استفسار عن مستوصفات الحكومه؟؟

[منبع الإحساس]

السلام عليكم ،،
شلونكم بنات؟؟

بغيت أعرف منكم منو راحت عيادة أمراض نساء الحكوميه اللي بالمستوصفات وجربت تعالج عندهم حق تأخر الحمل أوغيره؟؟

وياليت اللي راحت تحط تجربتها لنا..

أنا صارلي 3 سنوات متزوجه وليلحين مالله رزقني بالذريه ، ورحت كذا مره حق عياده خاصه ، دكتوره تقولي فيج ضعف خفيف بالمبايض ودكتوره تقولي مافيج شي مبيايضج زينه .. ودخت معاهم واحترت!!

وأبي منكم تنصحوني؟؟​

 

[Australia girl]

والله ماعندي فكره ..بس حبيت ادعيلج ياقلبي ..عسى ربي يرزقج بالذريه الصالحه يارب عاجلا غير اجلا يارب العالمين ..

 

[منبع الإحساس]

آميــن .. تسلمين يافلبي

والله يرزقج باللي تبينه..

ومشكوره عالرد..

وين الباجي؟؟​

 

[كويتيه مذهله 87]

انا حبيبتي رحت مستوصف الي بمنطقتنا
كلش كلش كلش مافادوني أصلا لمن اروح بتعالج عندهم والله هما يقولولي روحي خاص احسن هنيه يعطلونج
واصلا هما حولووني الصباح مستشفي الولاده
رحت العيادات الخارجيه اتذكر هالحجي اول ماتزوجت يعني من 3 سنين وكان عندي تكيس مبايض والله يعطوني المواعيد بعد 3 شهوور اشدعوه انا الحين يايه بسوي عمليه كي تكيسات رحتلهم بعد 3 شهور ولا التكيس راح مني ههههههههههههههههههههههههههههه


وقبل لا ادشين العيااده لاااااازم تحليل حمل واسويه والله انطر سااعتيييييييييييييييييييييين يالله يعطوني النتيجه وادخل علي الدكتووووور

حتى الواااسطه مافادتني معني اختي تشتغل هناك


قط فلوسك بالشمس واقعد بالظلال

 

[~ذات السُبحه~]

الله يرزقج حبيبتي الذريه
اب

 

[دمثة]

ما انصحج الا عندج واسطة روحي مباشرة الصباح احسن لج


المستوصفات مامنهااا نفعه

 

[نيبال الايمان]

ياعمرى اول شى يا عسى الله يرزقج باللى يقر عينج ويفرح قلبج عاجلا غير اجلا اللهم امين امين امين


ياعمرى ترى الرزاق واحد احد لا تقولين حكومى ولا خاص وين ما الله حاط رزقج بتاخذينه

اول شى توكلى على الله وجربى بالمستوصف اذا مشى الحال ولقيتى تعاملهم زين ويسووون لج كل التحليل الخاصة بتاخر الحمل توكلى على الله واستمرى معاهم واذا لقيتهم مثل ما قالوا بعض الخوات مافى اهتمام ولا شى تستفيدين منه روحى للخاص

بس هم لا تنسين نقطه مهمة وهى ريلج خليه يسوى تحاليل وتاكدى انه ان شاء الله مافيه عله ولا يشتكى من شى
عشان اذا لا قدر الله كان فيه شى تبلشون من اول شى ومع بعظكم احسن لكم وهم توفرون الوقت

وعسى الله يرزقج من غير هالتعب هذا كله طبيعى ان شاء الله عاجلا غير اجلا اللهم امين يارب
ويرزق كل محروم ومحرومه منهم وكل من يتمناهم منوة امين امين امين

 

[الحلا و الزين]

اضن البنات انصحوج و مابي ازيد عليهم بس الله يرزقج و يرزقنا آآآآآآآآآآآآآآآآآمين

 

[عقربه]

سلام اختي

انا بدايتي كان في المستوصف التابع لنا

الاحقاقي بالدعية

ماشاء الله عليهم

الدكتورة الي مسؤولة عني كانت هندية و شاطره

الحمد لله كلش ما تاذيت معاهم

و سوولي كل اتحاليل المطلوبة لي و لزوجي

و بعدها خذيت تحويل لطفل الانابيب

لان زوجي عنده ضعف في الحيوانات المنوية

و الله ولي التوفيق

 

[ايمانو حلوة]

انا اروح حكومة وخاص بس حكومة اكثر مستوصف بيتنا ودكتوري شاطر


بديت اروحله من اول زواجي او بالاحرى من بعد سنة من زواجي وكان عندي برولاكتين عالي واخذت علاج وحملت وبعدين الله ماكتبلي اتم حملاتي صارتلي حالات اجهاض ورحت الطبيب مرة ثانية وسوالي تحاليل وطلع عندي ضعف تبويض وخذيت علاج وسوالي سونار واخذت ابر تفجير بس ربج ليلحين ماكتب


الزبدة من واقع تجربة انا مجربة الخاص والحكومة بصراحة نفس الشي بس الحكومة اطول تحاليلهم شهر يالله تطلع اذا في حالة تحاليلي الهرمونات بس التحاليل الثانية اسبوع بس العلاج نفسه نفسه مافي فرق كلللللللللللللللش

 

[الزمردهA]

الله يرزقج الذريه ياااارب
بصراحه انا رحت المستوصف وسويت التحاليل الازمه وطلع في ضعف بالتبويض
وطلبت تحويل للمستشفى الصباح والله معاملتهم زينه وحاليا اراجع عندهم اليوم كتبلي الدكتور الكولوميد وسونار عاشر يوم الدوره والله
انا راجعة عند مستشفيات خاصه والله نفس العلاج نفس الابر والحبوب
يمكن دكتوري شاطر
بناااات ادعولي ان ربي يرزقني الذريه الصالحه

 

[دنياالوله]

الله يعوضج خير
ماأدري بس احس اي شي حكومي يطول
مع اني ماجربت الا مره وعند بنت خالتي دكتورة نساء وولاده
وعشان اطلع تقارير
الباجي كله عند الدكتور منصور العرف
والخاص معاملتهم غيررررررر

 

[$غــ(ز)ــل$]

المشكله بالحكومه المواعيد الطويله
والمشكله الثانيه ماتستمرين مع دكتور معين .. انتي وحظج

والله يرزقج ان شااءالله

 

[أم راشد المطيري]

انا اراجع بمستوصف منطقتنا الصراحة زينين وياي

يسون لي كل التحاليل المطلوبة بس صج نتايج التحاليل اطول

بس والله نفس العلاج

انتي روحي وسوي التحاليل المطلوبة وبعدين قوليلهم حولوني على الصباح

 

[قلب نواف]

يعالجونج ويمكن يحولونج للمستشفى


رفيجتي جذي راجعت بالحكومة جم شهر وبعدين حولوها المستشفى