استقاله + شؤون + صحه

[شكو بإسمي]

السلام عليكم ..

يا طويلات العمر أنا مدرسة اجتماعيات وحبيت استقيل من دوامي ودي اقدم على الهيئات بس هاذي الكويت :q8: صل على النبي إذا ماعندج واسطه حااامض على بوزج :denya:

فخلالالالالالالاص مو قادرة استحمل التربيه ابي اشوف لي اي مكان اتوظف فيه حتى لو مو عاجبني ويمكن من خلاله انقل إلى وزاره أو هيئه ثانيه لأن التربيه صكتها بوجيهنا مافيها لا نقل ولا ندب مافيها غير "عمات العين " الاستقاله :0bee2e8d89:

فإحتمال إذا قدمت على الديوان يقطني بالاماكن التاليه وياليت اللى موظفه في هالاماكن تفيدني عن الموضوع من ناحية الدوام والراتب ونظامهم يعني بصمه وإلا كرت

أولا: الشؤون

ثانيا : الصحه "أنا مستغربه الصحه وين يحطونا "

وإذا فيه اماكن ثانيه يقبلون تخصصنا وماذكرتها ياليت تسعفوني فيها

 

[MISS.D&G]

أهلييين
انا مثلج كنت مدرسة اجتماعيات و استقلت لانه مثل ما قلتي ماكو لا ندب و لا نقل من التربية !!

اول شي حطوني بالصحة و طبعاااا رفضت ! بعدين عقبها حطوني بوزارة التجارة و الحمد الله مرتاحه الحين

و على فكرة انا سمعت خبر قرار يديد من التربية انه الاستقاله خلاص ما تصير إلا عقب 10 سنين !!!! و لا هم عقبها تقعدين سنتين بالبيت !

 

[بيرق العز2]

وانا مثلج والله ودي استقيل بس وين اروح والمعاش شلون عليه تكفون فيدونا

 

[شكو بإسمي]

أهلييين
انا مثلج كنت مدرسة اجتماعيات و استقلت لانه مثل ما قلتي ماكو لا ندب و لا نقل من التربية !!

اول شي حطوني بالصحة و طبعاااا رفضت ! بعدين عقبها حطوني بوزارة التجارة و الحمد الله مرتاحه الحين

و على فكرة انا سمعت خبر قرار يديد من التربية انه الاستقاله خلاص ما تصير إلا عقب 10 سنين !!!! و لا هم عقبها تقعدين سنتين بالبيت !

هلا وغلا فيج :68_asmilies-com:

الله يهينج يارب بوظيفتج ..

بس ما عليج امر أنتي كنتي حاطه وزارة التجاره من ضمن رغباتج وإلا هم يقطونج بأي مكان .. وكم قعدتي عقب مارفضتي الصحه ..

لأني مثل ماسمعت من البنات أكثر وزارتين يقبلونا الصحه أو الشؤون عشان جذي قاعده اسئل عن هالاماكن اللى راح يحطونا فيها بالوزارتين بعرف طبيعه دوامهم ..

وبالنسبه للقرار ماتم تطبيقه للحين سألتهم عشان جذيه بتلاحق عمري :eh_s(13):

ومشـــكوره على إفادتج:33_1185028183:

 

[شكو بإسمي]

وانا مثلج والله ودي استقيل بس وين اروح والمعاش شلون عليه تكفون فيدونا

:eh_s(9)::eh_s(9)::eh_s(9): يالله حيهم

أدري مثلي و مثلج وااااايد وأدري أن المعاش هو اللى مصبرنا على هالوظيفه

بس شوفي :eh_s(20): بيني وبينج التربيه خلتني ازهد بالحياه صار آخر همي المعاش

أبي راحت بالي .. وممكن بأي وزارة تنقبلين فيها أنج تقدمين نقل أو ندب إذا ما عجبج المكان إما في التربيه اغسلي ايدج مافي غير الاستقاله أو قرار جديد يستعبدونج 10 سنين جدام

وأنتي براحتج ..اللى تشوفينه مناسب لج سويه

 

[MISS.D&G]

رد : رد: استقاله + شؤون + صحه

لا أنا ما كنت حاطة التجارة كلششششش بس صدفت جذي !!

و تقريبا قعدت شهر عقب ما رفضت الصحة ..

و الحمد الله على كل حال ​

 

[شكو بإسمي]

إيه والله الحمدلله على كل حال

اهم شي أنج مرتاحه بوظيفتج أحيان الواحد مايحط في باله مكان معين بس لما يدوام ويعرف شغله واللى له واللى عليه يرتاح وتكون له خيره ..

مشكورة ياقلبي :balo:

وأنا إن شاء الله باجر بإذن واحد أحد اقدم استقالتي :RoadRunner: