حبيبتي انتي تامرين امر
شوفي اصير صريحة وياج انا اول مره اجرب الماليزيه هالمره ان شاء الله بس الكل يمدح فيها اخو ريلي واايد مادحها رايح فيها العام ويقوول وايد احلى من الاماراتيه حتى واتوقع كل كرسي في شاشه هذا شيئ اكيد والسيرفس حلووو وافلام مترجمة يعني لاا تحاتتين خوش طيراااان
بالنسبه للجدول
شوفي خليني اعدل لج الجدول لانه صج يبيله تعديلات واايد
اول يومين خليهم يا
ليلتين بصن واي لاقون او ليلتين بالخيول الذهبيه لان هالفندقين بنفس المنطقه (سلانجور) يعني اذا انتي رايحة مع يهال انصحج اكتفي بيومين في فندق صن واي لاقون راح ايهيصون فيها وانتي بعد راح تستانسين لان فيها مجمع براميد واايد حلوو وفيه صاله تزلج بالدور الارضي
عقبها روحوا طيران داخلي او بتكسي ( بس التكسي ياخذ 6 ساعات بس راح يمرون بسرعه لان المناظر الحلوة والخضار ماتقدرين ترمشين عينج لحظه عنهم ) على جزيرة بيننق
قولي 4 ايام في بيننق انصحج بهالفنادق( بارك رويال- شنغريلا راسسينغ- قولدن ساندس - باي فيو بيتش)
عقب بيننق روحوا لنكاوي وااايد هاديه وروماانسيه عقب صخب وحيويه بيننق
انصحج بهالفنادق ( بيلنجي بيتش- شيراتود بيردانا-لنكاوي لاقون) في لنكاوي لاقون وبلنجي بيتش اكواخ او شاليهات داخل البحر يعني البحر تحتج على طووول
وبعدين على كوالالمبور 5 ايام في احد هالفنادق وانصحج بشده بالتايمز سكوير لان هالفندق داخل مجمع شكبره وداخله مطاعم ومدينه ملاهي وسينمات ويمه محطه المونريل القطار المعلق يعني موقعه وايد حلووو او احد هالفنادق ( ريجنت- ماندرين-وستن-استانا-ماريون-ريتز كارلتون)
عقبها نصيحة اذا معاج يهال روحي ( جنتنق)
هذي تبعد عم كوالا ساعتين مدينة جبليه جوها شتوي وكلها غيووم اتيننن اتعقد اتزوووووق جوها خياااااااااااااالي واهيا مجموعه فنادق ومدينه ملاهي داخليه وخارجية واسوق داخل الملاهي الداخليه ومرات ايبون سرك عالمي وفي عالم الثلج وبيت الاشباح عشاان جذي انصحج تسكنون فيها يومين بهالفندق( فرست ورلد) وتاخذون غرفه توعها WORLD CLUB وطلبي يحطونكم بالبرج رقم 2 لانه افضل من البرج رقم 1
واذا ماودج تسكنين فيها تقدرين تروحين وتردين بنفس اليوم يعني روحوا مبجر من ال9 الصبح وتردون على ال7 او ال8 بالليل بس اذا عندج يهال صدقيني راح يهيصون فيها
عقبها تردون كوالا 5 ايام تغيرون الفندق عشان تحسون بالتجديد اذا بغيتوا
ومن كوالا الى المطار ومن المطار الى الكووويت
هذا كله مجرد اقتراح اذا عندج اي استفسار اي شيئ اي سؤال صج صج لا يردج الا كيبوردج وان شاء الله يارب اني اكون فدتج او اي احد يقرأ
