استفسار ^_*

[نوسه الشطي]

سلام
بغيت اسال شنو الاكل اللي مايتغير طعمه اذا خليته لي ثاني يوم ؟!
الكورس الياي دوامي من الصبح لي المغرب وماعندي خدامه فكرت اسوي الاكل من الليل

وشكرا

 

[جارة القمر]

وعليكم السلام


أنا اسوي المرق والدياي من بليل




والعيش لم ارد من الدوام




ممكن تسوين ورق عنب والمعكرونة بالباشميل ما تخترب

 

[يكفيني انا]

السلام عليكم

طريقتي اسوي الدجاج اطبخه بس مااجبس عليه العيش الا لما يجي باجر وارد من الدوام اكمل شغلي الباقي


بسسسسس مااكل الا جذي اكله من امس غيره ماجربت

 

[نوسه الشطي]

يعطيكم العافيه

 

[WAAAW]

up up

 

[نوسه الشطي]

انزين اللحم شكثر يبيله على ما يستوي لما اسلقه ؟!
وشلون اطبخه ؟!

 

[ام الدرر]

انزين اللحم شكثر يبيله على ما يستوي لما اسلقه ؟!
وشلون اطبخه ؟!

اللحم حبوبة
حسب الحجم والنوع (عربي -استرالي -مهجن )
بس اقل شي ساعة ونص اذا القطع صغار
واذا تبين السرعه اشتري جدر ضغط يسهل ويسرع عمليه السلق
طريقة طبخ اللحم للمجبوس
تغسلين اللحم عدل
وتحطينه بماي يغلي وتكبين الماي
وتردين تحطينه بماي ثاني على نار عاليه بس يبدا يغلي قصري النار وابدي ارفعي الرغوة البيضا اللي تطلع عالويه لحد ما تخلص
قطي عليه بصلة مقطعه ارباع وبهارات عدله هيل-مسمار - دارسين - ورق غار
وخليه يطبخ على نار وسط مغطى بعد ساعة ونص شيكي عليه اذا استوى او يحتاج وقت اكثر
وحطي المل وخليه يطبخ شوي
وعقب رفعي اللحم من الماي
اذا تبين اللحم ترف موناشف سكري الجولة وخلي اللحم بالماي ربع ساعة او نص ساعة
واي سؤال حاضرين حبوبة​

 

[oshi_q88]

سسوي سلطات او ورق عنب
او شوربة اور مرق حق تشريبه
مووفقةة ي قلبي

 

[نوسه الشطي]

فدوه ,,
مشكورين حبايبي