استفسار \ مطعم فش ماركت :)

[الـــحـ دبدوب ــب]

قوة ياحلوين شخباركم

بنات فديتكم شرايكم بمطعم فش ماركت؟!!

ابي تقيم الاكل والمكان كباين او لا

كل المعلومات

تنصحونى فيه والا لا

اذا فيه احسن منه للبحريات

 

[| تفاصيل |]

يم يم عجيب فيش ماركت
في منيو وفي تختارين سمج طازج
اسعاره يعني مو رخيصه
بس اذا طلبتي استكوزا مادري ام الربيان تضرب الفاتوره فوق

عندج مطعم النوخذه هم حلو

 

[الـــحـ دبدوب ــب]

تفاصيل فديتج

انا خاطرى فيش ماركت بس يسوى اعزم عليه ناس؟

ههههههههههههههههه حلوة ام الريبيان

 

[قلبي القرآن]

الصراحة اكله لذيذ واسعاره مو رخيصه يعني اذا أنا وزوجي لازم الفاتورة مؤ اقل من ٣٥
وانتي بتعزمين ناس عليه راح يطلعلج مبلغ وقدره
وعندج النوخذه بعد حلو نظام بوفيه اتوقع الشخص بعشره مادري اذا غلا ولالا خبري فيه قبل سنه ونص
وعندهم كباين

 

[| تفاصيل |]

الحب مثل ماقالت لج قلبي
اسعاره غاليه يعني لو بتعزمين ناس
بتطلع لج الفاتوره حول ال ١٠٠ اذا مو اكثر " ام الربيان باطه جبدي لول

بس صراحه يسوى التجربه اذا اتحبين السي فود
وفي مطعم بالفروانيه اسمه زفير اهني بنات فالمنتدى جربوه وامدحوه ويقولون رخيص

بس اذا ماتبين تتفشلين اكيد فيش ماركت يكفي ان يناسب كل الاذواق
روحي فرع الي يم الابراج يقولون الافضل

 

[الـــحـ دبدوب ــب]

انا حاطه حساب 3اشخاص 100 او150

يعنى اتوقع كافى ماراح يكون اغلى من جذى

اكيد ابيه عشان السى فوود

فديتكم ماتقصرون

اى انا ابى اللى يم الابراج الكل يمدحه

بس مادرى ماقلتوا كباين؟ والامفتوح

واذا مفتوح اقدر اطلب بارتشين

 

[فلافل وبطاط]

انا رحت اللي يم الابراج ماذكر شفت كباين ...
والاكل يم يمي ي ي قطي فلوسج وتلذذي ...

زفير استغفر الله امر السوق اسم ازفرته عن بعد
اهناك احواض وسمج طازج ومنيو سي فود بس
ريحة الاكل تفتح النفس ...

 

[الـــحـ دبدوب ــب]

فديتج والله

انا حدى متحمسه لفيش ماركت

بس بتاكد ع الاقل اذا فيه بارتشين اذا مافيه كباين

 

[الـــحـ دبدوب ــب]

up up up

 

[[[ عيون جابر ]]]

لذييييييييذ مظعمي المفضل واسعاره غاليه

 

[نمله عصبيه]

فش ماركت مافيه بارتشن ولافيه كباين ..

المطعم غالي نوعا ما .. اذا طلبتي استكوزا فعلا تضرب الفاتوره .. وصلت انا وزوجي وولدي وبنتي صغار 77 دينار ..

الربيان المشوي لذيييييييييييييييييييييييييييييييييذ شيء مو طبيعي ..

الربيان المقلي والله اشوف سنيور ساسي جارهم الذ ربيانهم المقلي من فش ماركت

عموما المطعم بطل :eh_s(15): .. انا اذا جاني وفد من السعوديه لازم اعزم فيه يبيض الوجه بصراحه بغض النظر عن الفاتوره ..

ولايفوتك الشمبانيا حقتهم عنب احمر عجيب ..