استفسار للامهات اللي يسافرون مع عيالهم

[توتي بنوتي]

السلام عليكم


بنات انا ماصبر عن عيالي واحد عمره سنه واحد عمره سنتين ونص وباخذهم معاي للسفر (المانيا-النمسا-ايطاليا)


منو جربت تاخذ عيالها معاها


شنو احتاج معاي

عيالي دعل وينرفزون بس مسالة اخليهم صعبة

والمشكلة ريلي مايبيهم يقولي يمرضون ويتعبون



صج بنات تكفون

والله ماتسواااا علي رايحة استانس 10 ايام ونسيتي تعبان من الحين صارلي شهر من المحاتات ولا حتى يت السفرة



تكفون يا امهات بردو قلبي عسى الله يبرد قليبكم يارب

 

[توتي بنوتي]

بنات يلا تصويت تايدوني او لأ

 

[الدلال]

انا اقوول اخذي عيالج حتى لو تعبووج هناك

اذا انتي من النوع اللي ماتصبرين عنهم وتحاتين اخذيهم

بالعكس يستانسون معاج

انا الله يسلمج عيالي من عمرهم 6 شهور واسافر فيهم ما اصبر عنهم

 

[توتي بنوتي]

فديتج حبيبتي الله يخليهم لج وذوقين نفعهم يارب


دلال عمري شنو يحتاجون هناك دام عندج خبرة شنو اخذلهم معي انا ماعندي خدامه هناك

 

[Om_Hamad_3]

مرحبا اختي نصيحه خليهم اش لك بالشقا روحي استانسي مع ابوكم خفاف لا كحيح ولا حراره من تغير الجو وتعب تشوقلينهم من ديره لديره يكبرون ان شاالله ويفتهمون السفر والوناسه وتعوضينهم...

 

[توتي بنوتي]

فديتج حبيبتي الله يخليهم لج وذوقين نفعهم يارب


دلال عمري شنو يحتاجون هناك دام عندج خبرة شنو اخذلهم معي انا ماعندي خدامه هناك

 

[توتي بنوتي]

مرحبا اختي نصيحه خليهم اش لك بالشقا روحي استانسي مع ابوكم خفاف لا كحيح ولا حراره من تغير الجو وتعب تشوقلينهم من ديره لديره يكبرون ان شاالله ويفتهمون السفر والوناسه وتعوضينهم...

اهيء اهيء اهيء:lkmnkl:

 

[أمواج البحر]

عيالج اولا وايد صغار

ثانيا اوروبا ما يبيلها يهال لان اصلا مافيها امكان او شغلات حق اليهال الا القليل

شوفي انا عيال اسم الله عليهم كبار شايلين روحهم ما اذوني بالسفر

وعندي واحد عمره 4 سنين والله اسم الله عليه اذاني بالسفره وايد يحوس ويسرح بروحه

اذا ماتقدرين تخلينهم برايي تغيرين سفرتج وتخلينها لمكان فيه اكتفيتي لليهال عشان يستانسون

 

[راح_عز_ابوي]

والله انا عندي 2 فديتهم لو اروح الحسا نص يوم اوديهم......ليش تخلينهم؟؟؟ وتمين تحاتين؟؟بالعكس صج أخف بدونهم بس أحساس صعب انج تخلينهم... ما أقدر أخليهم الحين الكبير 11 سنة مسافر مع أبوه و قلبي عنده أحاتيه و نفخت راسه أتصالات مااااااااااااا أقدر

 

[توتي بنوتي]

عيالج اولا وايد صغار

ثانيا اوروبا ما يبيلها يهال لان اصلا مافيها امكان او شغلات حق اليهال الا القليل

شوفي انا عيال اسم الله عليهم كبار شايلين روحهم ما اذوني بالسفر

وعندي واحد عمره 4 سنين والله اسم الله عليه اذاني بالسفره وايد يحوس ويسرح بروحه

اذا ماتقدرين تخلينهم برايي تغيرين سفرتج وتخلينها لمكان فيه اكتفيتي لليهال عشان يستانسون

تهقين الطفل مايتاثر بهالعشر ايام؟؟

 

[الدلال]

فديتج حبيبتي الله يخليهم لج وذوقين نفعهم يارب


دلال عمري شنو يحتاجون هناك دام عندج خبرة شنو اخذلهم معي انا ماعندي خدامه هناك

شوفي توتي اهم شي كثري معاج من الغيارات الداخليه لهم
وحليبهم لا تنسينه
الحفاظات متوفره اشكال والوان بأوربا
لا تكثرين هدوم ثقيله بس اخذي جااكييت حق كل واحد فيهم احتياط يوم اللي يصير برد لبسيهم فوق ملابسهم

اخذي معاج بالطياره جنطه فيها غيارات وملابس لهم وحفاظات وحليب والاكل اللي يحبوونه ولعبه صغيره يلهوون فيها
ولاتنسين تودين معاج الادول واذا في دوا معين لهم اسم الله عليهم لان انا عيالي ربو ودووم اخذ معاي دوا الحساسيه والربو

اخذي عربانه اللي فيها كرسييين يفكوونكم من اللويه لما تطلعوون

اذا انتي نفس طبعي ماتصبرين عليهم وتحاتين حييل اخذيهم لاتضيييع علييج السفره بالمحاتاة والتفكييييييييير

 

[باونتى]

الدول اللى انت مختارتها وااايد تنقلات واليهال راح يملووون .. على الاقل أخذى ولدج الكبير والصغير خليييه .. كانت معانا قبل جم سنه وحده بالقروب ومعاها ولدها عمره سنه تأذت وااايد كان يتملل فى الباص كله يبجى ومره الباص وصلنا البحيره وقال راح يمرنا بعد ساعتين مسكينه نست المميه والحليب بالباص والياهل مات من البجى .. وبالنهايه القرار لج

 

[jojowa]

انا انصحج تاخذينهم ,,,عالاقل بيكونون وياج و جدام عينج حتى لو اذوج مو تخلينهم و قلبج عندهم و تحاتينهم و ماراح تتهنين بالسفرة وانتي بس تحاتينهم ,,,انا تقريبا كل سفراتي عيالي معاي بس انا اسم الله عليهم كبار 7 و 5 سنوات يعني شايلين عمرهم ,,,بس من كانوا بالاشهر آخذهم ,,,ماراح اقص عليج و اقولج مايأذون خصوصا اني ما آخذ الخدامه معاي لان ريلي ما يحب بس الحمدلله اهو يجابلهم معاي و نقزرها بعد شنسوي ,,,,

اهم شي حق عمر عيالج العربانه حق التنقلات و عشان بعد لايتعبون ,,,واخذي معاج اكلهم الي يحبونه و حليبهم لان ساعات ماتحصلين النوع الي يشربونه ,,,و اخذي غيارات وايد حقهم عشان لا تقعدين تغسلين وتتاذين ,,,وحق الطيارة خلي عندج جنطة صغيرة حق اكلهم و حليبهم و حفاظاتهم و علج وحلاو عشان يمصونه بالطيارة وقت الهبوط و وقت الاقلاع لان اذنهم راح تعورهم ,,,وانا حماتي دايما تعطي حق عيالها دوا معين ينومهم حق الطيارة خصوصا اذا المسافة طويله عشان لا ياذونج بس انا ماجربت ,,,

وروحي واستانسي حبيبتي و انشاءالله ما ياذونج و تستمتعون كلكم ,,,,

 

[ذكرى الفراق]

حرام 10 ايام شوي يمديج تروحين وتردين وتشوفينهم بخير ان شاللع باجر بيكبرون وتاخذينهم معاج ...خلي السفرة لج اشعرفهم بالسفر خاصه هالعمر صعب اتقصين عليه واتسكتينه بسهوله

 

[جوري 2007]

عيالج وايد صغار ولاراح يذكرون من هالسفرة شي غير انج انتي اللي بتذكرين اللوية والحنة والتعب

المشكلة انه ريلج مايبيهم ، مايسوى عليج يتأفف ويقثج بالحجي انا قلتلج خنخليهم وانتي ماطعتي وتتنكد سفرتج اكثر

اذا تقدرين تخلينهم عند امج او وحدة من خواتج سويها بدون تردد

حرام سفرتج وايد حلوة لاتخربينها

اذا ماعندج احد يمسكهم الله يعينج بس نصيحة لاتروحين قروب

اجروا سيارة واخذوا راحتكم على الاقل اليهال بتقعدينهم ورا يلعبون وياخذون راحتهم موبالباص المكان ضيج وحكرة

انا هالسنة باخذ بنتي ام 3,5 والله يعيني بس الحمدلله هالعمر حليوة واقدر اسيطر عليهااا

 

[سفيرة العشق]

حبيبتي اذا سفرتج 10 ايام هينه
خليهم بالديرة أحسن روحي استانسي وبعدين الاماكن اللي بتروحين لها مافيها ألعاب لليهال
كلها طبيعة ومناظر وراح يملون اليهال
راح تحاتينهم أكيد بس شتسوين عشان ما تخترب سفرتج عليج وبعدين محد يضيق خلقه

 

[توتي بنوتي]

ماقصرتووو بنات رددودكم تبرد الجبد

انا عيالي مشكلتي معاهم ماكو احد اثق اخليه عندهم غير امي وامي مرة كبيرة راح تتعب منهم
وخدامتي بتسافر قبل سفرتنا

 

[3rosa]

والله انا عن تجربه خذيت ولدي بو 5 شهور طبعا كانت السفره اسبوعين وامي الغالية معاي وخالتي حياتي

وااااااااااااااااااااااايد تعبت بالتنقلات واحاتي لا يمرض و التسوق احاتيه اذا وصخ ولا شيء ما في حمامات <<<< صارت معاي واضطريت انه ادش محل فيه حمام وانتو بكرامه بس ما وايد اصغير و ضليت ساعه وانا اعوببل فيه مع امي وخالتي واخر شيء شرينا المحل كله علشان ما يتكلمون .. وماكو نوم بس يحن اسم الله عليه <<<< مع انه ولدي مو حنان هادي بس بالسغر قلب كلش واااااااااااااااااااااااايد تعبني وانا مثلج من النوع الي احاتي ولدي ما امن عليه احد والله يعين هالسنه بسافر من دونه واااااي احس قلبي بيطلع من صدري من الحين وبمجرد انه اتذكر هالسالفه ....

الله يعين ...

 

[كويتية أصيله]

لاااااااااااااااااااااااااااااااااااااااااااااااااااااااااااااااااااااا تاخذينهم بتعذبينهم تعذبين معاهم شنو 10 أيام ديقيه طير .... خليهم عند أهلج أحسن لج

 

[مدرسة طفشانة]

حبيبتي انا ما سافرت بدون عيالي الا للحج >>> الله يكتب لي مرة ثانية
انا اقول اخذيهم معاج احسن وديري بالج عليهم
ان شاء الله ما عليهم الا العافية