استقبال الحجيات !!! ليش ؟ تأيدين ؟ ولا تعارضين ؟

[tmtmt]

السلام عليكم

في موضوع حبيت اتناقش فيه معاكم
اشوفه زاااااايد بالجم سنه الي طافوا

كل وحده ترد من الحج تسوي استقبال !!

ليش هالاستقبال يعني ؟
عادي الكل يروح الحج ويرجع بالسلامه
مو فاهمه مغزاه ؟

والمعازيم يشترون هدايا !!!!!
ليييييييييش ؟؟

شمسويه اروح واشتريلها هديه
ونو اشتريلها يعني ؟؟

انا معارضه وبقوه وبالاصح موووو مقتنعه كللللللللللللش

ولو بسوي بسوي عشان الهدايا

انتوا شرايكم ؟؟

 

[الشهد كله]

بصراحة الإستقبال ماله معنى

يعني معقولة بس إهي اللي حجت ؟؟؟

ولا حجاجنا 20 ولا 30 شخص وطلعوا بالقرعة ومستانسين عليهم

ولا بالعزر يالله حجت ؟؟؟؟

مادري اشسالفة الإستقبالات اللي هابين فيها هبة ومن غير معنى

آنا باجر وعقب باجر عندي استقبالات حجاج

بس تعالي ضروري أشتري هدية :080402ask_prv::080402ask_prv::080402ask_prv::080402ask_prv:​

 

[monmon12]

الصراحه
ايهي رايحه تستغفر الله وتوب

والا رايحه عشان لما ترد يباركلوها بالهدايا

يعني تسوي عشا يمعة أهل

اصلا سالفة الاستقبال يايه من Reception

من سوالف الأجانب هذا تشبه بالغرب؟؟؟ كل مناسبة لها حفلة؟؟

انتي بالأول قولي يارب انشاء الله تقبلت حجتي

بذمتكم مو بدعه ؟؟؟؟

صج صج

ما أكثر الضجيج وأقل الحجيج

 

[tmtmt]

والله انا كتبت الموضوع
لن توه اختي داقه بتروح اهيا وامي حق وحده مسويه استقبال

وامي رايحه تشتري هديه !!

عاد قلت شسالفه وخل اكتب اشوف بس انا الي معارضه ولا شنو !!

والله مادري انا امي رايحه تشتري هديه
وامس خالتي رايحه عند وحده وهم شاريه هديه

عاد مادري شتشرين مو تنسين وتاخذين شي حق بيبي

اخذيلها بجامه ولا من الشايع او المرشود
صندوق صغير وحلو بس بعد شتاخذيلهم

 

[Tulips]

رد : استقبال الحجيات !!! ليش ؟ تأيدين ؟ ولا تعارضين ؟

اي والله صاجه ..

اصلا بفهم اللي حاجه شنو يهدونها !! كاكاو ! انا خبري اهي اللي تهديهم يا سجادة صلاة ولا مسابيح ولا تمر .. الخ

مادري احس ماله داعي اذا كلش كلش اهل الحاج يسووله عشا مختصر وانتهينا

والله اللحين كل شي بالدنيا صارله استقبال

 

[ورد الصبا]

يا هلا وغلا
انا هالسنة حجيت ولله الحمد عسى ربي يتقبل من الجميع وبصراحه مافكرت ابد اني اسوي استقبال
اولا لاني احس ان الموضوع شي روحاني شي يتعلق فيني وفي ربي
وثاني شي لانه الموضوع تطور وصار مبالغ فيه هدايا وخبه وتعالي زهبي لج بدله للاستقبال وبوفيه وسيرفس وتدخلين في لويه اننتي في غني عنها
وبيني وبينكم بصراحه صرت كل ماشفت مبالغ تندفع على هاللامور اقول بيني وبين نفسي بهالفلوس جم فقير بياكل او يلبس ملابس او بيصرف على اهله الخ
والله المستعان

 

[MoonDiamond]

بالعكس
انا اايد الاستقبال
لان مو معقوله كل يوم استقبل وحده والا ثنتين
احط يوم استقبل اغلبية الناس اللي يبون يسلمون
واللي ما قدر ايي مو اكثر من 4 او 5
وسهلين


اما يستلموني لشهر جدام زيارات
هذا تعب ثاني!!

 

[MoonDiamond]

ونسيت اقول
انا استغرب سالفة هديه للحاجه
ليش الهديه؟؟

 

[monmon12]

يا هلا وغلا
انا هالسنة حجيت ولله الحمد عسى ربي يتقبل من الجميع وبصراحه مافكرت ابد اني اسوي استقبال
اولا لاني احس ان الموضوع شي روحاني شي يتعلق فيني وفي ربي
وثاني شي لانه الموضوع تطور وصار مبالغ فيه هدايا وخبه وتعالي زهبي لج بدله للاستقبال وبوفيه وسيرفس وتدخلين في لويه اننتي في غني عنها
وبيني وبينكم بصراحه صرت كل ماشفت مبالغ تندفع على هاللامور اقول بيني وبين نفسي بهالفلوس جم فقير بياكل او يلبس ملابس او بيصرف على اهله الخ
والله المستعان

اختي تقبل الله منج اول شي

وانا اقولج اياها


انتي حجتج مقبوله

أنه مبينه على أخلاقج الي تكلمتي فيها


هذولا الحجيات

مو لبس وبوفيه وهدايا

شنو خليتو للعروس؟؟؟

 

[ام خالدوعبود]

والله انا اللي اعرفه وخابرته ان الحجيج يجيبون معاهم الهدايا والصوغات مو العكس



الظاهر الدنيا بدت تمشي بالمقلوب

 

[يمة يادلبي]

حمدالله والشكر شماله الاستقبال؟
اهي رايحة تأدي فريضة ولا رايحة عشان اترد واتسويلها استقبال واتحوشلها كوكش هدايا
الاوادم ينت واستخفت

 

[مادرى شسمى]

بالعكس عادى بس سالفه الهديه اول مره اسمع فيها احنا نروح ونبارؤك لها حجتها وبس ماله داعى الهديه كلش

 

[زامليه وافتخر]

لالا هى سالفه الاستقبال يعنى مو كل يوم والثانى ياين لها ناس
فتسوى يومين استقبال وتخلص من الناس اللى يبون يسلمون عليها
اما عن الهديه فهى سالفه ذوق يعنى كل واحد وبكيفه يهدى..

 

[miss_3kooki]

معنى استقبال الحج ان الي يبي يبارك للي راحت الحج وتجميعهم بيوم واحد مو كل يوم وحدة تجي تبارك بقدوم من الحج وسالفة الهدية للي حجت هذا مسالة ذوق يعني ما تروحين ايدج فاضية ما اشوفها غلط

 

[G!RLooNa]

مادري كلش ماله داعي الكويتيين على كل شي يسوون استقبال زين ما تسوي استقبال اذا عطست

و لو بتسوي استقبال تيمع اللي يسلمون عليها بيوم واحد اوكي بس شنو الهدف من الهدايا بعد لا ولاده ولا زواج ولا نزله بيت :/

 

[monmon12]

حبيتي

شي زين انه تيمعهم في يوم واحد يباركولها حجتهم يوكون في عشه

بس ايهي مره توها ارده من استغفار وجو ديني

تروح تقط فلوس على بدله قدرها الفلاني وأكل بوفيه وهدايا وغيرها من السوالف

هذي عرس مو استقبال

بعدين يا عمري مو دايما تقولون سنهة الرسول صلى الله عليه وآله

هل هذي سنه؟؟؟

انك تبارك حق ناس وتحدد موعد لويارتهم وتسويلهم وليمة بشرف رد من الحج

غير لما أسوي حفلة بمعنى الكلمة لردتي من الحج

فرق واااايد

 

[Tom ♥ Jerry]

.



انا سمعت آنه في استقبال ! بس هدآيآ شكو !
المعآزيم مآ يشترون هدآيآ يروحون يسلمون جاي قهوه حلو و مع السلآمه
آخر شي يعطونهم كآكآو !
آمآ الناس الحين يمكن قآموآ يبآلغون بوفيه و هدآيآ جنه عرس !

اغلب الي يسوون آستقبال مآلهم خلق ييه الناس لهم كل يوم !
الي ايي من الحج آكيد الناس لآزم اتيي تسلم عليه
فـ تلاقين هالـ مره تدز مسجآت عشان كلا يكون بيوم وآحد
> الصراحه شي حلو و انا حبيت هالفكره
و هم آحسن حق المره يايه من الحج تبي ترتاح مو كل شوي آحد دآخل عليها يسلم
يوم وآحد تتعب و خلاص : ) !

 

[G!RLooNa]

<< برا الموضوع.. tmtmt قبل شوي لما نمت حلمت فيج :eh_s(22):

 

[Hello_kitty]

خووووووووش موضوووع تمتم


استقبال سمعنا بس هدايا@@ شسالفه وليش ولماذا وشحقه نودي هدايا!!!


كلـــش مالا داعـــي ولا معنـى اصلا اذا كلش كلش اخذ معاي كاكاو او حلو من طقه اللي يسوونهم حق مناسبات الحج

وفكره الإستقبال اايدها اذا كانت اول حجه والقصد منها ان الناس بتحمد بالسلامه يتيمعون بيوم واحد بدال ما كل يوم تتصل

وحده بتزور و المره وراها التزامات واشغال ثانيه

 

[مرتاحه]

اهم خلو شيء ما سوله استقبال
انا ما ايد هذا الاستقبال
الا بيتحمدلك بالسلامه خليه ايك ابيتك
ليش هل المصاريف والعفسه