استفسار عن مستشفي السيف والامومه..للي ولدو هناك

[@مراحب@]

السلام عليكم بنات شخباركم
حبايبي كويتيات بغيت استفسار بسيط عن مستشفي السيف والامومه
وابي تجارب بنات والدين هناك بصراحه محتاره بين هالاثنين انا ولا مرة
ولدت بخاص ولاداتي السابقه كانت بمستشفي الولادة وكانت الحمدلله كلها
طبيعيه ومفكرة انه هالحمله اخر حمله لي عشان جذي بدلع روحي شوي
بنات بغيت اللي ولدو هناك ابي ردودهم مابي اسعارهم نفسها اللي حاطينها
لانه انا سمعت انه مو نفس اللي اهمه كاتبينه
بغيت الاسعار والعنايه وشنو افضل الدكتورة من المستشفي نفسها
والا برة
والله يجزاها خير اللي ترد علي

 

[فراشة الأحزان]

اي والله ياريت البنات يفيدونا
وعسى ربي يقومج بالسلامه ياعمري

 

[غالية22]

موفقه

 

[فراوله زوجي]

انا انصحج انج ماترحين للسيف بالمره غالي وجذابين على طول قيصريه
حماتي تسعه سانتي وودوها العمليات ودخلوها العنايه والانعاش
ورفيجتي بجر سبعه سانتي ومانطري عليها على طول قيصريه

 

[jaaanooo]

ان شاء الله البنات يفيدونج حبوبتي .. انا بصراحة ولده بمستشفي دار الشفا

 

[الأميرة جوري]

الله يسهل عليج يارب

 

[@ام يوسف@]

ااب

 

[iTaLiyA]

أنا ولادتين بمستشفى السيف الصراحه انصحج فيه
على بنتي ولدتني الدكتوره نادين خوش دكتوره و تنطر و خياطها وايد حلو
و توني ما صارلي اسبوع والده بس هالمره عند روبينا لانه نادين مسافره و هم نطرت علي و خياطها حلو
بالنسبه للمستشفى و العنايه الصراحه دلع و اهتمام و الأسعار نفس ما مكتوبه اللهم يزيدون سعر إبرة الظهر و التحاليل لا اكثر ولا اقل
و الله يسهل عليج إن شاءالله و تقومين انتي و البيبي بالسلامة

 

[جوري ونرجس]

مو شرط الخاص على طول قيصري
الحين ثنتين من اهلي بجر وطبيعي نطروا عليهم ١٢ ساعه والي معاها قاعدين يولدون ونفس الدكتورة
حولوها قيصري اكيد البيبي تعب ومو نازل بالحوض

 

[ارو وكندر]

الله يسهل عليج ياارب انا والده بالامومه قبل ست اشهر
والحمدالله العنااايه موطبيعيه والله لي درجه ودي احمل مره ثانيه واولد عندهم
انا عند دطتور محمود السيد مراجعااتي بس بوقت الولاده اهو كان منتهي دوامه فبقا معااي وفحصني وسااعدني حييل لان طلقي برد فجاه وضغط ع بطني واللي ولدتني سراجا وخياطها حلو
بس مسافره الحين
غرفتهم العاديه تسوا غرفت الجونيور vipبالراشد لا وارخص بعد
كلفتني الولاده450
مع ليلتين ووجباات وعلاج وفحص الحوض للبيبي ومراجعه بعد اسبوع لج وللبيبي مجانا
ودخلي على تجمع مراجعاات الامومه وتلاقين شكثر بنات والدين فيه وكاتبين قصصهم اخذي فكره

والسهالات من الله
اي انا ييتهم 3ونص الرحم فاتح الساعه 5الفجر وولدت 2وعشر الظهر اصبرووا علي
ع الرغم من اني تعبت وقلت للدكتور ابي قيصري بس قالي تحملي انتي بجر

ابي دعوه منج لي
والله يسهل عليج

 

[@مراحب@]

فراشة. الاحزان
غاليه 22
فراولة زوجي
Jaaanooo
الاميرة جوري
ام يوسف
iTaliya
جروي ونرجس
مشكورين حبايبي علي ردودكم لا خلا ولا عدم
يزاكم الله خير
عسي الله يفتح عليكم ويرزقكم اللي فبالكم

 

[@مراحب@]

الله يسهل عليج ياارب انا والده بالامومه قبل ست اشهر
والحمدالله العنااايه موطبيعيه والله لي درجه ودي احمل مره ثانيه واولد عندهم
انا عند دطتور محمود السيد مراجعااتي بس بوقت الولاده اهو كان منتهي دوامه فبقا معااي وفحصني وسااعدني حييل لان طلقي برد فجاه وضغط ع بطني واللي ولدتني سراجا وخياطها حلو
بس مسافره الحين
غرفتهم العاديه تسوا غرفت الجونيور vipبالراشد لا وارخص بعد
كلفتني الولاده450
مع ليلتين ووجباات وعلاج وفحص الحوض للبيبي ومراجعه بعد اسبوع لج وللبيبي مجانا
ودخلي على تجمع مراجعاات الامومه وتلاقين شكثر بنات والدين فيه وكاتبين قصصهم اخذي فكره

والسهالات من الله
اي انا ييتهم 3ونص الرحم فاتح الساعه 5الفجر وولدت 2وعشر الظهر اصبرووا علي
ع الرغم من اني تعبت وقلت للدكتور ابي قيصري بس قالي تحملي انتي بجر

ابي دعوه منج لي
والله يسهل عليج

يزاج الله خير حبيبتي اوماقصرتي وعسي الله ينولج اللي فبالج والحمدلله علي السلامه مع انها متاخرة شوي
بس معقوله ولادتهم 450 وايد زين