استفسار للذويقات .

[دلوعة صلوح]

السلام عليكم ورحمة الله وبركاتة


حبيباتى فديتكم انا تونى هاليومين الحمد الله قررت انى البس عباية حابتها حييييل بس لى محيرنى

ان الشتاء دش علينا وانتو عارفين برد وجذى يعنى لازم البس شئ ثقيل بس مو عارفة شلون

يعنى الذويقات لى يلبسون عبايات شيلبسون فوقها جاكيت والا شال مو عارفة الله يخليكم

ابى شئ ذرب ولى تعرف تقول وين احصل وبجم الاسعار ؟؟

لا خلا ولا عدم ولى بتدلنى بدعيلها بظهر الغيب ان الله يرزقها لى تبى يارب العالمين.:yaaaaaarb:

 

[manoooram]

أنا بالدوام ألبس عبايه اختار الخامات هذي بالذات على شان انها ثقيلة وتدفيني شوي خصوصا بالشتا
انترنت ثقيله خامتها - ألماني
طبعا ما أنسى ألبس اللقنقز الشتوي يكون داخله خامة الفوطه عجيــــــــب صج يدفي
وبدي كم طويل خامته قطن بس ثقيل
أما جاكيت وعبايه أحس شكلي مو حلو x
واذا تبين شي راقي وذرب عندج المتحجبه - Shadows - عبايات الشهد - ولايف - صفاء العبدلي

 

[دلوعة صلوح]

مشكورة حبيبتى الله يعطيج العافية يارب العالمين..

بنات لى تدش عالاقل ترفع المووووضوع.

 

[معبوجة]

شوفي الله يسلمج سوي مثل الرياييل شنو يلبسون تحت دشاديشهم
ليقينز وبدي ثقيل وعادي انشالله لو اثنين فوق بعض
واذا تبين شال لبسي عادي بس مو ملون! ديري بالج
ولاااااااتفكرين تلبسين جاكيت طويل فوق العبايه عفيه الله يخليج لوووول
اذا بتلبسين لبسي البلايز اللي خامها خفيف لونها اسود اللي جنه يلبسونها بنات المدارس

وبس الله يثبتج ويهدينا ان شالله
​