]

انا من بجري بالحياة كلينك (فوزيه القطان)

ابجري كانت المراجعه والسونار ٣٢ والولاده ٢٥٠ سنة ٢٠١٠

وبولدي تقريبا شهر ١ زادوا اسعارهم

صارت المراجعه والسونار ٣٥ والولاده خذت مني ٣٠٠

وماقالولنا ان زادت سعرها حق الولاده!! يعني بالله مو عادين حسابنا!!!! ماعجبتني هالحركه