استفسار

[ام ملاك2]

انا عندى شهادة رابعة ثانوى ودى اشتغل لو قدمت على الديوان يقبلونى واطول على ما يقبلونى ولا بسرعة وجم راتب رابعة ثانوى بالحكومة ولا اروح اعادة الهيكلة حدى محتاجة الوظيفة مو عارفة شنوى اسوى

 

[nonosha]

بالنسبة حق اللي عندها شهادة رابعة ثانوي
لازم يكون تنطبق عليها وحده من هال 3 شروط توه قريتلج من موقع الديوان
يا اما يكون عمرج 25 وفوق
او تكونين متزوجة او مطلقة او ارملة
او تكون عندج دورة تدريبية مدتها اقل شي 9 اشهر


لازم تنطبق عليج وحده من هالشروط عشان تقدمين
هذا بالنسبة تقديم الديوان وراح يفتح التقديم بوقت معين
الهيكلة ما عندي فكرة

 

[ام ملاك2]

مشكورة ياقلبى بنات الى تعرف اكثر تقولى

 

[_Ba7Ar_]

انا من كم يوم قريت ان اعاده الهيكله حاطه اعلان تبي كويتيات معاهم شهاده ثانويه
و الوظيفه حارسات امن داخل المدرسه
المعاش ٦٠٠ دينار و شي

روحي للهيكله و قدمي عندهم و قدمي عالديوان

الله يوفقج يارب

 

[الأمل لحظه]

اي حبيبتي يصير تقدمين
وتتوظفين على الدرجه السابعه ومعاشج اعتقد 400 وشي
بس المشكله بتنقعين بالديوان فالافضل لج روحي للقطاع الخاص اسرع ومعاشج اكيد اعلى بيكون من الحكومه


بس لاتحاتين فيه ناس كثير مسجله بالديوان على الثانوي .....

 

[الحوريه الاولى]

الله يوفقك ويسهل امرك

 

[ام ملاك2]

مشكورين كل الى ردوا على انا رحت مقابلة مالت حارسات الامن صج معاشها حلو حق الثانوية بس دوامها من 6ونص الصبح لساعة 2 وما فى بالمحافظة الى انا فيها غير سالفة اللبس الموحد انا البس عباة فى ريايل يدخلون المدرسة