استفسار ( مستشفى العدان )

[دلال و غلا]

السلام عليكم

بنات انا بجر وكنت ناويه اولد بمستشفى هادي
بعدين غيرت رايي و قلت ابي مستشفى حكومي احسن
بس ما ادري عن مستشفى العدان شلون الولاده عندهم
يعطون ابرة ظهر و كمام و اذا ابي دكتوره تولدني لان
مستحيل دكتور يولدني و الله حيل خايفه و ابي من يعلمني
و اللي يعافيكم اللي عندها معلومه لا تبخل علي
و اللي ما عندها ترفع الموضوع *

 

[MzOoOn 22]

انا اللي اعرففه انج ماتقدرين دكتور معين اللي مستلمين الخفاره يولدوونج

 

[كتالونيه]

حبيبتي مستشفي العدان
حلوه وزين وايد
ويعطونج كمام وابرة ظهر
اما الدكتوره فلا ماعندهم تحجزين
لانه وانتي بالولاده يجونج فوق خمس دكاتره
ومعاهم دكتوره
وبس
واي استفسار انا حاظر

 

[قمرية الفيس]

والله واجد مدحو العدان وواجد ذموه ومادري انا محتارة مثلج

 

[ملح الحيـــــاه]

انا ولدت فيه زفتتتت عنايتهم واهمالهم بس الخياطه حلوه واكلهم حيل حلو ودافي و يعطونج حليب حار كل مابغيتي والبيبي علي كيفج تبينه ولا لا بس اللي ماعجبني ماتحصلين غرفه خاصه بعد الولاده يعني تجين في العمومي ازعاااااااااااااااج والله بكيت ماقدرت انام ومو بكيفج تختارين دكتوره ولا دكتور انتي وحضج بس في استفسار : اقدر اجيبلي دكتوره علي حسابي وتولدني بالحكومي ؟

 

[لورا 22]

التساهيل والولاده من الله الهادي ولا العدان
بس اذا تبين الاهتمام والمكان النظيف روح للخاص

 

[أم ملاس]

العدان في تطور اذا تبين ابره ظهر يعطوونج ومايستعجلوون عليج وعيبهم عليهم ضغط واذا لج حظ الليله اللي تولدين فيها ماكوو زحمه
انا لما كانووا يمرون علي كنت ارفض فحص الدكتوور وعادي اذا مرت دكتووره دخلت علي بس لان قررت الدكتووره يشووفني الاستشاري لاني كنت متعسره دخل علي الدكتوور وقررلي عمليه
اهتملمهم لحد المعقول زين وخاصه انا لاني كنت حاله كانت عندي سستر علي راسي
بس الله يعينج علي الاجنحه زفت بكل ماتحمل الكلمه من معني وخاصه تكرمين الحمامات واذا لج حظ طلع لج غرفه خاصه عاد انتي جيبي ادوات النظافه مع الخدامه ونظفي حمامج الخاص واذا طلعتي خلي المساحات عندهم
والتساهيل من رب العلمين.....
والله يهون عليج علي كل حال ....

 

[دلال و غلا]

الله يعطيكم العافيه اللي ردو علي
بس مشكله لا انا اقبل ولا زوجي انه دكتور
يولدني او حتى يكشف علي
وع سالفة اجيب دكتوره ع حسابي
فيه جذي ؟

اب اب اب
بعد اللي عندها معلومه لا تبخل

 

[ام ساره 4]

المستشفى الحكومي الدكتور الموجود يولدج ماتقدرين تقولين لهم أبي دكتور والا دكتوره وإذا ميزانيتج تسمح نصيحه روحي خاص والله يسهل عليج إن شاء الله

 

[روحي82]

اذا مااتقبلين بدكتور روحي الخااص يوولدج والخااص حلوو والراحه النفسيه كاافي العدان لامن دخلتي وصار فييج طلق وانتي بالولاده مستحيل احد يدخل علييج حتي لو قعدتي يووم كاامل من غيرر شر ،، الله يسهل علييج ياارب

 

[tbola]

upp

 

[ام فطوووم]

العدان. ولادتهم روعه في كمام بس حزة ابره الظهر بس
بعدها ايشيلونه واتظلين بس على الابره لين ماتولدين
بس الجناح لوووووووووووووعه قمت ابجي مناك ماقعدت ولادقيقه مناك
طلعت على مسؤوليه ريلي

 

[ام الحلوااات]

اللــــه يــــســـهـــــــل امــــــــرج

 

[ام فواازي]

شوفي بجري عندهم بالولاده كانت عندي سستر بالغرفه تروح شوي وترجع لين ولدت و ابرة الظهر يحطونها لج و يعطونج الابره اللي بالفخذ اللي تنومج اذا منتي توج عالولاده يحطونها لج عشان ترتاحين وقت الولاده يوقفون الابره عندج عشان تدزين الجاهل وقت الطلق بس الخياط انتي وحضج مع الدكتور اللي تطيحين فيه
ماتقدرين تختارين اي دكتور تبين و اكيد ماتقدرين تجيبين دكتور على حسابج بالعدان
الجناح صج لوعه و غرف الخاص صعب تلقين دور انا بالليل ولدت وطلعت الصبح
اذا عندج امكانيه نصيحه روحي الخاص اذا حملج طبيعي مافيه مشاكل اشتري راحتج النفسيه انا يومين بالولاده بروحي
وعيالي الثانين لا امي معاي بالولاده عند راسي

 

[ام فوااز]

حطي فلوسج بالشمس وقعدي بالضلال
مافي عناية

 

[ام الشوامس]

سامعه ان ابره الظهر يعطونها

بس الله يعينج عالزحمه و عادي الوحده تولد يخلونها بالممر منسدحه اذا ماكو غرف !

نصيحتي اذا وضعج طبييعي و عندج امكانيه استخيري و روحي الخاص

 

[بنك شوقر]

اشتري راحتج وروحي خااااااااص

 

[nono-ful]

انا اراجع بالسيف عند دكتوره ابتسام اهي دكتوره بمستشفى العدان

تداوم الصبح عندهم والليل بالسيف اهي وايد شاطره اذا يصير تطلبين دكتوره طلبيها خل تولدج

 

[ريـــ205ـــم]

انا عندي عمليه قيصريه بعد اسبوعين تقريبا
وراح تكون بمستشفى العدان
وصليت استخاره ومتوكله علي الله
بس معقوله مافي غرف خصوصي؟؟؟

 

[دلال و غلا]

يعطيكم العافيه بنات ع الردود الحلوه ما قصرتو

الحين انا مشكلتي الوحيده
انه مو دكتوره اللي تولدني هذااا عيب مستشفيات الحكومه 

قربت الولاده وانا للحين مو عارفه وين اولد