استقالة ...

[ReD&FoSHia]

قوة حبيبات القلووووب
كييفو
انا بخير و مو بخير
انا هالكورس محبطة حدي و متنرفزة وايد
هالسنة بالعمووم
باستشيركم بشغلة
لو استقلت ... هل اقدر اقدم عالديوان كادارية بالمنطقة ولا بالوزارة ؟؟؟
لاني وايد تعبانة مو مرتاحة والتدريس قام ياخذ من نفسيتي وايد

 

[أم جوري]

اطلبي تحويل من معلمة لادارية ...

اذا استقلتي ما تدرين وين يقطونج ..

 

[التوق]

معلمه لأي ماده؟

 

[ReD&FoSHia]

حاسوب

 

[#الخشف#]

شالسالفه الكل متحبط من التدريس واناا اولكم للاسف الوضع حيييييييل متعب ويقتل طاقتنا
وابداعنا والله انا دشيت حابه ابدع واتميز بس كثرة الضغوطات عالمعلمه تخليها تكره مهنتها وتلجا لاي شي ثاني حتئ لو مايرضيها بس المهم انها تفتك


ادري طلعت عن موضوعج بس حبيت افضفض شوي
وانا الحين استخير وبقدم استقاالتي من التربيه بعد الدوامات وبقدم عالاوقاف دوام مريح ونفس المعاش.

 

[الأميرة جوري]

الله يكتب لج اللي فيه خير

 

[مرتبة]

لا تستقلين ولا شيء
جذيه بتتنازلين عن معاش قوي +عطل+رساله العالم
مشكلتج مو في المدرسه
انتي لو يقطونج باي مكان بتلقين عيوب سواء يالمحيط الشغل وعيوب فيج
بدال لاتستقلين شوفي عيوبج

رتبي اهدافج بشغلج
واذا رتبتي كل سنه بخف الضغط

واذا الاداره مضايقتج طنشي فيها من صجج معطيتهم وجهه
واذا زميلاتج مضايقينج صكري الجام عليهم

 

[مدّهره !]

الله يعينج ...~

 

[elegantway]

الله يسهل امورج استخيري اختي

 

[درر النور]

مهنة التدريس من أصعب المهن والعمل في وزارة التربية وفي مدارسنا يقتل الطموح والإبداع والعيب ليس في المهنة ولكن في لوزارة نفسها وخصوصا ضعوا تحتها عشرين خط احمر المديرات اغلبهم معقدات ويتدخلون في كل كبيرة وصغيرة. ويطالبون من المعلمات القيام بمهام تفوق طاقتهم. ولا وبعد لازم تدفعين لهم فلوس. لصبغ طوف المدرسة فلوس لدرس ريادي فلوس بًرنامج إذاعي فلوس ورشه فلوس حتى اصبحت المديرة مثل بلاع البيزه هاتو فلوس والله اكثر المديرات ما يعرفون الا ادفع ادفعوا يا معلمات معاشتكم وايد ادفعوا منه. الا مالت و الكل حاسد هال معلمة على هالمعاش اللي نصفه يروح على للمدرسه ونصف الثاني عل الاطباء للعلاج من اثار التدريس ومتاعبه اذا على العطله وا صبحت بس شهرين واذا المعاش والله أني اشتغل في وزارة واستلم راتبي كامل ولا انجبر ادفع منه فلس حق الناظرة والا الامراض يارب تعفي عنا ويعافينا الأحبال الصوتيه القولون العصبي والأمراض النفسية والعصبية والنسيان. والقلق النفسي والله استلم ٥٠٠ دينار وانا مرتاحة ولا استلم الف بعذاب وشقا. بس. جربوا تعيشون يوم في معتقل من معتقلات وزارة التربية اقصد مدرسة من المدارس تحت إدارة ناظرة معقدة نفسيا تستقبلج بصراخ ويكون لها ألصلاحيه انها تقيمج وتكون ي اقل منج بشغلات وايد. اقول بس من حابة تتطوع تدرس يوم نقول لها مرحباً بك في مكان الداخل فيه مفقود والخارج منه مولود.

 

[Zahganah]

واااااي نفس احباطي!! كرهت التدريس و ساعته!!!! انا ابي استقيل وافتك بأسرع وقت ممكن!! الخشف حياتي قوليلي انتي ليش بتستقيلين بلعطله؟ يعني اقصد ليش مو الحين؟؟ يصير بلعطله نستقيل؟؟

 

[السحر؛؛؛الحلال]

والله كلامكم عين العقل صرنا خدامات بأي لحظة ينقلونج لمكان حتى ماياخذون رايج فيه ومعاشج متقطع على المشرفه والناظره
أموت عالتدريس وأحبه بس لما أدخل الحصة بالي مشغول في البلاوي اللي على راسي
والله ظلم , شوفوا مخرجات الوزاره ؟ طلبه فاااشلين حرااام والله
الوزارة من مسكوها الحريم وهي من زفت الى زفت افففف بس.

 

[shai6ona19]

الحمدلله انا قدمت استقالتي وابداااا مو متندمة

افتكيت من وزارة الهم والغم

وان شاء بتوظف بالاوقاف

 

[سندس 90]

بس الي متخرجه من التربيه الاساسيه ماتصير اداريه الا فوووق ١٢ سنه
حطي ببالج
هذا اللي سمعته لان مسماها الوظيفي تربوي
لكن الجامعيه غيير تقدر تروح لاي وزاره
والله اعلم

 

[يفداك قلبى]

لا تستقلين ولا شيء
جذيه بتتنازلين عن معاش قوي +عطل+رساله العالم
مشكلتج مو في المدرسه
انتي لو يقطونج باي مكان بتلقين عيوب سواء يالمحيط الشغل وعيوب فيج
بدال لاتستقلين شوفي عيوبج

رتبي اهدافج بشغلج
واذا رتبتي كل سنه بخف الضغط

واذا الاداره مضايقتج طنشي فيها من صجج معطيتهم وجهه
واذا زميلاتج مضايقينج صكري الجام عليهم

انشهد انج صاجه
وازيد عليهم اذا حبيتي شغلج صدقينى كل التعب بيصير فقاعات وتزول
احمدي ربج
غيرج ينطر دوره بالتوظيف من سنتين واكثر مو محصل :eh_s(17)::eh_s(17)::eh_s(17):

 

[عادت ذكرياتي]

الله يعين