استفسار عن فيزا شنغن اللي عندها معلومات تدش

[إم نصور]

السلام عليكم عندي استفسار بسيط اللي تعرف لاتبخل علي حجزت ان شاءالله بسافر مع عيالي وزوجي لسويسرا حبيت استفسر عن الشنغن لان احنا اول شي بنطب سويسرا حلو وبعدها بروح المانيا والنمسا بس وترد سويسرا وطبعا محل السفريات يقول مصكره السفاره تفتح بعد العيد :eh_s(2):وسفرتنا تاريخ 8/26 وقالو بنطلع لكم الفيزا الشنغن من السفاره الاسبانيه واحنا سفرتنا لسويسرا واسبانيا ماراح نجيها. وانا اول مره اسافر اوربا وسمعت ان لازم اذا سوينا الشنغن من اسبانيا لازوم اول شي نطب اسبانيا تكفون خايفه اللي عندها خلفيه او معلومات تقوليي لان مكتب السفرايات اللي يسوي الفيز عادي وانا بصراحه متخوفه اللي سوت فيزا لاوربا الشنغن من اي سفاره طلعت وبعدها راح دوله ثانيه تقولي والله خايفه يطردونا سويسرا لان ماسوينا من عندهم :eh_s(16):وهل صحيح ان اذا سويتي الفيزا بسفاره معينه ومولازم تروحين لدوله اللي سويتي. منها الفيزا اتمني فهمتوني لاني احاتي ومتخوفه وخاصه معاي عيالي صغار ومابي يتبهدلون وجزاكم الله خير

 

[أ.س.م.ا.ء]

تروحون وتردون بالسلامة ان شاء الله
الي اعرفه انج تطلعين الفيزا من نفس سفارة الدولة الي بتسافرين لها
واذا كنتي بتسافرين اكثر من دولة تطلعين فيزا من سفارة الدولة الي بتقعدين فيها مده اطول
والافضل انكم تتصلون على سفارات الدول الي بتسافرون لها وتتاكدون

 

[om MaRyooM]

ماندي فكرة حبيبتي

بس اللي اعرفه انج تراجعين السفارة

جان طلعتوها من قبل رمضان !! حسافة

 

[om MaRyooM]

ماندي فكرة حبيبتي

بس اللي اعرفه انج تراجعين السفارة

جان طلعتوها من قبل رمضان !! حسافة

 

[إم نصور]

يعطيكم العافيه فديتكم بنات اللي سوت شنغن من اي سفاره وهل رحتي لدوله اللي استخرجتي منها فيزا الشنغن يعني هل اقدر ادش سويسرا بفيزا شنغن من اسبانيا وانا وجهتي الاولي لسويسرا واسبانيا ماراح اروح لها فل يعرف يقدر يفيدني والله خايفه يردوني ومشكله جحزت التذاكرت بس مشكله هالفيزا شنغن من اسبانيا

 

[هيللو كيتي]

حبيبتي احنا تو مطلعين فيزا شنغن
لازم الفيزا شنغن تطلعينها من سفارة الديرة اللي بتقعدون اطول مدة فيها ..

واصلا مايسون لج الفيزا الا لمن يشوفون حجز فندقج والتذاكر ..

احنا بنقعد بزلامسي ان شاءلله ، فطلعنا فييزتنا من النمساويه مع ان اول مانوصل بمطار ميونخ بالمانيا
بس لان قعدتنا بالنمسا..

روحي راجعي مكتب القبس اهو اللي يسوي لكم الفيز السفارة تعامل معاه ..

او مجمع الدوليه بشرق كله سفريات واهم يظبطونكم..

روحي لمكتب مضمون
لان تاخذ وقت الفيزا ١٠ ايام تقريبا
ويردون لكم خبر المكتب ثاني يوم اذا اوكي الفيزا او لاآ..

 

[مارون جلاسيه]

انا نفس حالتج بروح سويسر والنمسا بس بطب مطار زيورخ سويسرا والسفاره لسويسريه تطول فبنطلع الشنغن من أسفاره ألنمساويه لاني بقعد بالنمسا اكثر من سويسرا وقالو تخلص انشالله ..واذا انت بتطولين بسويسرا اكثر من النمسا قوليلي واقولج شنو تسوين ....
انا باجر رايحه السفاره النمساويه الله يسهل

 

[القصيدة]

السلام عليكم و رحمة الله و بركاته

السنة اللي فاتت دخلت النمسا عادي جداً و الشنغن من إيطاليا

ألمانيا و هولندا متشددين حيل و غالباً تعتمد ع الموظفين و مدى مرونتهم

لو قدرتوا تستخرجونها من السويسرية أفضل

و لو ما قدرتوا ممكن تقولين لهم في المطار انو كنتوا ناوين تروحون اسبانيا و غيرتوا رأيكم لسويسرا

موفقين يا ربّ :eh_s(17):

​

 

[إم نصور]

يعطيكم العافيه والله يسهل سفرنا وسفركم ماقصرتو احنا بنزل بمطار زيورخ بس مارح نقعد بسويسرا بنخليها اخر الايام بروح علي طول النمسا الله يسهل علينا وعليكم يارب وماقصرتو اللي ردو علي وبخصوص السفاره السويسريه وقفت تسوي الفيزا بعد العيد صكرت ومالنا الا اي دوله ثانيه ومشكله حجزنا لمطار زيورخ وبحاول اخذ فيزا شنغن من السفاره الفرنسيه وان شاءالله تخلص قبل العيد جم يوم وتطلع من السفاره الفرنسيه ولا تطول خاصتن اذا كانت عن طريق مكتب يخلصها لي تعتقعدون ماتطول وشكرا لكم جميعا جزاكم الله خير :eh_s(7):

 

[مارون جلاسيه]

شوفي الخاص انا توني دازتلج

 

[إم نصور]

وصلتني ويعطيج الف عافيه جزاج الله خير :eh_s(7):