استفسار للاطمئنان

[كويتيه طموحه]

السلام عليكم بناااات ... آنا صارلي سنه ونص متزوجه وآنا وريلي ماكنه وايد مشغولين بسالفة الحمل وكنه نقول حق الكل سواء أهلي أو أهله احنه مو مستعيلين تو الناس وليلحين صغار ومو شاغلنه الموضوع واايد .. وقلنه هم السنه الاولى من الزواج بنستانس فيها لاحقين تالي على الصيحه واللويه وهم ريلي يعني ماكان مصر ولاناوي يقول نفسي تو الناس مانبي الحين وغير جذي احنه هم أخرنه الموضوع بسبة دوامي لاني مو مرتاحه فييه كلش لا معاش سنع ولا ناس سنعه وكل يوم مشاكل مايخلون الواحد بحاله نفسيتي هم تلعب دور يعني xx بالمره بس الحين الحمدالله راح يتعدل كل شي وانشاءالله اروح مكان ثاني عن قريب انشاءالله يعني الحين بالدوام التعبان الي انا فيه قمت أقزر وطاقتهم بالطوف لين تتسهل اموري وروح وظيفه ثانيه ... أهلي وأهله عارفين اني حيل متأزمه من هالسالفه وصج حيل كاسره خاطرهم .. انشاءالله باقي خطوات بسيطه وافتك وارتاح لانه عاشوا الوضع وياي ومن كلامي اسمعوني اشلون انذل وانهان كل يوم من شوية زباله حشاكم .. والوضع عايشته انا وحده رفيجتي كانت ايام الجامعه وياي وهيه بعد قاعدين يحاولون لها اهلها وتسعى ... المهم انها هانت انشاءالله ... وكانوا اول شي وايد يضايقوني بالأسئله ياالله متى نبي بيبي ورد وقول كل شي بوقته حلو احنه مأجلين مو مستعيلين ... الحين من شهر فكرنه وقررنه خلاص نبي بيبي والكل قلتله خلاص نوينه وكل شي الحمدالله والحين صج نبي وقاعدين انحاول ... بس اليوم ضاق خلقي حسيت هالشهر راح احمل بس الله ماكتب ويتلي الدوره اليوم ؛// ضاق خلقي حييل .. مادري ليش خايفه مادري لاني الحين ابي هالشي حيييل وجذي خايفه .. قلت حق ريلي بهالشهر اشرايك اسوي تحليل او اروح عند دكتور جان يقولي لا ماله داعي احنه تونه امقررين هالشهر خل ننطر ليش مستعيله ليين بعد ست اشهر يصير خير بس انا ماودي انطر ودي اروح اسوي تحليل او استشير دكتور جذي .. انا الحمدالله مافيني شي لاني اول ماتزوجت كانت الدوره عندي مو مضبوطه اتييلي بالشهر مرتين بعدين رحت عند دكتوره وقلتلها انه الدوره عندي متخربطه مو منتظمه جان تقولي عااادي هاذي سالفة هرمونات تتغير راح تنتظم انشاءالله وعطتني حبوب منظم الدوره واكتبتلي على فوليك أسد .. ماخذيتهم قلت مدام طمنتني ليش آخذ لحبوب خل أنطر على نفسي اذا مانتظمت آخذهم والله نطرت شهرين جذي والحمداالله انتظمت بروحها بدون لا آخذ حبوب .. والحين هم الحمدالله اتيي منتظمه .. بس الحين استفسار آخذ مقويات مثل فوليك اسد ولا اروح الطبيب !!!

 

[فطووومة]

روحي الدكتورة عشان تتطمنين

واهي تقولج شتسوين ان شالله

والله يرزقج الذرية الصالحة حبيبتي

 

[كويتيه مذهله 87]

الله يرزقج ياااارب

,,,

 

[ترووفه]

حبيبتي

لاازم تقنعينه انكم تحللون
قولي مافيها شي نحلل عالاقل نتطمن على بعض

ولو لاسمح الله في مشكله والا شي تعالجون ومايتاخر الحمل

 

[كويتيه طموحه]

مشكورين بنااات ماقصرتوا حبايبي ؛*** .. انشاءالله بروح حق الدكتوره وسألها شنو تنصحني أسوي وانشاءالله خير ؛)

 

[عــود كمــبودي]

الله يرزقج ويرزقنااااا

 

[7opyq8]

الله يرزرقج بمكان ترتاحين فيه

ولاتاخذين شي وتلعبين بعمرج نطري تفحصين

 

[نـور الكويت]

عسى الله يرزقنا يارب العالمين

 

[أحبك يالبنفسج]

رد : استفسار للاطمئنان

الفوليك اسد عادى يعدل دمج بس مو مقوي لازم تاخذينه

الله يرزقج الذريه الصالحه

 

[الغــــرور]

الله يرزقك يارب ويرزقنا......

روحي سوي فحص احسن لك.... وهو بعد يسوي فحص...

والله يكتب لك ولنا الخير يارب..

 

[اصايل كويت]

رد : استفسار للاطمئنان

لا تاكلين شي بدون استشاره الدكتور

 

[مارغريتا]

الله يرزقج ان شالله

احس تو الناس تروحين وكلام ريلج صح

بس اذا انتي ودج روحي واهم شي روحي بوقت الدوره اول ايامها

 

[كويتيه طموحه]

مشكورييين بنات ماقصرتوا كلكم الله يرزقنا ويرزقكم انشاءالله يااارب ؛****

 

[مواصله]

رد : استفسار للاطمئنان

روحي الدكتوره مافيها شيئ واسأليها عن وضع التبويض عندك احسن وقت تروحيلها يوم 11 من الدوره