استفسار عن شرم الشيخ ساعدوني

[++The DuchesS++]

بنات اشلونكم ؟؟

مفكره اروح شرم الشيخ
وودي اخذ فكره عنها وعن اسعار التذاكر
وجم يكفيني اذا بقعد اسبوع او 10 ايام ؟
بليز اللي عندها فكره تقولي واكون شاكره لكم

 

[رومانسية حالمه]

السلام : انا رحت شرم الشيخ وايد بصراحه ديره تهبل بس صغيره يعني اذا الواحد يبي يروح حدا اسبوع يعنى مثلا من الاربعاء لي الاربعاء . انا ولا مره رحت لها بالشتا لانها ديره بحر وسفاري وتمشي يعنى ما ينفع تروحين بالبرد واذا تبين فنادق زينه سكني بخليج نعمه ولا تغلطين غلطتي انا اول مره رحت فيها شرم الشيخ سكنت بفندق هوليدى ان وكان يم المطار بعيد على خليج نعمه . سكني بفندق موفنبيك او فندق نعمه بااى هذيلي نبص السوق والمطاعم .على طاري المطاعم في مطعم مصري واااااااايد حلو أسمه (ابو السيد) فوق هارد روك هذا عجيب ورحله سعيده حبيبتي .

 

[++The DuchesS++]

اوكي بس ودي اعرف جم يكفيني اذا بقعد اسبوع

 

[Cherrrry]

السلام عليكم ..

بالنسبه حق شرم الشيخ اهيا ديرة ونااااسه


وايد وايد حلوه ..

شوفي بقولج الشغلات اللي تقدرين تسوينها اهناك و لا تطوفينها ..


اول شي بالنسبه حق السوق ترا مافيها سوق يعني في شارع واحد تتمشين فيه شغلات تذكاريه يعني تي شيرتات و مناظر و شغلات مكتوب عليها شرم الشيخ .. بس مافي سوق حق تسوقنا العادي


و المطاعم في نفس الشارع مال خليج نعمه في مطاعم مختلفه ..


اما بالنسبه حق شكثر تحتاجين .. على حسب الاوتيل احنا سكنه في كراون بلازا

رحنه 5 ايام بس بالصيف و الاسعار طبعا غاليه بالصيف عشان جذي ما اقدر احددلج الحين جم تحتاجين حق الاوتيلات



لا تطوفج رحلة البحر اللي فيها شعاب مرجانيه و شغلات غريبه .. هذي معرووفه اهناك


و في بقيات بعد بين الجبال هم حلوه من الاكتيفيتي اللي يسونها الناس في شرم الشيخ


و في بعد سهرة الجبل هذي استانسنا فيها ..

ايبون برامج مختلفه .. مثلا ساحر و خفت يد و جذي سوالف حلوه بروجرام كامل كل مره مختلف

هم معرووف وايد و في بوفيه

و في ركوب حصن و جمال


يعني راح تستانسون ..

هذا غير الفنادق ساعات يسون برامج ترفيهيه حلوه ..


اهيا مصر بشكل عام ديره حلوه حق اللي يبون يستانسون


و شرم الشيخ حلوه وايد


كفايه الجو و الطبيعه منظر البحر و التمشي

ان شاء الله تستانسون

 

[ام مضاوي]

انا خالتي راحتلها في عيد الفطر


تقول رخييييييييييييييييييييييييصه

حق التمشي لشخصين ومطاعم ومصرفج يكفيج تقريبا على كلامها 300 دينار

وباجي المصاريف روحي لشركة سفريات وشوفي التذاكر مع حجز الفنادق الي فادوج فيها البنات جم تكلف

 

[hmama]

هلا غفران

شلونج وشخبارج

انا رحت شرم الشيخ بالصيف وايد استانست

ترا ما تنفع بالبرد كلش ملش

واسبوع وايدد عليها روحي 4 ايام او5 ايام احسن

سكني بخليج نعمه وكل شي قريب منج

عندج فندق جولي موفينبك وهيلتون فيروز

وخليج على ماكدونالدز احلى مطعم دائما وابدا

 

[++The DuchesS++]

الف شكر لكم بنات على الردود
والله انا متشجعه اروح بس ان شاء الله
على نهايه الشتا وبدايه الصيف
يعني قبل الحر
يعطيكم الف عافيه

 

[عروس الدنيا]

الله شرم تهبلللللللللللللللل و مصرفج بيكون تكسي و اكل و رحلات .... رخص رخص رخص حتى الفنادق مقارنة بباجي الدول اسعارهم وايد زينه بس حجزي من النت ارخص

 

[aa7zan]

شوفي حبوبه اهم شي بشرم الشيخ انج تحزين فندق في خليج نعمه عشان ماتستخدمين التكاسي كلش وترا موغاليه بصراحه انا كلفتني تقريبا 150 دينار حق سبوع لان اهيا كلها قعداة مقاهي وبحر وناسه

 

[++The DuchesS++]

الله شوقتوني حيييل
ان شاء الله مفكره جديا ارووح
يعطيكم الف عافيه

 

[الفاتنة]

نصيحة لا تسكنين في الموفنبيك كله كويتيين ... يعني كانك في الكويت

انا اسكن في المارييوت الي جهة البحر صراحة روعة واسعاره حلوة والغرف نظام شاليه

 

[++The DuchesS++]

مشكووره حبوبه على المرور
يعطيج العافيه

 

[جمرة غضى]

فندق نوفوتيل بخليج نعمه حلو وراقي وبالنسبه للباجي البنات كفوا ووفوا

ورحله سعيده