اسرار الرجال اذا عندج سر من اسرار الرجال تعالي كتبي هني

[أحمرجوري]

السلام عليكم ورحمه الله وركاته
مرحبا بنات
الموضوع عن اسرار الرجال
يعني
من الحجي لي يطلع من زوجك العزيز
دار حديث بيني وبين زوجي
عن المرأه الغربيه او الاجنبيه
قتله من احلي العربيه ولا الغربيه
قال العربيه
وزبده الحديث
انا كنت اعتقد انه الرجل يحب المرأه الاجنبيه (تغيريه)
بس العكس صحيح انه المرأه العربيه هي الاكثر اغراء للرجل
ودليل علي هذا اذا سافر الرجل العربي الي الدول العربيه وشاف البنات هناك من غير هدوم
عادي ولا يعبرها اما اذا شاف المرأه العربيه ركض ورها
بسبب تضاريس المرأه العربيه
وبسبب جمالها وملامحها الحاده
يالله دوركم
​

 

[كليـ دلعـ]

يحبون اللي تعطيهم طاااف

وتقطهم ورا ظهرهااا

ويموتون على اااللي تبجيهم

ويكرهون اللي تبجي عليهم!!!

بالعربي موكفووو احد يعطيهم ويه

خلي معاملتج عكسريه يهابونج!!>> ههههه نصيحه مدويه!!!

 

[نونو العصله]

ههههههههههههههههههههههههههههههههه
الرجل العربي مثل الطابع
تفين عليه يلزق

 

[فوفو22]

الزوج يحب

البنت الغامضه

البنت الذكيه والملمه بكل شي

البنت الانيقه

الجسم الحلو والطول

الشعر الناعم

العيون الحلوه

الصوت الواطي

فوفو

 

[شادن33]

الرجل العربي يحب ويمووووت على زوجته كامله التضاريس بس يهج منها بسبه لساااانها اذا كان زفر لووووووول
حلوا لسانكم خخخخ

 

[ماني من الناس]

والله كل واحد وشخصيته مافيا حل سحري يمشي على الكل :

الرجل الواضح يحب الزوجه الواضحه

الرومنسيً يحب الرومنسيه

الجدي يحب الجديه

المرح يحب المرحه عشان تضحك على نكته

الكئيب الليً مايعرف يبتسم يتكدر لين شاف زوجته تضحك

المنغلق يحبها منغلقه والمنفتح منفتحه

وهكذا

كلن ومزاجه

 

[راجية الرحمة]

يحب الحريم واذا عنده فلوووووووس ياخذ اكثر من وحدة
على قولة زوجي لما قلتله تصدق الوليد بن طلال دايم يتزوج على زوجته اميرة الطويل ومخليه واجهة اعلامية له
قال








اكيد تبين عندي كل هالفلوس واقعد على وحدة


لاشعوريا




قلتله الله لايغنيك

 

[شادن33]

^^^^^^
صح اللي مليونير لازم يشكل وينوع هذا تفكيرهم

 

[غربه الروح]

الريال يحب البنت اللي يتعب عليها
لانه ماراح يهدها بسهوله

 

[أحمرجوري]

يعطيكم العافيه بنات

 

[أحمرجوري]

يحبون اللي تعطيهم طاااف

وتقطهم ورا ظهرهااا

ويموتون على اااللي تبجيهم

ويكرهون اللي تبجي عليهم!!!

بالعربي موكفووو احد يعطيهم ويه

خلي معاملتج عكسريه يهابونج!!>> ههههه نصيحه مدويه!!!

انتي :rerrerek::rerrerek::rerrerek::rerrerek:

 

[أجمل نساء الكون]

.............. يفيدوونك حبايبنا

 

[attoosh]

والله شوفو الريال احب البنت السحريه بمعنى نظيفه ونفس الوقت ما تنظف جدامه وانيقه وتسوي تغيير بنفسها وبيتها وباسلوبها بكل الشي او لا تتشكين وايد ولا تذمرون دايما ولا تقطين نفسج عليه ولا اجافينه وايد بنفس الوقت يعني بالعربي دايما مسكو العصا من النصف لا تشدون ولا ترخون طبعا والحنا ولسان الطويل اعداء الرجل وفيه شغله مهمه بصراحه مو حلوه بالخليجيات معني خليجيه بس طبعي غيييير انه فاجين وايد للا تزعلون مني هذي حقيقه يعني دايما اتصبون اهتمامكم بجانب وتهملون الثاني يعني الريال ما تزوجكم عشان تقعدون طول اليوم على القنفه وما تسوون شي وهم لاتقطون حملكم كله على الرجل بالنهايه اهو شريك حياتج مو ابوج فاهمين علي يعني اللي تقدرين تنجزينه بروحج سويه ما لا داعي سولي حطلي يبلي ودني وبنفس الوقن مسؤولياته لا تسوونها عنا ديرو بالكم وبسس وانشالله تتهنون

 

[لمى الهاجري]

ولا تنسون شي الرجال يحب الصوت الناعم الدلع الكلمات الحلوة مع دلع ويحب الجسم ناعم ناعم واحنا نتعذب لووول بالشيرة وليزر

 

[عنووشه]

ما توقع كل الرجال مثل بعض فيه اللي يحب العربيه وفيه اللي يحب الاجنبيه



وفيه اللي يحب الاثنين يعني عيون زاااايغه

 

[حلمي وامالي]

كلي دلع صح كلامج 100%

 

[عطاء أنثى]

خخخخخ

احترنا معاهم



نروح يمين راحوا شمال

نلحقهم شمال يهجون يمين




الاحلى طااااااف

 

[سمو]

اللهم صل علي محمد وال محمد


الريال يحب الجذابه ........ يهمه تكون جذابه مو جميله


يعني ريلي يقول :

احيانا الريال يشوف وحده جميله جدا ......بس ما يرتاح من القعده معاها .....وما يشوفها جذابه بعينه :eh_s(1):


والريال ما يحب :

مسجات اللوم والعتاااب ......... يعني لو شنو زعلانه مع ريلج .....لا تدزون مسجات بايخه يعني

 

[انوثتي غير وياك]

هههههه

حلو موضوعج

لااعلم عن شيء

كل واحد ومزاجه

:d

 

[دوووووووووووبا]

الرجل بشكل عام يخاف من المرأة قليله الكلام
السبب : لانه مايدري إهي شتفكر فيه .. بالتالي يخاف من الغموض والمجهول
شرايكم بالمعادله؟ هههههههههههه