استفسار عن شرم الشيخ

[hard mood]

سلام عليكم خواتي ،،،
ودي اسألكم عن ماريوت شرم الشيخ ، شلون نظافة:0bee2e8d89:
لاني من نوع اهم شي نظافة وخاصة الحمام

 

[@ دهن العود @]

والله يا قلبى انا مثلج حااااااااااااااااااااااايسه بالنت ادور فنادق بالقاهره وشرم الشيخ

واهم شى عندى النظاااااااااااااااااااافه

 

[hard mood]

تسلمين ياقلبي ان شاء الله خواتنا يدلونا على الفنادق

 

[بتبوتااا]

موفنبيك اينن وبالنسبه للنظافه عندج سوفيتيل وماريوت وفي وايد بس مومتذكره

 

[henoo]

حبيبتي
ماريوت شرم الشيخ حلو وزين يعني احسن الموجود انا اول مارحت انصدمت توقعت نفس مستوى الفنادق الي احنى متعودين عليها 5 نجوم بس لانها على البحر فيعني اشوي اقل مستوى بس بشكل عام زين وحلو

المرة الثانية رحت حق الموفنبك نفس المستوى بس يميزه انه قريب يم المطاعم والسوق والقهاوي ما تحتاجين تمشين
ماريوت يبيلج تمشين اشوي ولا تاخذين فندق


وتأكدي انه حجزج بالاجانب البحري مو البري لانه في مبنى على البحر طبعا مو شرط تصير الغرفة مطله على البحر بس المبنى كلة على البحر

وفي مبنى على البر تعبرين الشارع عشان تروحين الرسبشن او تروحين البحر مو شي هذا اقل مستوى الي اعرفة ويفرق بالسعر طبعا

وانا بالخدمة لاي سؤال

 

[@ربانة العود@]

حبيبتي اناالعطله الي طافت رحنا شرم الشيخ
الله لايوريج
ويييييييييييييييييييييييييييييييييييييع
فنادقهم صرااحه زباااااااااااااااااااااااااااااااااااااااااله
رحت موفنبيك فيه بريعصيه
ويييييييييييييييع
صراحه ايام سودة كانت

 

[henoo]

لا شرم الشيخ حلوة وونيسة انا كل سنة اروحلها بس عاد انا قلتلج الفنادق مو نفس المستوى الى متعودين عليه يعني مثل الشاليهات
وانتي عاد اذا من ربع البحر والسباحة والرحلات البحرية راح تستانسين
واذا ما تسبحين ولا من ربع الرحلات البحرية مو راح تعجبج

وفيها رحلات وايد بس اذا عزمتي انشاء الله ما يصير خاطرج الا طيب اقولج عن الرحلات الي اعرفها

ربانة العود
وبالنسبة للبريعصية لالا ما اتوقع مو لي هدرجة في نظافة بس يمكن البريعصي انتي شايفته بالحديقة مالت الفندق مو بالغرفة جان ما يصير فندق 5 نجوم في شروط عالمية مو اي فندق ياخذ 5 نجوم

 

[فراولة^فوشيا]

انا مع اختي henoo

الفنادق هناك مستواها كأنك في شاليهات
لأنها كلها عالبحر

وانا جربت الماريوت حلو ومرتب واحلى شي موقعه
وموفنبك بعد اقرب للقهاوي

انا توني يايه من شرم الشيخ صارلي اسبوعين
اذا حابه تشوفين التقرير

http://www.q8yat.net/showthread.php?t=152510

وكنت نازله في سوفتيل ،، حطيت معلومات وصور عنه واذا بغيتي اي شي حاضرين

 

[بنات حواء2]

يعطيكم العافيه
و الله كنت ابي اروح بعدين هونت لاني ابي اتسبح ة اسوي كلشي بس راح اتحسر لمن اروح و اشوف الكل لابس و طاب و اا بحجابي عاد ليش اسافر و انقهر
خلاروح القاهر اتسوق احسنلي

اما بنسبه لسباحه احجزليي فندق في بالغرفه حمام سباحه و اريح راسي

لووووول

 

[hard mood]

يعطيكم العافية خواتي بصراحة فرحت لردودكم وحسيت إني وسط خواتي

ان شاء الله راح اسكن في ماريوت شرم الشيخ ، بس ودي اعرف بنات شلون الجو وشلون اسواقهم يعني في شي اشتريه حق عيالي لاني رايحة دورة هناك اسبوع

أختي فراولة فوشيا بصراحة تقريرك يجنن وضحكت على ذبانة و الباص بصراحة روعة وابداع عسى الله يوفقك ويوفقك باقي الاخوات
سؤال خواتي بخصوص شراشف الفندق نظيفة والحمام شلون ؟؟؟؟؟ لان الدورة بنفس الفندق مابي احوس بالمواصلات

 

[henoo]

شوفي حبيبتي شراشفهم زينة ما تحتاجين اتييبين معاج

وبالنسبة للجو بالنهار شمس وحر وبالليل وايد حلو

وبالنسبة للسوق مافي شي لا تفكرين تشترين

والله يوفقج انشاء الله

 

[hard mood]

شكرا أختي henoo على المعلومة

 

[ghalya]

حبيبتي انا كنت هناك بشهر 11 .... وسكنت بفندق حياة وايد وايد كان حلو ... رفيجتي كانت بالماريوت صج كان قريب يم القهاوي بس مستواه مو مثل حياة ... وعموما حياة مو بعيد عن السوق والقهاوي (نعمه باي) تقريبا 5 دقايق بالتاكسي .

 

[hard mood]

شكرا أختي على مرورك

 

[bambena]

انا رحت سكنت الموفنبك حلو وونيس والماريوت بعد حلو وماكو شوق هناك بس سوفنيرز

 

[hard mood]

شكرا أختي bambena ، بس شنو سوفنيرز ياريت توضحين لو سمحتي يالغالية

 

[فرنسا]

انا وايد اروح شارم وجربت فنادق وايد اخر مرة سكنت ماريوت جهة البر عشان كان فل جهة البحر بس وايد اهدى من جهة البحر اللوبي مو زحمة حتى قدرنا انا وزوجي نقعد براحتنا بدون ازعاج وصيحة ومراكض يهال وصراخ و لامفاصيخ وقررنا مانسكن الافية مرة ثانية
وبالنسبة لشارم ترى كلها على بعض تفرينها مشي بنص ساعة لانها منتجع مومدينة كبيرة

 

[فرنسا]

سوفينيرز معناها اشياء مثل مواعين او اكسسوارات مصنوعة من كرستال
ومثل ماقالو البنات ماكو شي ينشرى غير تي شيرتات عليها رسمة شارم او شاي الحبك وايد خنين مالهم واذا تعرفين وتحبين اتجازفين اشتري قلوب فيروز او كورال لانهم رخاص بس انا خفت يقصون علي ويعطوني فالصوا ....هاهاها

 

[بتبوتااا]

لا في سوق التجاري القديم فيه جناط وشحاطات تكرمون تينن ورخاص وفيه مدينه مائيه كليو بارك وفي مدينه العاب صغيره بس مو شي وفي سينما ومطاعم ورحلات وانا انصحج بفندق موفنبيك ولا سوفتيل ولا ماريوت وروحي استناسي عادي لبسي مايوه اسلامي انا لبسته واستانست ومالي شغل بأحد ولا احد له شغل فيني الكل بحاله هناك

 

[hard mood]

شكرا أختي فرنسا وأختي بتبوتا ، عسى الله يوفقكم على معلوماتكم ويرزقكم من اوسع ابوابه يارب