اسعار الهامستر

[أمواج البحر]

مشكوووووووره دلوعه والله وااايد فدتينا

انزين نشارة الخشب من وين ؟ هم من سوق الحمام؟ ماكو شي قريب والا اذا رحت اشتري كيمة مره وحده عشان وقت التنظيف >>>>> قلت لكم انا بلشه و ما انعطي ويه

 

[daloo3ah]

هههههههههههههههه لا عادي اخذي رااااحتج والله بالعكس ..

والله مادري امواج انا عن المحلات الخاصه اذا في قريب ولالا .. انا دايما شغلي الي ابيه اخذه من سوق الحمام .. ورخيص ترا النشاره من هناااك وكل شي ارخص هناك
المحلات الخاصه يعطون بسعر دبل .. انشالله البنات يفيدونج

 

[daloo3ah]

حبيبتي توني سألت لج .. عن المحل الي يم مكتبه جرير ..
داخل حولي بارك .. قبل مدخل مكتبه جرير في محل حيوانات .. انا سمعت من البنات اهني بالمنتدى جنه بهالموضوع او الثاني .. قالو انه يبيع هامسترز .. انا ما شفت عنده لما رحت بس انا من زمان رايحه الظاهر الحين ياب

دام انه يقولون يبيع هامسترز اكيد عنده نشاره وقفص وهالاشياء

 

[قطوه ورديه]

فراشه الله يبارك فيج
دلوعه بومبي وايت يخلونج تمسكينهم ولالا
انا الانثى بالغصب امسكها
وماترضا والذكر ماقدر عليه
شكله بطلع لي قرون لووووول
بنات مشكورين على المعلومات
ويعطيكم العافيه
امواج يلا متى تشترين ؟؟؟

 

[أمواج البحر]

بعد عمري دلوعه تعبتج معاي

قطوه ان شاء الله بالويك اند بشتري ^_^

 

[daloo3ah]

امواج بالويك انك قالت بتروح ..

اي بس ساعات ما يرضون .. اذا تبين تحطينهم بيدج .. اول شي نطري عليهم وكل يوم روحيلهم وجابليهم وعطيهم الاكل الي يحبونه >> انا بالنسبه لي يموتون على حب الشمسي .. الي عندي حيل كبير فا اقشره واعطيهم .. قامو يعرفوني من اصفر لهم يعني يايبه لهم حب شمسي .. ومن جذي قمت اخذهم شوي بيدي واحط بيدي حب شمسي ويقعدون ياكلونه ..

ااهوه الهامستر طبيعته حيوان حيل نشيط حررركي .. وبسرعه يخاااف يعني تلاقينه من تبين تمسكينه يركض ينحاش وينخش بمكان ما يشوفج فيه ..

انتي حاولي تقربين منه عطيه اكل وشوي شوي انشالله يتعود عليج .. واذا تبين تشيلينه سوي ايدج مثل صحن .. علشان لا يطيح ومثل ما قتلج لا ترتفعين وايد لان بينحاش منج ويطيح

وان احتجتي اي شي قولي لا تستحين

 

[daloo3ah]

الهامستر الذي قليلا ما يحمل باليد (و تشمل الهامسترز بمتاجر الحيوانات) و هم يلجؤون للعض بكثرة عندما يُلتقطون باليد ، و هنا يجب التأكد أن الهامستر يلجأ للعض لأنه خائف ، لسوء الحظ هم يرون الإنسان انه "تهديد" لهم؛ لذلك هو فقط يدافع عن نفسه بالعض .

عند اقتنائك حيوان الهامستر ، فإن المفتاح الذهبي لحمل الهامستر باليد هو الصبر ، عليك أن تكسب ثقة الهامستر، و هي بخطوات تدريجية .. و هذه الخطوات تستمر إلى شهر للفوز بثقة الهامستر .

الخطوات

(1) أجعل هامسترك قريب منك .
اقض بعض الوقت بجانب قفص الهامستر ، تكلم معه بصوت هادئ ، و دعه يتعرف عليك و هو يتعرف على الإنسان من الرائحة و الصوت ، لأنه يتمتع بحاسة شم قويه من صغره .
تذكر : عند نقل الهامستر إلى قفص آخر يعمل للهامستر نوعا من الإجهاد و الضغط النفسي ، هي هذه الحالة لا تحاول لمس الهامستر .

(2) اجعل الهامستر قريب من يديك :
الآن عندما تجلس بقرب قفص الهامستر و تلاطفه بكلام هادئ و مناداته باسمه ، ضع يدك على حافة القفص و عند الأبواب ، ستلاحظ خوف الهامستر و ابتعاده و هنا حرك يدك (ببطء شديد) تجاه الهامستر ليحاول الشم و يتعرف عليك .
الهامستر حيوان فضولي جدا ، في الغالب سوق يتقدم هو إلى يدك و يجب عليك ان تدعه يشتم و يستكشف ، و أن يتعلم أن اليد آمنة و غير مؤذيه .

(3) المرح مع الهامستر :
في غضون الوقت ، ربما عرفت الطعام المحبب للهامستر ، تستطيع الآن أن تبدأ ترويض الهامستر ، و إعطائه الطعام بيدك ، لتكسب مزيدا من ثقة الهامستر .

(4) التقاط و حمل الهامستر :
إذا بدا أن الهامستر يقبل أن تلمسه --> هنا حاول التقاطه و حمله (بكلا اليدين) إذا شعرت بأنه متردد ، أعطه بعض الطعام .
ملاحظة : التقاط الهامستر يجب أن يكون قريب من مستوى الأرض لتفادي قفزه و سقوطه من علو مرتفع و لتجنب إصابة الهامستر بأذى .

وبتطبيق هذه الخطوات تبعث في نفس الهامستر الراحه و الطمأنينة و كسب ثقة الهامستر .


منقول

 

[قطوه ورديه]

مشكوره حبيبتي
بنات من اشوي شفت الانثى
اتطارد الذكر ويطلعون اصوات
وعقبها يلعبون مع بعض
ويتكرر الموقف افرقهم ولا شنو
ولقيتهم خاشين اكل
بالنفق

 

[daloo3ah]

عادي حبيبتي اهمه عادتهم دايما يخششون اكل بخدودهم واذا حسو بأمان وهدوء حطو الاكل بالمكان الي يرتاحوله .. بس لا تشيلين الاكل من الاماكن الي يحطونها بعدين بيحسون المكان يديد عليهم وماراح يرتاحون ..

و اذا اهمه من النوع السوري .. فصليهم لان السوري انطوائي ما يعيش بجماعات .. اما الروسي اجتماعي وعكس السوري مايحب يعيش بروحه وتقدرين تحطين معاه كذا واحد ..
لا تحاتين يمكن يلعبون .. انا الي عندي لما ينامون اسمع صوت واحد فيهم يصرخ شويه ويسكت .. بس سألت وقالولي عادي يلعبون

 

[قطوه ورديه]

اهم شكلهم يلعبون لان ماشفت اجروح
بس اخاف يطلع العكس

ادري الاكل ماشلته بس راعي المحل ماقال انهم سوري قال امريكي
مشكوره حبيبتي اذيناج معانا

 

[daloo3ah]

لا عادي اذيتكم رااحه كككك بالعكس انا مرتاحه لان اول مره يصير حركه بهالقسم ..

امريكي !! مادري ترا الي يبيعون حجي فاظي .. حتى مرات تسمعين بالنوع الهولندي !! اصلا مافي هولندي ..

اذا تقدرين تحطين الصور .. واذا تبين سوي سيرج على انواع الهامسترات المعترف بها عالميا ..

واذا تعبانه ومالج خلق تدورين .. ترا الموضوع موجود ادزلج ياه عالخاص .. يمكن يساعدج تعرفين نوع هامسترج